سکویش (Squash) مشروبات بناوݨ واسطے غیر الکوحل مرکوز رس اے ۔ ایہ عام طور تے پھݪاں دا ذائقا ہُندا اے جیہڑا پھݪ دے رس، پاݨی تے چینی یا چینی دے متبادل ناݪ تیار کیتا جاندا اے۔ جدید سکویش وچ کھاݨےآں آلے رنگ تے اضافی ذائقے وی شامل ہوسکدے نیں ۔ کچھ روايتی سکویش وچ جڑی بوٹیاں دے نچوڑ ، خاص طور تے ایلڈر فلاور تے ادرک ہُندے نيں۔ پنجاب وچ کعھراں وچ مالٹے دا سکویش تیار کرکے بوتلاں وچ محفوظ کیتا جاندا اے۔
![Thumb](http://upload.wikimedia.org/wikipedia/commons/thumb/2/2c/Garcinia_indica_yellow_and_red_syrups_and_drinks.jpg/640px-Garcinia_indica_yellow_and_red_syrups_and_drinks.jpg)
پیݨ توں پہلاں سکویش نوں پاݨی یا کاربونیٹیڈ پاݨی دی اک خاص مقدار وچ ملایا جاندا اے ۔ پاݨی دی مقدار نال ایہدا ذائقا تیز یا ہلکا کیتا جاسکدا اے ۔ مشروبی آمیزے دے طور تے ایہنوں الکوحل والے مشروبات دے نال کوکٹیل تیار کرن لئی ملایا جاسکدا اے ۔ کھٹے پھل (خاص طور تے مالٹا، چکوترا تے نمبو) یا ہور پھݪاں تے بیزر دا مرکب سکویش دی بنیاد دے طور تے عام طور تے استعمال کيتا جاندا اے۔ برطانیا وچ روايتی سکویش عام طور تے ادرک، چوک بیری (اکثر مصالحےآں ناݪ)، ایلڈر فلاور تے کدی کدی مالٹے، مشرقی یورپ وچ رسبھری یا بلیک بیری تے نشیبستان وچ کشمش ناݪ ذائقے دار کیتے جاندے نيں۔
زیادہ تر سکویش وچ حفاظتی اجزاء جِداں پوٹاشیئم سوربیٹ یا سلفائٹس شامل ہُندے نیں، کیونکہ ایہناں نوں شیلف تے محفوظ رکھݨ لئی تیار کیتا جاندا اے۔ سکویش محافظ کیمیائی اجزاء (preservatives) تے اعلا چینی دی وجہ ناݪ محفوظ رہندے نیں۔ کچھ لوک سکویش نوں فریج وچ محفوظ کرن دا انتخاب کردے نیں۔
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.