Der Grundsaudaag iss am zwette Hanning.
- Wann die Grundsau ihre Schadde sehnt,
- Noch sex Woche Winder iss wass es meent.
- (vun Vella Deitsh, Pennsylvania Deitsh Color Book, p. 17)
Oh du Grundsau
Do iss en schee Fersammeling,
Do hocka mir all rum,
All Pennsylfawnisch Deitscha Leit,
Mir gucka net so dumm!
Mir hen en neia Grundsau Lodge,
Mir wissa aa ferwas.
Mir macha net en langes Gsicht,
Mir gleicha wennich Gschpass.
Chorus
Oh, Du Grundsau,
Du bischt unser Brofeet.
Du seegscht uns was es Wedder gebt,
Ebs reggert oder schneet.
Der Weddermann iss net fiel wart,
Fum Wedder weess er nix.
Wann mir uscht uff ihn harricha daet,
Dann waer mir in ra Fix!
Mir wissa was die Grundsau seecht,
Un was ass sie bericht.
Mir halta sie in grosse Ehr,
Ferfehle dutt sie nicht.
- (beim Henry C. Detweiler, 1. Oktower 1850 in Milford township, Bucks County – 6. Abril 1928)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
