Royal Aruba Aloe (antes Aruba Aloe Factory) ta un compania, estableci na Aruba na 1890 door di Cornelis Eman, despues cu aloe vera a ser introduci riba e isla na 1840.[1] E compania ta cultiva aloe vera, y ta produci e gel di aloe vera cu ta forma e base di nan productonan, por ehempel pa cuido di cabey y cuero. Ademas, e tin un museo localisa na Hato, banda di e mesun planashi estableci pa Cornelis Eman, awendia tin un grandura di 60 hectar.[1]
| Royal Aruba Aloe | ||
|---|---|---|
 | ||
| Funda | 1890 | |
| Fundado | Cornelis Eman | |
| Propietario | Aruba Aloe Balm NV | |
| Pais |  Aruba | |
| Empleado | 150 | |
| Producto | cuido di cabey y cuero | |
| Website oficial | ||
| [Edita Wikidata] · [Manual] | ||
Royal Aruba Aloe ta pertenece na Aruba Aloe Balm NV.[2] Famia Eman a maneha e compania pa 110 aña.[3] Na 2000, Louis A. Posner, un inversionista, a tuma e compania over di Henny Eman, y asina expande pa e mercado internacional. Despues, Onno van Romondt Jr., tambe a inverti den e expansion.[3]
Aruba Aloe Balm ta un di e poco companianan na mundo cu ta maneha ful e proceso di produccion; for di cultivacion te cu paketamento di producto.[1] Ademas, e ta un di e companianan di aloe vera mas bieu na mundo y un di e empresanan mas bieu di Aruba cu ta operando ainda. Na 8 di april 2021, Royal Aruba Aloe ta e prome compania den e parti Caribense di Reino Hulandes pa a ricibi e titulo real.[4][3]
Royal Aruba Aloe ta emplea, na 2023, alrededor di 150 hende; su productonan ta ser exporta pa 55 pais rond di mundo y bendi na 15.000 tienda na Merca.[5]
E cortado di aloe ta controla e blachinan di aloe, pa si wak si nan ta di suficiente calidad, prome cu e corta nan na man. Solamente, e blachinan mas grandi y miho ta wordo usa. E mata di aloe, no ta wordo corta mas cu un biaha pa aña, y esun bieu o morto ta wordo reemplasa pa un nobo. E procesamento di e blachinan ta tuma luga ya caba un par di ora despues di e cosecha. Asina, e gel di Aloe vera, cu ta wordo procesa frieu, ta mantene su calidad.[1]
Fuente, nota i/òf referensia
|
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
