Seleccion femenino di futbol di Aruba
ekipo nashonal di futbòl From Wikipedia, the free encyclopedia
ekipo nashonal di futbòl From Wikipedia, the free encyclopedia
Seleccion femenino di futbol di Aruba ta e ekipo nacional di futbol cu ta representa Aruba na wega y torneonan internacional, manera na Copa Oro Femenino di CONCACAF. Tur e tramite pa e seleccion ta bou encargo di AVB, funda na 1932 y afilia na CFU, CONCACAF y FIFA desde 1988.
| Aruba | ||
|---|---|---|
| ||
| Rango FIFA | 185  1 (15 maart 2024) | |
| Rango mas halto | di 123 (juni 2014) | |
| Rango mas abou | di 182 (maart–juni 2023) | |
| Asociacion | Arubaanse Voetbal Bond | |
| Coach di bond | Arjan van der Laan | |
| Competencia | ||
Prome internacional Aruba 1–2 Antias Hulandes  (Oranjestad, 5 di mei 2006) Hazaña te ainda, no a logra un victoria Perdida: Aruba 0–8 Haiti  (Oranjestad, 2 di juli 2011) | ||
        Primera
   Segundo
| ||
| [Manual] | ||
Generalmente e team Arubano ta consisti di un mescla di seleccionado, di cual algun ta biba na Aruba y algun den exterior, principalmente Hulanda.[1] Vanessa Susanna, hungado di club ADO Den Haag, ta capitan di e ekipo femenino.[2]
E prome partido den historia di e ekipo a tuma lugá den e prome ronda di e cualificacion pa e Copa Oro di CONCACAF (femenino) na 2006. Aruba tabata tambe amfitrion di e grupo di cualificacion. Haiti tabata pertenece na e grupo aki, pero no a ser permiti pa drenta e pais. E ekipo Arubano a hunga e prome wega contra Antias Hulandes y a sufri un derota cu 2:1. Despues di esaki a sigui otro derota 0:3 contra Surnam.
Sinembargo, a dura algun tempo prome cu e siguiente participacion a tuma luga, ya cu e seleccion no a participa den e dos fase di cualificacion cu a sigui. Te ora cu el a clasifica pa e torneo na 2018 el a bolbe participa. Aki e ekipo mester a acepta un derota duro di 11-0 contra Cuba. Djis algun dia despues e ta logra su prome victoria den e cualificacion, ganando 2:1 contra Anguilla. Sinembargo, esaki tabata e unico punto cu e ekipo a logra y asina a terminá na e penúltimo luga di e grupo. Den e torneo di CFU na 2021 e seleccion ta logra su prome titulo internacional den historia di Aruba su futbol femenino.[1] Cualificacion pa CONCACAF W Championship 2022 tambe a cuminsa cu un derota 1:7 contra El Salvador. E unico punto den e cuatro partido a bin di un empate 1:1 contra Belize. E biaha aki e seleccion a termina na ultimo luga di e grupo.
Na 2024 e seleccion Arubano a titula campeon di 'Caribbean Queens Tournament', un torneo amistoso den Stadion Rignaal (Jean) Francisca, unda a enfrenta dos ekipo mas fuerte y mas halto cune riba e ranking mundial, esta Corsou y Trinidad & Tobago.[3][1] E torneo tabata e debut di e entrenador Arjan van der Laan.[4] Pa e partidonan Aruba-Corsou e resultado tabata un victoria 3:2 y un empate 0:0, y pa esunnan di Aruba-Trinidad & Tobago un derota 1:2 y un victoria 1:0. Goleadornan pa Aruba tabata Bonny Lammers (1), Vanessa Susanna (1) y Soraya Verhoeve (3).
| Aña | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 | 2017 | 2018 |
|---|---|---|---|---|---|---|---|---|---|---|---|---|---|
| Clasificacion mundial | 136 | 144 | 117 | 92 | 128 | 136 | 131 | 118 | 131 | 139 | 126 | 119 | 150 |
Mildred Wever (2011)[5] Reinhard Breinburg (2019–2020)[6] Glenford Sambo (2022–2023)[7] Veron Albertsz (2023–2024)[8]
Arjan van der Laan (2024-presente)Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
