49.5858333333338.8344444444444376 Hitred odder Hadderod, wie ma außerhalb vum Iwwerwald sescht, is e Dorf im Iwwerwald, wu heit zur Gemeinde Wald-Mischlbach (Wamiba) im hessische Kreis Bergschdrooß ghert. S ligt ånnathalb Kilomeder nordnordeschdlisch vun Wamiba im Gritzebachdal, mne kläne Seidedal vum Ulfebachdal, un is haubdseschlisch låndwärtschafdlisch gebrägt. Di Gemajgung liggt zwische 374 un 406 Meder Heh i. NN., is 152 ha grouß, vun denne 34 ha als Wald genutzt werre (1961).
1437 is da Ort unnerm Nåme Herten Rode zum erschde mol erwähnt worre. Da zwedde Deil vum Nåme weist druff hie, daß des Dorf in da jingare Ausbauzeit, zwische-m neinde un-em värzehnde Johrhunnert, åågelegt worre is, nochdem ma dodefor dort e Schdigg Wald gerodt hot. Da erschde Deil vum Nåme kummt wahrschoints vum middelhochdeitsche Adjegdiv hart, herte - hadd.
1693 is Hadderod an Kur-Moinz kumme. Seidemm bis 1803 waa s Schdandort vum Hadderoder Gerischt, wu fä di unnere Gerischdbaakeid, also fä geringare Schdrooftade, außer in Hadderod selwer in de Därfer Gare, Kocherbach, Litzlbach, Aschbach, Därr-Ellebach un de Kurmoinzer Neinheef bei Wald-Mischlbach zuschdännisch waa.
1803 is Hadderod mi-da Moinzer Åmdsvogdei Färd an Hesse kumme. 1837 is di Birjermeischderei noch Gare verlegt worre. 1957 waa Hadderod widder selbschdännisch un is vun Wald-Mischlbach mitverwaldt worre. Im Zug vun da Gebietsreform hot ma Hadderod 1970 schließlisch zu Wald-Mischlbach oigemeindt.
1680 hot ma en Åtrag zum Bau vun are Kärsch gschdellt. S is awwer nie eine gebaut worre.
Oiwuhnerendwigglung
| Johr | 1834 | 1846 | 1871 | 1939 | 1946 | 1961 | 1970 | 2010 |
|---|---|---|---|---|---|---|---|---|
| Oiwuhner[1] | 145 | 185 | 145 | 131 | 197 | 149 | 177 | 250 |
Wie jeder Ort uf da Gemajgung vun Wamiba hot aa Hitred e Dorfgemeinschaftshaus.
Di Hitreder Kerwe im Mai is di erscht im Johr im Iwwerwald.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
