Rennox Francis Calmes (☆ 21 di desèmber 1981 na Kòrsou) ta un polítiko di Kòrsou i miembro di Parlamento di Kòrsou desde 2017.
E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.
| Rennox Calmes | ||
|---|---|---|
| Imagen desea: Rennox Calmes | ||
| Informashon básiko | ||
| Nòmber kompleto | Rennox Francis Calmes | |
| Nasementu | 21 di desèmber 1981 | |
| Pais |  Kòrsou | |
| Funshon aktual | miembro Parlamento di Kòrsou | |
| Desde | 2017 | |
| Partido | Frente Obrero PIN (2017-2020) TPK (2020-presente) | |
Rennox Calmes a nase dia 21 di desèmber 1981 i ta polis di profeshon.
El a debutá den polítika riba lista di FOL.[1] Den elekshon 2017 el a keda eligí komo miembro di Parlamento di Kòrsou den nòmber di partido PIN, di kua e tabata kofundadó. Na 2020 el a bandoná e partido, hibando su asiento kuné komo miembro independiente di parlamento.[2] E mesun aña el a anunsiá su partido nobo, Trabou pa Kòrsou. Den elekshon 2021 Calmes komo lider polítiko a risibi 2602 voto riba su nòmber, mientras TPK a optené un total di 4413 voto, ganando un asiento den parlamento.[3] Fin di mart 2021 rumornan tabata sirkulá ku Calmes a menasá di kibra for di e partido i sirbi komo miembro independiente den parlamento. Tantu TPK komo Calmes a desmenti e akusashonnan aki.[4] Manteniendo su asiento Calmes a sigui desde 11 di mei 2021 komo miembro di parlamento i lider di frakshon representando TPK.
Calmes i su partido ta opositor di matrimonio di mesun sekso. Na 2023 el a entregá un proposishon di lei na parlamento pa ahustá Konstitushon di Kòrsou pa esaki prohibí matrimonio di mesun sekso,[5][6] esaki despues ku na desèmber 2022 Korte di Apelashon a dikta ku eksklushon di personanan di e mesun sexo di haña permiso pa kasa na Kòrsou en pugna ku e prohibishon di diskriminashon ankrá den konstitushon. Dia 12 di yüli 2024 e veredikto aki a wòrdu konfirmá pa Korte di Kasashon na Den Haag.[7]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
