From Wikipedia, the free encyclopedia
امپالا پدھرے کھراں وچوں گانواں دے ٹبر دا مدرے ناپ دا اک جانور اے جیہڑا افریقہ دا واسی اے۔امپالا زولو بولی دا شبد اے جیدا مطلب اے غزال۔
امپالا | |
دیس: | جنور |
برادری: | کورڈیٹ |
ٹولی: | ددپلانے |
پتی: | پدھرے کھر |
ٹبر : | گانواں |
سائنسی ناں: | Aepyceros melampus |
![]() | |
دنیا تے امپالا دی پھرن تھاں رنگ وچ | |
ایہ 120–160 سینٹی میٹر (47–63 انچ) دے وشکار لمے ہوندے نیں۔نر مکراں تے 75–92 سینٹی میٹر (30–36 انچ) اچے تے 53–76 کلو جوکھ دے جد کہ مادھ 70–85 سینٹی میٹر (28–33 انچ) لمے تے 40–53 کلو جوکھ دے ہوندے نیں۔ دوناں دی لشکدی رتی پؤری کھل ہوندی اے۔ نر دے سنگ چکرکثدے 45–92 سینٹی میٹر (18–36 انچ) لمے ہوندے نیں۔ امپالا تیز نسدے نیں تے ایہناں دی اچیچی گل ایہناں دیاں اچیاں جھالاں نیں جیہڑیاں 3 میٹر (9.8 فٹ) اجائی تک جاندیاں نیں۔
ایہ کھلے تھانواں وچ رہنا پسند کردے نیں جتھے پانی نیڑے ہووے۔ گھآ پتے عام کھان پین اے۔
کینیا، یوگنڈا، تنزانیہ توں لے کے ایہ بوٹسوانا تے اتری دکھنی افریقہ تک پھیلے ہوۓ نیں۔
ایہناں دا جیون پسار جنگلاں وچ 15 ورے تے ڈک کے رکھن وچ 17 ورے اے۔ ایہ شام ویلے تے سویر ویلے کھاندے چگدے نیں۔ رات نوں ایہ ارام کردے یا چگدے نیں۔ اک دوجے نوں سنیعہ دین لئی وکھالے، سنگن تے واز دے ول ورتدے نیں۔ ڈر نوں ویھکدیاں ای ایہ اچیاں چھالاں ماردے نیں تے تیزی نال نسدے نیں۔ امپالا ماس کھانے جانوراں شیر، چیتا، تیندوہ، لگڑبگڑ، مگرمچھ، افریقی جنگلی کتا تے وڈے سپ دا وڈا شکار نیں. شکاری دی بو سنگدیاں ای ایہ اکدم ای رک جاندے نیں نیں تے ڈر والے پاسے اکھاں پھیردے نیں تے لبدے نیں۔ دوجے ہرن ڈر ہون تے کھلے گھا دے ویہڑیاں ول نسدے نیں جد کے امپالا جنگلاں تے چاڑیاں ول لکن لئی نسدے نیں۔
نر امپالا اک سال دا ہوندا اے تے جوان ہوجاندا اے پر نسل ودھائی دا کم اوہ 4 سال دا ہو کہ ای کردا اے۔ ایس ویلے وچ ایہ اپنی تھاں بناندے تے سمبھالدے نیں۔ مادھ امپالا ڈیڑھ سال دی ہوکے جمن لگ جاندی اے۔ مئی دے انت تے گلی رت دے مکن تے ایہ مادھ لئی آپس وچ بھڑن لگ پیندے نیں۔ مادھ سنار ہون مگروں 6 توں 7 مہینیاں مگروں اک بچہ جمدی اے۔ مادھ اپنے بچے نوں اجڑ توں وکھ رکھدی اے کجھ دناں مگروں اجڑ نال آ رلدی اے۔ بچے 4 توں 6 مہینیاں تک ماں دا دد چنگدے نیں۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.