From Wikipedia, the free encyclopedia
Comision fiho pa Relacionnan den Reino di Eerste Kamer (hulandes: Vaste commissie voor Koninkrijksrelaties van de Eerste Kamer, KOREL) ta un comision constitui pa miembronan di senado (Eerste Kamer) di parlamento di Hulanda (Staten-Generaal). Na 1959 a instala e comision, aunke prome caba tabata existi e Comision pa Teritorio Ultramar di Eerstekamer (hulandes: Eerste Kamercommissie voor Overzeese Gebiedsdelen). Te cu 10 di oktober 2010, fecha di e disolucion di Antia Hulandes, e comision tabata conoci bou di nomber Vaste commissie voor Nederlands-Antilliaanse en Arubaanse Zaken.[1]
KOREL ta atende cu e preparacion di documento pa tanto proyectonan di ley cu ta toca e parti Caribense di Reino Hulandes como proyectonan di ley di Reino. Den e cuadro aki e comision ta consulta cu mandatorionan hulandes responsabel pa asuntonan di Reino y ta mantene contacto cu parlamentarionan di Aruba, Kòrsou, Sint Maarten, Boneiro, Sint Eustatius y Saba.[1] E proyectonan di ley aki ta wordo trata den un sesion plenario di Senado Hulandes (hulandes: Eerste Kamer der Staten-Generaal) despues di un intercambio di documentonan cu Ministerio di Asuntonan Interno y Relacionnan di Reino.
E comision ta wordo nombra dor di e presidente di Eerstekamer y tin representante di cada fraccion den senado. E presidente actual di e comision ta Paul Rosenmöller di partido GroenLinks (GL).
Cu regularidad un delegacion ta haci bishita di trabao na e seis islanan cu ta forma e parti Caribense di Reino Hulandes.[2] Ta usual pa e senadornan reuni riba cada isla cu entre otro e gobernador of gezaghebber, minister of diputado, representantenan di pueblo, dunado di trabou y sindicato, directiva di scol, representantenan di sector di cuido, empresario, persona y organisacionnan di e cadena hudicial, organisacion di consumidor, hoben y otronan.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
