Jean Girigori (☆ 14 di yanüari 1948) ta un artista plástiko di Kòrsou. E ta konsiderá un di e pintornan prominente di region di Karibe.[1]
E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.
Jean Girigori
| Pais di nashonalidat | Reino Hulandes  |
|---|---|
| Nòmber di dilanti | Jean |
| Fecha di nasementu | 1948 |
| Lugá di nasementu | Laman Karibe |
| Okupashon | pintor |
| Lugá di trabou | Kòrsou |
Jean Girigori a nase den un boto riba Laman Karibe, yu di un tata di Kòrsou i un mama di Santo Domingo. Su hubentut e ta pasa na Santo Domingo i a yega di biba tambe na Haiti, Jamaica i Puerto Rico. Komo mucha kaba e tabata gusta pintamento. Ku 13 aña e ta kasa ku George Paul Hector (1938-1990), pintor konosi di Haiti, kende ta yudele pa desaroyá su talento. Su promé ekshibishon tabata na Haiti, sigui pa Santo Domingo i Jamaica. Despues di su divorsio e ta muda pa Kòrsou, unda su promé ekshibishon a tuma lugá na 1977 na Libertas.[2]
Den pintamento Jean Girigori a wòrdu inspirá pa e kultura karibense i religion. Na prinsipio esaki tabata vudu i magia pretu, mas despues ela sera konosí ku kreensia kristian. Su obranan ta kolorido, vibrante i alegre, i su estilo ekspresionista-naïef ta úniko.[1] Girigori ta dediká na hustisia sosial, derechonan di hende muhé i ku su temanan ta posishoná su mes kontra inhustisia pa ku mucha. Por ehempel, ela pinta mucha muhénan komo brùit pa asina trata di yama atenshon ku su obra pa abusonan kultural den region karibense.
Varios obra di Girigori a wòrdu ekshibí den museonan na Oropa i Merka, entre nan na e siudat di Schiedam, Washington D.C. i New York.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
