![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2c/Fly_October_2007-2.jpg/640px-Fly_October_2007-2.jpg&w=640&q=50)
Muggaseggel
From Wikipedia, the free encyclopedia
A Muggaseggel (au Muggaseggele odr Muggaseggl) isch a kloine Massoihoit, bi de Schwba und au im Franggische. Wennd gnau bisch, gehts um die Zinselzipfele von oim Muggamoo.[1]
![Thumb image](http://upload.wikimedia.org/wikipedia/commons/thumb/2/2c/Fly_October_2007-2.jpg/640px-Fly_October_2007-2.jpg)
Schwoba saage zur Schtubefliege Mugg. Der wisseschaftlich Aedeagus gnannte Kerpertoil isch vonnem Fachmoo, dem Entomologe Hans-Peter Tschorsnig vom Stugarter Naturkundemuseum vermesse worre. Nach dem soinere Messung kosch die bislang recht vage Maßangabe Muggaseggl präzisiere, der Dorchschnittswerd liegd om 0,22 Millimeta.[2]
Ma sott beachte, dass der Ausdrugg au im (nord)badische und fränggische gern gebraacht wird. Muiggaseggele isch dabei net nur a Massoihoit. Wann oiner aussm Auslann nach Bade oder Wirteberg ziegt, dann sen die Roigschmneggte ofdd agsäuert, woil sie koi Dialeggt räda kenne. Jetz weellet die Lait drudsäm zoige, das se dazughere. Deswech nemmet se Wärter wie de Muggeseggel gern mit uff, woil dann a jeder wois, uuui - seller Roigschmäggte wais wie mer schwetzt mit di Lait.[3]
Die Brigande hend oine von de friheschte Jumelasche mit Halle in der DDR ghet, 1987 scho. Als die dann a Kochbuch gschriabe hend, isch a kloi Dialeggdlexiko in dem Biachle roikomme ons Muggeseggele naderlich mid.[4]
Omgherd had in der Siddeutsch Zaitung, der Thomas Lindner, Scheff vom Groz-Beckert in Albstadt, was a Großkopfeter au vom VDMA isch, gsait, das au im Gschäfft in Indien alle des Muggaseggele kenne.[5] Nachdem die vor allem Glufa mache, alla rescht kloine Sache, isch wiechtig das älle au sorgfältig boi der Sach sin.