Siedelsbrunn
From Wikipedia, the free encyclopedia
From Wikipedia, the free encyclopedia
49.5494444444448.8080555555556505
Sillsbrunn (daitsch Siedelsbrunn) is e Dorf im Iwwerwald, wu heit zur Gemeinde Wald-Mischlbach im hessische Kreis Bergschdrooß ghert. S hot 1.055 Oiwuhner (2010). Bis 2011 waa Sillsbrunn en schdaadlisch åerkannder Lufdkurord.
Sillsbrunn ligt 3 km sidsidwestlisch vun Wald-Mischlbach, uff-em Heherigge vum Hadberg. Di Gemaagung liggt zwisch-are Heh vun 380 m iwwerm Meeresschbiggl im Eiderbachdal un 593 m uff-em Hadberg. Da Hadberg is da driddhegschde Berg im Odewald. Di Gemakung hot e Fläsch vun 296 Hegdaa (2,96 km2). 111 davuu sin Wald (1961). Di offene Landschafd beschdehd aus iwwerwiegend Wisse un nur wennisch Ägger.
Sillsbrunn is 1012 s erschdemol erwähnt worre, als Sidilines Brunnon in-are Beschreiwung vun de Grenze zwische de Bischtimer Mainz un Worms. Weidare iwwerlifferde Name sin Siegelsbronn (1414), Syddelßbronn (1443), Siddelsbronn (1468) un Syderßbrun (1488).
1443 is Sillsbrunn als Lehe an di Grafe vun Erbach kumme, 1509 an di Palzgrafe un 1803 schließlisch an Hesse. Am 31.12.1971 is des Dorf zu Wald-Mischelbach oigemeindt worre.
Noch em Dreißischjährische Krieg hot Sillsbrunn fascht kää Oiwuhner mehr ghatt. 1824 hot e Großfaier mehr wie di Hälft vun de Haiser zerschdert.
Johr | 1784 | 1829 | 1925 | 1946 | 1967 | 2010 |
---|---|---|---|---|---|---|
Oiwuhner[1] | 158 | 293 | 470 | 597 | 787 | 1.055 |
Di evangelisch Kärsch is 1963 gebaut worre. Im ehemolische Schulhaus is heit e Kinnerschul. Wie jeder Ord in da Gemeinde Wamiba hot aa Sillsbrunn e Dorfgemeinschafdshaus.
2010 is in da ehemolische Fachklinig am Hadberg s buddhischdische Kloschder Em Buddha soin Weg ereffend worre. Des Kloschder is noch da fitnamesische Thién-Tradizion vum Mensch Lin Chi ausgerischt. Zum Kloschder ghert e Nadurheilbraxis mid Behandlunge noch da Dradizionelle Schinesische Medizin. Di Fachklinik am Hadberg is 2008 noch Breiberg umgezoore.
Uf-em Hadberg schdeht en Radio-Sender vum Hessische Rundfungg.
Seid 2010 hot Sillsbrunn en Wabbe, uf demm en Brunne daagschdelld is un danewe e Hufeise un e Kuhglogg.
Di Sillsbrinner Kerwe is im Auguscht.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.