Olga Buckley
eskritor arubiano di buki di mucha From Wikipedia, the free encyclopedia
eskritor arubiano di buki di mucha From Wikipedia, the free encyclopedia
Olga Josefina Buckley (☆ 23 di maart 1950 na Aruba) ta un maestro, poeta y escritor di buki di mucha Arubiano. E ta skirbi na Papiamento.
| Olga Buckley | ||
|---|---|---|
| ||
| Informacion basico | ||
| Nacemento | 23 di mart 1950 Aruba | |
| Informacion profesional | ||
| Ofishi | maestro, eskritor, poeta | |
| Website oficial | ||
| [Edita Wikidata] · [Manual] | ||
Olga Buckley a nace na Aruba, yiu di Joseph Harold Buckley procedente di Grenada y Ramona Buckley-Guillarte, procedente di Venezuela. E tin 4 ruman homber y seis ruman muhe.[1] For di chikito e tabata gusta conta y skirbi storia. Despues di caba MULO na 1966 e ta sigui enseñansa secundario avansa na Maria Immaculata Lyceum na Corsou. Seguidamente el a studia pa maestro di scol na Academia Pedagogico Arubano y a gradua na 1971. Den e periodo aki e tabata activo den e grupo di accion "Movimiento Estudiantil Arubano" cu tabatin como meta pa studiantenan haya atencion y pa nan participa den e dialogo di comunidad.[2] E grupo ta integra despues den fundacion "Frente Popular Antiyano", cual desde 1973 tabata saca e publicacion "Lanta". Buckley ta bira colaborado di redaccion.[3] Previamente na MULO e tabata colaborado di redaccion di "Bao di Kwihi", e korant di scol di La Salle College y Maria College.[4] Na 1995 el a termina su estudio di di tres grado di Papiamento na IPA.
Buckley tabata maestro y educador durante 46 aña, retirando profesionalmente na 2018. El a dedica 28 aña di su carera den enseñansa special, di cual 25 aña na Scol Caiquetio na Cura Cabai. Cu e hobennan cu tabatin mester atencion special e tabata uza Papiamento como idioma di comunicacion y instruccion. Entre 1979 y 1982 el a traha na Kinkerschool na Amsterdam como docente pa muchanan cu no ta papia hulandes. Como maestro e tabata conta storia y lesa tur dia pa e muchanan. Na 2008 e ta lansa e proyecto pa promociona lesamento di mucha "Bon Nochi Drumi Dushi", cual na 2011 a wordo premia cu e Premio Cultural PBCCG.[5]
Olga Buckley tabata casa y ta mama di tres yiu muhe, Zahira, Yassira y Indra. Na 2012 el a ricibi e premio Tapushi Literario. Na 2020 el a keda condecora como Cabayero (Ridder) den Orden di Oranje-Nassau.[6]
Na 2002 Buckley ta publica su prome tomo di poesia na Papiamento, titula Curashi. Na 2008 ta sigui Sin Wak Patras. Su debut como escritor tabata na 2006 cu e prome buki den e serie di e personahe Bencho; un serie cu el a skirbi durante un lapso di diescinco aña. Contrario na serienan tradicional e serie aki ta representa un storia coherente conta den cinco buki cada uno consistiendo di 18 capitulo.[7] E storia ta sigui e desaroyo y aventuranan for di scol basico te cu enseñansa avansa di e mucha homber Arubiano, Bencho Kock. Su ultimo buki Bons Slip, cu version separa na idioma Papiamento y Hulandes, tin e ambiente bi-cultural como tema principal.
Como poeta y escritor Buckley a participa na diferente actividad literario y a fungi como docente pa curso literario.[8] Na 2005 el a participa como poeta na e festival literario "Crusa Lama", e version pa Antias Hulandes y Aruba di e festival internacional literario ‘Winternachten’ na Den Haag. El a contribui mas biaha na e Festival di Buki pa Mucha na Aruba, organisa anualmente pa BNA den prome siman di november.[1] Na 2006 el a haya e invitacion di BNA pa skirbi e buki principal pa e festival. E ta co-autor di Antillenboek: bronnenboek, un buki cu serie di les cu Antias Hulandes como tema, publica na 1983 pa IVIO Leystad, Hulanda. Na 1996 el a forma parti di e grupo di traductor cu tabatin na su encargo traduccion na Papiamento di e diario di Anne Frank, E Cas Patras.[9]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
