From Wikipedia, the free encyclopedia
سیرانگتی نیشنل پارک تنزانیہ دا اک نیشنل پارک اے۔ ایہ تنزانیہ دے اتلے تھاں سیرانگتی چ اے۔ ایہ پارک اپنے 5 لکھ جنگلی بینسیاں تے 250،000 زیبریاں دی سلانہ ہجرت لئی مشہور اے۔ سیرانگتی نیشنل پارک اپنے شکاریاں تے شکار ہون والے جانوراں دی چوکھی گنتی تے پارک دی ودیا راکھی لئی مشہور اے۔
سیرانگتی نیشنل پارک | |
دیس: | تنزانیہ |
بنیا: | 1951 |
تھاں: | 14,763 مربع کلومیٹر |
ویب سائیٹ: | |
ایس پارک تے آلے دوالے دے رہن والے لوک مآسائی اخواندے نیں۔ اوناں دی بولی چ سیرانگتی دا مطلب اے ناں مکن والا میدان۔ مآسائی ایتھے اپنے ڈنگر کئی صدیاں توں چرا رۓ نیں۔ 1892 چ پہلا بدیسی، اک جرمن اوسکر باؤمان ایتھے آیا۔ 1921 چ ایتھوں دے 800 ایکڑ تھاں نوں انگریزاں نے بجایا ہویا تھاں بنایا۔ 1929 چ ایس پورے تھاں نوں جنگلی جانوراں لئی بچا دتا گیا۔ جنگلی جانوراں نوں بچون لئی 1959 وچ انگریزاں نے پارک وچ وسدے ماسائی لوکاں نوں نگورنونگورنو کنزرویشن ایریا ول ٹور دتا۔سیرانگتی تنزانیہ دا سب توں پرانا تے مشہور پارک اے تے پھرن ٹرن والیاں نوں اپنے ول کھچن لئی تنزانیہ دا وڈا نشان اے۔
پارک 14,750 مربع کلومیٹر (5,700 مربع میل) دے گھآ دے ویہڑیاں، دریائی جنگلاں تے کھلے جنگلاں تے اے۔ پارک تنزانیہ دے اتر لیندے ول اے تے اتر وچ کینیا نال جڑدا اے۔ کینیا وچ ایہ ماسائی مارا دے ناں دے پارک نال جڑدا اے۔ ایہدے چڑھدے دکھن ول نگورنونگورنو کنزرویشن ایریا اے۔ دکھن لیندے ول ماسوا گیم ریزرو اے۔ لیندے ول اکونگو گیم ریزرو تے گرومیتی گیم ریزرو اے۔ لولیانڈو گیم ریزرو ایریا چڑھدے ول اے۔ ایہ سارے تھاں رل سیرنگتی ایکو سسٹم بندے نیں۔
پارک وچ پارک دے کامے ای رہ سکدے نیں۔
چیتا، زیبرا، شیر، ہاتھی، گدڑ، ڈک-ڈک، زرافہ، افریقی جنگلی کتا، الانڈ، ہائینا، امپالا، افریقی مج، کالا گینڈا، افریقی ہاتھی، واٹربک، ٹوپی۔
وکیمیڈیا کامنز چ مورتاں: سیرانگتی نیشنل پارک |
اروشہ نیشنل پارک · گومبی ندی نیشنل پارک · جوزانی چاوکا بے نیشنل پارک · کٹاوی نیشنل پارک · کلیمنجارو نیشنل پارک · کیٹولو نیشنل پارک · موہالے پعاڑ نیشنل پارک · جھیل منیارہ نیشنل پارک · میکومی نیشنل پارک · رواحا نیشنل پارک · روبونڈو جزیرہ نیشنل پارک · سادانی نیشنل پارک · تارنگیری نیشنل پارک · اڈزنگوا پعاڑ نیشنل پارک · سیرانگتی
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.