From Wikipedia, the free encyclopedia
پرانی کرکٹ چ اک ڈنڈے نال بال نوں ماریا جاندا سی۔ کرکٹ ٹیوڈور دے دور چ 16ویں صدی انگلینڈ چ ٹری سی۔ اس گل دی گواہی مجود اے کہ 1301 چ لونگشینکس دے پتر ایڈورڈ نے کریگ ناں دا اک کھیڈ کھیڈیا سی۔ خیال کیتا جاندا اے کہ شاید اے کھیڈ کرکٹ دی کوئی قسم سی۔ کئی لوگ شبد دی بناوٹ توں خیال کردے نیں کہ کرکٹ بیلجیم توں انگلینڈ آیا سی۔
کئی تریخی شیواں توں اے پتہ چلدا اےکہ 17ویں صدی چ دکھنی لیندے انگلینڈ چ کرکٹ کافی کھیڈی جارئی سی۔ 17ویں صدی دے آخر تے کرکٹ دے وڈے میچ برطانیہ چ ہون لگ گۓ تے سسکس چ 1697 چ 22 کھڈاریاں دے وشکار وڈی شرط دا میچ کھیڈیا گیا سی۔ 18ویں صدی چ کرکٹ چ کافی تبدیلی آئی تے اے انگلینڈ دا قومی کھیڈ بن گیا۔ لندن چ کرکٹ بوت مشہور سی تے بوت لوک اودر دے آرٹلری گراؤنڈ کرکٹ میچ ویکھن آندے سی۔ کرکٹ دی باؤلنگ چ 1760 چ کافی تبدیلی آئی جدوں باؤلر بال نوں روڑن دی بجاۓ ٹھپا دے کر سٹن لگ پۓ۔ اس دی وجہ توں کرکٹ دا بلا جیڑا اک گول ڈنڈا جیا ہوندا سی اونوں وی ٹھپا کھاندی بال نوں کھیڈن لئی اک پاسیوں سدھا کر دتا گیا۔ 18ویں صدی وچ ای اک وکٹ نوں چھڈ کے 3 وکٹاں نال کرکٹ ٹر پئی۔
19ویں صدی دے وشکار تک کرکٹ بھارت، اتلے امریکہ، کیریبین، دکھنی افریقہ، آسٹریلیا تے نیو زیلینڈ چ بوت کھیڈی جان لگ پئی سی۔ 19ویں صدی دے وشکار انٹرنیشل میچ ہون لگ پۓ سن۔ انگلینڈ تے آسٹریلیا دی ٹیسٹ کرکٹ مقابلے توں ایشز مقابلے ہون لگ پۓ۔ اے گل 1882 دی اے۔ ٹیسٹ کرکٹ نے اس ویلے زور پھڑيا جدوں دکھنی افریقہ نے انگلینڈ دے خلاف 1888-1889 چ کھیڈیا۔ کرکٹ دا سب توں سوہنا دور پہلی جنگ عظیم توں 20 ورہ پرانا دا سی۔ اس توں بعد 1963 چ کرکٹ دا نواں دور ٹر پیا جدوں اووراں تے روک رکھ کر ون ڈے ٹر پۓ جس توں انٹرنیشنل میچ ہور زیادہ ہون لگ پۓ۔
کرکٹ برطانیہ وچ ایجاد ہويا تے ايسے لئی نوآبادیاتی دور وچ برطانیہ دے زیرقبضہ تمام علاقےآں وچ پہنچیا۔ جنوبی ایشیا دے ملکاں بھارت، پاکستان، بنگلہ دیش تے سری لنکا وچ کرکٹ سب توں پسندیدہ کھیل اے۔ اس دے علاوہ ایہ انگلینڈ، آسٹریلیا، نیوزی لینڈ، جنوبی افریقا، زمبابوے تے جزائر کیریبیئن وچ وی مقبولیت رکھدا اے۔ جزیرے کیریبیئن دی مشترکہ ٹیم نوں ویسٹ انڈیز کہیا جاندا اے۔ انہاں دے علاوہ ایہ کھیل نیدر لینڈز، کینیا، نیپال تے ارجنٹائن وچ مقبولیت اختیار کر رہیا اے۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.