kompania di siguro From Wikipedia, the free encyclopedia
ENNIA Caribe of ENNIA ta un asegurado ku ta aktivo na Aruba, Kòrsou i Sint Maarten i na Hulanda Karibense desde 1948.
ENNIA | ||
---|---|---|
Pais | Hulanda | |
Sede | Den Haag | |
Zona di operashon |
Karibe Hulandes Aruba Kòrsou Sint Maarten | |
Subsidiario | ENNIA Caribe Schade NV ENNIA Caribe Leven NV ENNIA Caribe Zorg NV ENNIA Caribe Schade ENNIA Caribe Leven | |
Industria | Seguro Seguro di bida | |
Wèpsait ofisial | ||
[Editá Wikidata] · [Manual] |
E empresa ta ehersé aktividatnan den ramo di siguro di daño, bida i malesa. E tin ofisinanan na Aruba, Boneiru, Kòrsou i Sint Maarten i ta konta ku alrededor di 200 empleado. Su sede prinsipal ta na Kòrsou.
Bou di e entidat hurídiko ENNIA Caribe Holding NV tin sinku supsidiario ku ta fungi komo empresa di siguro operashonal[1]:
E aktividatnan na e islanan Boneiru, Kòrsou, Saba, Sint Maarten i Sint Eustatius ta agrupá den e promé tres sosiedat anónimo i ta kai bou di supervishon di Banko Sentral di Kòrsou i Sint Maarten, mientras e ultimo dos NV ta toka solamente e aktividatnan na e isla di Aruba ku ta kai bou di supervishon di Banko Sentral di Aruba.
E empresa ta originá di e kompania di siguro hulandes Eerste Nederlandsche / Nieuwe Eerste Nederlandsche (EN/NEN) i ta aktivo na Antia. Despues di unifiká na 1969 ku NILLMIJ (Nederlandsch-Indische Levensverzekering- en Lijfrente-Maatschappij) e nòmber a bira ENNIA. Na 1983 ENNIA ta unifiká ku AGO Verzekeringen bou di e nòmber AEGON, sinembargo na Antia e ta mantene e nòmber ENNIA komo "ENNIA Caribe".
ENNIA Caribe a wòrdu tuma over na 1998 dor di Nuts OHRA, ku un aña despues a unifiká i tabata resortá bou di Delta Lloyd. Na 2002 ENNIA a tuma over e actividatnan ku De Amersfoortse a start na 1989 na Antia. Na 2006 e Grupo Parman, di e empresario iraní-merikano Hushang Ansary, ta atkeri ENNIA Caribe.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.