Joseph Sickman Corsen
From Wikipedia, the free encyclopedia
Joseph Sickman (Jo) Corsen ( (☆ 13 di desèmber 1853 na Kòrsou - † 8 di òktober 1911) tabata un músiko, kompositor i poeta di Kòrsou. E tabata skirbi na spaño i papiamentu.[1]. Su poema mas konosí ta Atardi na papiamentu, kua a dun'é e nòmber di kariño tata di poesia papiamentu.[2]
E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.
| Joseph Sickman Corsen | ||
|---|---|---|
| Imagen desea: Joseph Sickman Corsen | ||
| Informashon básiko | ||
| Nasementu | 13 di desèmber 1853 | |
| Fayesimentu | 8 di òktober 1911 | |
| Lenga materno | Papiamentu | |
| Informashon profeshonal | ||
| Ofishi | kompositor, poeta | |
| Lugá di ofishi | Curaçao | |
| dbnl-profil | ||
| [Editá Wikidata] · [Manual] | ||
Joseph Sickman Corsen a nase na Kòrsou, yu di Johanna Charlotte Sickman i Daniel Eugenius Corsen. E ta desiendiente di e britániko John Corsen.[3] Na 1874 e ta kasa ku Margaretha Federika Ponson, un arubiano, i huntu nan ta haña 5 yu: 2 muhé i tres hòmber, inkluyendo e poeta Charles Sickman Corsen. E ta bisabuelo di Randal Corsen.[4]
For di yòng Corsen tabata un músiko talentoso; el a haña su promé lèsnan di músika serka su tata i tabata toka piano, òrgel i kitara. Na edat di diestres aña kaba el a duna un konsierto di piano.[3] El a komponé hopi, tabata dirigente di vários orkesta i organista di e komunidat israelita reformá hulandes.
Jo Corsen tambe tabata un poeta. E tabata pertenesé na e asina yamá skol spaño romanse i a skirbi prinsipalmente na spañó. Algun krítiko di su poesia na idioma spañó tabata Benjamin Jesurun i Fred de Haas. Cola Debrot tambe a komentá riba su obranan i a kalifiká Corsen komo un ‘lucido melankóliko’.[3] Sinembargo su popularidat den Karibe Hulandes tabata danki na su poemanan skirbi na papiamentu; en partikular Atardi, un poema ku letra melankoliko. Atardi, ku a sali publika pa prome biaha dia 27 di september 1905 den La Cruz, tabata e promé poema den idioma papiamentu ku a ser grabá.[4] Un gran parti di su poemanan ta trata di famia direkto, su mama, kasa i yunan, y tambe amigunan.
Na yanüari 1879, Corsen a skirbi su promé obra dramátiko titulá Apariencias durante su estadia na Barcelona (Venezuela).[1] Na 1914, despues di su fayesimentu, a publiká e kolekshon Poesias kontiniendo 80 poema na spaño i solamente 3 na papiamentu: Ata Nubia, Ruman di caridad i Atardi, e poema di mas fama den e historia literario antiano.[2]
- Apariencias (1879)
- Poesias (1914)
- Benjamin A. Jesurun, Inleiding tot het werk van J. S. Corsen (1914);
- J. Terlingen, Lengua y literatura Españolas en las Antillas Neerlandesas (1961);
- A. M. G. Rutten, Leven en muziekwerken van de dichter-musicus J. S. Corsen (1983).
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
