Aschbach (Odenwald)
From Wikipedia, the free encyclopedia
49.5758.8480555555556370
.png)
Aschbach is e Dorf im Iwwerwald, wu heit zur Gemoinde Wald-Mischlbach im hessische Kreis Bergschdrooß gheat. S liggt im Ulfebachdaal. Aschbach hot 1.235 Oiwuhner[1] (2010). Di Gemaagung liggt zwische 326 un 437 m iwwerm Meeresschbiggl un hot Åådeil am Grundgebirg (Granid) un am Bundsandschdä. Di Wisse im Dal beim Ort werre vun ausgedehnde Wälder uf de Berge umgewwe.
Zum erschdemol erwähnt worre iss-es im Johr 1369 im Zinsbuch färs pälzische Owweramt in Heidlberg als „Aspach“[2]. Urschbringlisch hot Aschbach zum Lorscher Färschdetum ghert. Danoch hawwe sisch des Erzbischdum Moinz un di Palzgrafschaft net iwwer di Herrschaft einische kenne, was zu net gånz äfach zu duaischschauende Verhäldnisse gfiehrt hot. Bis 1848 hot Aschbach zur Birgermeischdarei Gare ghert un is dånn selbschdennisch worre. 1939 is di Gemoinde Därr-Ellebach, wu heit nur noch aus-eme Forschthaus bschdeht, zu Aschbach oigemoindt worre. Selles Dorf liggt eschdlisch vun Aschbach iwwer de Berg im nägschde Dal. Di Bach dort heeßt ewefalls Därr-Ellebach un fließt in di Ulfebach. S erschdemol erwähnt is da Ort 1437 unnerm Nåme Dorn Elbach. 1829 hot s noch 52 Oiwuhner ghatt. Im Zug vun da Gemoindereform is Aschbach 1971 zu Wald-Mischlbach kumme.
Schun frieh waa Aschbach ähnder e Aaweider wie e Bauaredorf. Mehrere Mihle hawwe di Wasserkraft genutzt. Vun da Mitt vum 19. Johrhunnert bis zur Mitt vum 20. waa e Schdreischholzfabrik vun Bedeidung.
Des Ortswabbe erinnert an di ehemolisch Hammermihl. Des Wabbe is duaisch en senggreschde Welleschnidd in zwee Hälfde gedeilt. Linggs (vorne) schdehe in Gold drei schwatze Hämmer, reschts (hinne) drei silwerne Kåmmrädder i-mne bloe Feld.[3] Do sin also Hämmer vun are Mihl un di Kåmmrädder daagschdellt, wu di Hämmer ågedriwwe hawwe.
| Johr | 1829 | 1939 | 1961 | 1970 | 2010 |
|---|---|---|---|---|---|
| Oiwuhner[4] | 232 | 567 | 824 | 961 | 1.235 |
Weil di Aschbacher frieher aus Birgereiser viel Bäse gebunne hawwe, heßt ma se heit noch di „Bäsebinner“. Di „Bäsebinner-Kerwe“ findt immer am Wocheend vor Chrischdi Himmelfaad schdatt.
Im Iwwerwald sescht ma zu-are Fischdebuzzl Hussmoug. Der 1998 gegrindte Kannewalsveroi hot sisch dodenoch „Di Hussmouge“ genannd.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
