From Wikipedia, the free encyclopedia
نجف عراق دا اک شہر اے جہڑا علی دے روضہ دے حوالے نال مشہور اے ۔ نجف بغداد توں 160 کلومیٹر دوراے تے پرانے شہر کوفہ دے نیڑے اک اچے علاقے چ آباد اے ۔ نجف دا لفظی مطلب اے اچی تھاں ۔ نجف دی آبادی 2006ء چ 6 لکھ توں ودھ سی ۔
نجف | |
شیعہ مسلماں دا مقدس شہر | |
![]() | |
علی دا روضہ | |
![]() | |
عراق ج نجف دا محل وقوع | |
[[دیس | عراق |
صوبہ | ولایت نجف |
سیاسی حثیت | شہر |
آبادی تے جغرافیہ | |
'کل آبادی | 5 لکھ 60 ہزار |
سطح سمندر توں انچائی | 60 میٹر |
ٹائم وون | |
ویلا سردیاں چ | جی ایم ٹی 3+ |
ویلا گرمیاں چ | 4+ (یو ٹی سی) |
نجف اک پرانے ساسانی شہر سورستان دے لاگے سی جہڑا اوس ویلے فارس دی سلطنت ج شامل سی ۔ عباسی خلیفہ ہارون الرشید نے اسدی نویں سرے نوں تعمیر کروائی ۔ سلطنت عثمانیہ دے ویلے عرب قبیلےآں دے حملےآں تے پانی دے ذخیرے دی کمی پاروں ایتھے گھراں دی گنتی گھٹ ہو کے 16ویں صدی عیسوی چ 30،000 توں صرف 30 رہ گئی سی ۔ 18ویں صدی عیسوی چ وہابی قبیلےآں نے اسنوں کئی بار لٹیا تے تاراج کیتا ۔ 1803ء چ نہر ہندیہ دی اساری نال پانی دا مسئلہ مستقل بنیاداں تے حل ہویا تے شہر دی آبادی یکدم 60،000 ہزار توں ودھ گئی ۔ 1915ء چ شہر عرب بغاوت پاروںسلطنت عثمانیہ دی عملداری توں نکل کے برطانیہ دے مل ہیٹھ چلا گیا ۔ 1918ء ج شہر دے مذہبی آگو سید مہدی الاعوادی نے بغاوت کر دتی تے برطانوی فوج نے شہر نوں گھیرے چ لے کے پانی دی رسد بند کر دتی تے شہر تے مل مار لیا ۔ صدام حسین دے دور چ ایہہ شہر اپنی شیعہ آبادی دی وجہ توں ہمیشہ شک دی زد چ رہیا تے ایتھے کئی بجغاوتاں ہوئیاں ۔ فروری 1999ہ چ مشہور شیعہ رہنما سید صادق الصدر نوں بعداد ج شہید کر تا گیا جس دے مگروں حالات بوہب خراب ہو گئے ، 2003ء چ موجودا امریکی قبضے دے دوران ایسے آگو سید صادق الصدر دےپتر مقتدی الصدر نے اپنی فوج بنائی تے امریکیاں دے خلاف اعلان جنگ کر دتا ۔
نجف علی دے روضہ دی وجہ توں مشہور اے ۔ اس دے علاوہ ایتھے علی دی بنائی ہوئی اک قدیم مسیت اے ۔ نجف ج سبتوں وڈا مسلم قبرستان وی اے جسنوں وادی السلام آکھیا جاندا اے ۔ نجف اپنے مذہبی مدرسےآں ، قدیم کتب خانےآں تے علمائے اکرام دی وجہ توں وی مشہور اے ۔ اگرچہ اس صدی چ ایران دا شہر قم شیعہ مدرسےآں دا زیادہ وڈا مرکز بن گیا اے مگر نجف اپنی کھوئی ہوئی حثیت فیر حاصل کر رہیا اے ۔ ایتھے دا قدیم ترین مدرسہ حوزہ علمیہ نجف پورے جگ چ مشہور اے ۔
یہ شہر بغداد دے جنوب مغرب وچ 165 کیلو میٹر، کربلا دے جنوب مشرق وچ 77 کیلو میٹر تے کوفہ دے جنوب وچ 10 کیلو میٹر دے فاصلے اُتے واقع اے۔ حیرہ جداں قدیمی شہر جس دی روشن رہتل دا عراق دی تریخ وچ بہت اعلیٰ مقام اے، دا نجف دی مجاورت وچ ہونا اس شہر دی تاریخی قدمت دا آئینہ دار اے۔ نجف دے شمال وچ وادی السلام (انبیاء تے اولیاء دا مشہور قبرستان) اے جدوں کہ اس دے جنوب وچ دریائے نجف (جو اس وقت خشک اے ) تے سعودی عرب، اردن تے شام تک پھیلا ہويا صحرا "بادیۃ الشام" واقع اے۔
تاریخی منابع وچ اس شہر دے نجف ناں رکھنے دی دو وجہ ذکر ہوئیاں نيں:
الغری یا غریان، حدالعذراء، حوار، جودی، وادی السلام، ظہر، ربوہ[6] بانقیا[7] تے مشہد اس سر زمین دے دوسرے اسامی نيں۔
نجف جغرافیائی لحاظ توں، اک شہر تے صحرا دے درمیان واقع اے۔ شہر توں مراد کوفہ اے جدوں کہ صحرا توں مراد اس دے اطراف وچ موجود ریگستان اے جو اس علاقے وچ شدید گرمی تے طوفان دا باعث بندا اے ایتھے تک کہ کہیا جاندا اے کہ بعض اوقات ایتھے دا درجہ حرارت 50 درجے تک پہنچ جاندا اے۔ بھانويں نجف ہمیشہ پانی دے لحاظ توں قحط سالی دا شکار رہیا، لیکن بعض اوقات جداں ستويں صدی وچ اس دے پانی توں ہزاراں درختاں تے باغات نوں سیراب کيتا جاندا سی۔[8]