Trippstadt
From Wikipedia, the free encyclopedia
From Wikipedia, the free encyclopedia
Tribbschdadt (amtlisch Trippstadt) iss e Oadsgemää im Låndkräs Lautre in Rhåilånd-Palz. Sie geheerd zu de Vebåndsgemää Lautre-Sied. Trippschdadt iss aa e staadlisch õerkånnda Lufdkuaoad.
Wappe | Daitschlandkard | |
---|---|---|
| ||
Basisdate | ||
Bunnesland: | Rhailand-Palz | |
Landkrääs: | Lautre | |
Vabandsgmäänd: | Lautre-Sied | |
Heche: | 406 m ü. NHN | |
Aiwohner: |
3028 (31. Dez 2013)[1] | |
Boschtläätzahl: | 67705 | |
Voawahl: | 06306 | |
Kfz-Kennzääche: | … | |
Gmäändschlüssel: | 07 3 35 047 | |
Gmäändgliderig: | 20 Ordsdeel | |
Adress vun de Verbandsverwaltung: | Pirmasenser Straße 62–64 67655 Kaiserslautern | |
Websait: | ||
Ortsbürgermeister: | Manfred Stahl | |
Laach vun de Ortsgemeinde Tribbschdadt im Landkrääs Lautre | ||
Trippschdadt laid im Heazze vum Pälzawald, 15 Schdroßekilomeeda siedlisch vun Lautre im Biosfereresawat Pälzerwald-Noadvogese. De Oad sellwad laid uff ener Heh vun ugefär 410 m iNN, de hegschd Punkd vun de Gemaagung iss de Stääbärch mid 528 m iNN.
Zum Haubdoad geheeren iwwa 20 Oadsdääle - Ånnexe genennd - wo zum Dääl nor aus änzelne Haisa beschdehe:
Åntonihof, Aschbacherhof, Bardelsbärch, Bärchfeld, Gutebrunne, Hasebärch, Haidekopp, Johånniskraiz, Kallsdaalhaus, Långesohl, Lauberhof, Maiserspring, Maiserdaal, Middlhåmma, Naihof, Wilestäänerhof, Wilestäänermihl.
De Jooresnirraschlach betraad 941 mm. Die Nirraschläch sin hoch. Sie lain im owwere Verdel vun de in Daitschlånd erfassde Wärde. Ån 81 % vun de Messschdazione vum Daitsche Weddadinschd werrn niedrischere Wärde regischdriad. De truggenschde Muned iss de Abrill unn die meerschde Nirraschläch falle im Dezemba. Im Dezemba falle 1,6 mol mäh Nirraschläch wie im Abrill. Die Nirraschläch sin rächd glaichmäßisch iwwas Joor vedääld. Ån 28 % vun de Messschdazione werrn niedrischare jooreszaidlische Schwångunge regischdrierd.
Tribbschdadt iss im Joore 1293 ass Driebescheit easchdmols urkunnlisch erwähnd wor.
2012 warn 38,9 Prozend vun de Inwohner efangelisch unn 31,8 Prozend kaddolisch. Die iwwrische due na ånre Relischjoon õgeheere orra warn kunfessjonslos. Die Kaddoligge geheern zum Bischduum Speyer unn die Efanggelische zu de Prodeschdåndische Lånnerskärsch Palz.
De Gemääroot in Tribbschdadt dud aus 20 Rootsmidglieda bestehe, wo bai de Kummunalwahl åm 7. Juni 2009 in na personalisierde Vehäldniswahl gewähld wor sin, unn em ehreåmdliche Oadbojemäschda ass Foasidzende.
Die Sitzvedäälung im Gemääroot
Wahl | SPD | CDU | FWG | Gesåmd |
---|---|---|---|---|
2009 | 6 | 4 | 10 | 20 Sidze |
2004 | 7 | 6 | 7 | 20 Sidze |
Die Blasjonierung vum Wabbe dud laude: „Gedääld vun owwe geschbalde, owwe rächds in Gold e roores Schrächgidda, owwe lings vun Bloo un Silwa unn Rood gedääld, unne in Silwer zwä uffgerichde, geenanna gewelbde, vun Rood unn Gold unn Bloo geschräfde Rejeboe.“
Es Wabbe iss 1927 vum Bajrische Schdaadsminischderium vum Innre genämischd wor.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.