ون ڈے کرکٹ ریکارڈ
From Wikipedia, the free encyclopedia
ون ڈے یا اکدن کھیڈی جانوالی کرکٹ وکھرے دیساں دیاں کرکٹ ٹیماں دے وشکار کھیڈی جاندی اے جیہڑیاں انٹرنشنل کرکٹ کونسل دیاں سنگی نیں۔ ٹیسٹ میچاں توں الٹ اک دن میچاں وچ صرف اک اننگز یا واری اک ٹیم نوں ملدی اے۔ ایس اک دن دے میج وچ اووراں دی وی حد ہوندی اے۔ اجکل ایہ حد 50 اوور اے پہلے ایہ 55 یا 60 اوور سی۔ پہلا اکدنا میج جنوری 1971 وچ انگلینڈ تے اسٹریلیا دے وشکار کھیڈیا گیا سی۔ اوس توں لے کے ہن تک 25 ٹیماں 3000 دے نیڑے اکرنے میج کھیڈ چکیاں نیں۔
کھیڈن والیاں ٹیماں وچ دکھنی افریقہ دا سب توں ودھیا ریکارڈ اے۔ ایہنے 483 میچاں وچوں 300 جتے نیں تے جت ٪ (64.36%) اے۔ جد کے جڑھدے افریقہ، نمیبیا، ہانگ کانگ تے امریکہ نے کوئی اکدنا میچ نہیں جتیا۔ اسٹریلیا نے لگاتار 21 میچ جتے بنگلہ دیش نے لگاتار 2 میچ ہارے نیں جد کے ورندر سہواگ دیاں 219 دوڑاں سب توں وڈا سکور اے۔ سب توں ودھیا بالنگ چامندا واس 8–19 دی اے۔ اک اوور وچ سب توں چوکھیاں دوڑاں ہرشل گبز دیاں 36 نیں جد کے سب توں تیز سنچری کورے اینڈرسن نے 36 گینداں تے بنائی[1]۔
ہندستانی کرکٹر سچن ٹنڈلکر نے اکدنے میچاں وچ سب توں چوکھیاں 18,426 دوڑاں تے سری لنکی بالر موتیاہ مرلیدرن نے سب توں چوکھیاں وکٹاں 534 لیاں نیں۔ وکٹاں پچھے سب توں چوکھے شکار اسٹریلیا دے وکٹ کیپر ایڈم گلکرائسٹ نے کیتے تے سب توں چوکھے کیچ سری لنکی فیلڈر ماحیلا جیوردانے دے نیں۔