En latt vun die Folk Culture vun die Pennsilfaanisch-Deitsche wie sell vun die Leit in die Palz im alte Land, abbadich die alte Gebreiche. In Pennsilfaani henn sie Faasnacht, Oschtre mit dem Oschterhaas. Yaahre zerick iss an Grischtdaag der Belznickel kumme zu die Kinner, en wieschter Kall, ass awwer doch Bressents gebrocht hot.
![Thumb](http://upload.wikimedia.org/wikipedia/commons/thumb/d/d3/DogGroundHog-small.jpg/320px-DogGroundHog-small.jpg)
Grundsaudaag iss im neie Land am zwett Hanning. Im alte Land wisse sie aa ebbes vun dem alte Gebrauch: "Wann der Dax (odder der Fuchs) sei Schadde sehnt am zwett Hanning (Mariae Lichtmess), bleibt der Winter noch sex Woche." Awwer en Event wie im neie Land mit all die Grundsau Lodsches und die Versammlinge henn sie im alte Land net. Sie mache kenn grooss Wese devun.
Im alte Land wisse die Leit nix vun Hexezeeche (hex signs), wu gemolt warre uff Scheiere in Pennsylvaani. Awwer Braucherei kenne die ganz Alte noch in die Palz. Sell iss aa geduh warre Yaahre zerick. Soweit mer wisse, gebt's noch deel Braucher in Pennsylvaani.
En paelzer Gedier, wu dief im Busch lebt un aarick bleed iss, iss 's Elbedritsch. Awwer scheint's henn deel Leit sie g'fange un mitgenumme ins neie Land, wie sie abg'schtaert sinn un gezogge naach Pennsilfaani. Weil sitter die Zeit, wu's Paelzer hot im neie Land, gebt's aa Elbedritschlicher. Awwer sie sinn immer noch hatt zu fange.
Noch ganz lewendich is im neie Land die "Oral History Tradition". 'S gebt etliche wunnerbaare Pennsylvaanisch-Deitsche Schtoris, as verzehlt warre, wann Pennsylvaanisch-Deitsche zamme kumme.
Ebber, ass en latt gwisst hot iwwer die deitsch Folk Culture, waar der Clarence Kulp Jr.
Un 's gebt aa wunnerbaar guudi pennsylvaanisch-deitschi Musik.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.