Fake News (aa Fake-News odda Fakenews;[1]) werren falsche unn monipuladive Nochrischde b'zaischnd.[2], wu iwwawieschend im Indanedd unn do bsondas inde sozijale Nedzwerge unn onnare sozijale Medije vabraided werren. De Dude, wude B'griff 2017 in die 27. Ausgawb uffg'numme hodd,[3] definierdn als „umgongsschbrochlisch fa inde Medije unn im Indanedd, bsondas inde sozijale Medije in monobulativa Absischd vabraidede Falschmeldunge“.[4] De B'griff Fake News wird imma mehr a im Zommehong midd Probagonda unnem Informazionsgriesch b'nudzd.
| Dialegd: Schbaimarisch |
De B'griff Fake News isch vawond midde B'griffe Hoax (uff daidsch: Scherz) odda Scam (uff daidsch: B'druch).[5] Die Sischahaidsabdailung vun Facebook hodd im Abril 2017 ä Dogumend vaeffendlischd[6], wu zu Fake News vier vaschiedene Forme vun Missbrauch unnaschaide dud.
- Information (or Influence) Operations: Agdividede vun Regierunge odda nedd-schaadlische Organisazjone middm Ziel, in- odda ausländische bolidische Schdimmunge zu leng'ge.
- False News: Nochrischde, wu vorgewwen, rischdisch zu soi, awwa absischdlisch falsche Informazjone vabraiden, um Emotzjone zu wegge, Uffmergsomkaid zu krische oddaa efach zu daische.
- False Amplifiers: koordinierde Agdividede vun ge- unn vafelschde Onlinekonde, sogenonde (Fake Accounts), midde Absisch, bolidische Schdimmunge zu schiere, vascdhderge unn uff die Schbitz zu bring'ge.
- Desinformation: Flasche odda monibulierde Informazjone, wu absischdlisch vabraid werren. Des kennen flasch Nochrischde soi, awwa a subdile Vafahre soi, wie Obarazjone unna falscha Flag, s'Oischlaise vun falsche Zidaad odda a efach Erzehlung fas uuwissende Volg odda odda absischdlische Vaschdergung vun irrefiehrende Informadzjone.[7]
Schdaddem B'griff Fake News werd a Junk News b'nudzd.[8]
.jpg)
Nochde Herausgewwa vum Webster’s Dictionary gehd die B'zaischnung vunde Fake News mindeschdens uffs Johr 1890 zuriff. Uffde Websaid vum Valach[9] werd als Baischbiel do'd'vor die Schlachzail „Secretary Brunnell Declares Fake News About His People is Being Telegraphed Over the Country“ g'nond.[10][11]
Ende Abril 2017 hodd Facebook Inc. (Haid: Meta Platforms) feschdgschdelld, dass ihr Plattform fa g'zielde Desinformationskomponje b'nudzd werd, z. B. im Bräsidendschafdswahlkombf 2015/2016 inde USA odda im Wahlkombf in Fronggraisch 2017.[12]
Die Firma Trend Micro hodd ä Schdudje vaeffendlischd, wonochma solsche Komponje bschdelle konn, um die effendlisch Mähnung zu b'oiflusse und leng'ge odda a efach s'Vadrauwe inde Schdaad zu zaschdere.[13] Englischschbrochrische, chinesische odda russische Obieda valongen bis zu 400.000 US-Dollar umä Wahl zu b'oiflusse, die Browokazion vun Broteschde bis zu 200.000 unn die Vauuglimpfung vuna Journalischdin bis zu 50.000 US-Dollar.[14]
Die russisch Brobagonda hodd des Ziel des Vadrauwe vunde Birscha in die Sischahaid vun ihrm Lond zu erschiddare unn domid die Demogradie zu schwesche“.[15] Nochde Neue Zürcher Zeitung (NZZ) broduzieren russische Trolle nemme soehr Fake-News, sondan vabraiden reschds- odda lingsexdremischdische Inhalde meschlischsd braid, midde Absischd, die Gsellschafd zu schbalde unn zu polarisiere.“[16] Die Vabraidung vunde Desinformazion komma a uffs zunemmende Broblem vunde Reschdferdischung in Demogradije zuriggfiehre. Ä schwindendes Vadrauwe vunde Birscha inde Schdaad unnagrewd die Glabwirdischkaid vun offizjelle Informazjone inde Nochrischde unn bringd die Laid zu aldanadive Gwelle, wu aldanadive Fagde vabraiden.[17]
Social Bots
Fake-News werren imma mehr midd Hilf vun sog'nonde BOTs inde sozjale Nedzwerge vabraided. [18] Baischbiel fa son Oifluss vun Bots sinn baide Brodeschdbeweschunginde Ukraine 2013/2014, de Valauf vunde Brexit-Abschdimmung in Großbritannien 2016[19] odda a de Valauf vunde Bräsidendschafdswahlkombf 2016 inde USA.[20] Do sinn donn 20% vunde Tweets uff Twitter dursch Bots erschdelld worre unn währendde Brodeschd inde Ukraine sinn teglisch im Schnidd ca. 60.000 Tweets von 15.000 Bots vabraided worre.[18]
Inde EU gibds de Digital Services Act (DSA), wus Vabraide vun Desinformatione vabied unn die Birscha vunde Europäische Schdaade vor Desinformaijone schidze soll.[21][22]
Said oinischa Zaid hodds „Bias-Checker“ (uff Voroing'nummehaide briefe) unn „Fact-Chekcer“ (Fagde unn B'haubdunge briefe), middene ma gugge odda iwwabriefe konn wieviel G'wischd z. B. ä bolidische Sischd s'innem Adigl hod.[23][24]
- blog.trendmicro.de: Wie Cyber-Propaganda 2016 die Politik beeinflusst hat
- deutschlandfunk.de, DLF24, Nachrichten vertieft, Über Fake News
- Teil: Ein Gespenst geht um, nicht nur in Europa (1. März 2017)
- Teil: Was sind eigentlich "Fake News"? (3. März 2017)
- Teil: Haben Internet und soziale Medien "Fake News" groß gemacht?" (6. März 2017)
- Teil: Hat Donald Trump denn wirklich immer Unrecht? (14. März 2017)
- Tutorial Fake News erkennen. faktenfinder.tagesschau.de
- „We provide well-documented information about corporate public relations (PR) campaigns, including corporate front groups, people who "front" corporate campaigns, and PR operations.“ sourcewatch.org (uff daidsch: „Wir gewwen gud dogumendierde Informazjone iwwa PR-Kampogne (PR, Corporate Public Relations) oischließlisch de Frontgrubbe vun Unnanehme und Persone, wu Unnanehmenskampognje vorodraiwen sowie iww PR-Akzijone“)
- Lügen, hetzen, denunzieren – Wer steckt hinter Fake News? Video über drei Fake News-Beispiele, SPIEGEL TV, 12 min.
- Nina Ort, Patrick Thor, Anna-Maria Babin: »Nobody Knows Exactly What’s Going On«. Drei Thesen und eine Schlussfolgerung zum Phänomen des ›Postfaktischen‹. (PDF; 484 kB) In: Muenchner Semiotik. Zeitschrift des Forschungskolloquiums an der LMU, Ausgabe 2017.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
