Pauldrick François Teodoric Croes (☆ 7 di november 1976 na Aruba) ta un ex-politico Arubano di partido Partido di Pueblo Arubano (AVP). E tabata minister di Asunto Social, Hubentud y Labor di 2013 te 2017.[1] Entre 2009 y 2013 e tabata miembro di Parlamento di Aruba y a ocupa e funcion di presidente di Parlamento di 21 juni 2010 te 30 di oktober 2013.
Wak Croes (pagina di referencia) pa un otro nificacion di topico.
Quick Facts Pais di nashonalidat, Nòmber di dilanti ...
Close
Croes a nace dia 7 di november 1976 na Aruba den un famia politicamente activo. E ta sobrino di Betico Croes, Rudy Croes y Hendrik Croes y primo di Evelyn Wever-Croes y Glenbert Croes. Despues di obtene su VWO diploma na Colegio Arubano e ta bay studia na Hulanda. Na Universidad di Amsterdam e ta specialisa den politica internacional y economia internacional. Despues di su graduacion na 2002 e ta traha na Ministerio di Asuntonan Exterior, seccion Hemisferio Occidental, na Hulanda y mas laat na departamento di Asuntonan Exterior na Aruba.
Croes ta drenta politica riba lista di Partido di Pueblo Arubano (AVP) den eleccion 2009 y ta obtene 1578 voto personal. Di 2009 te 2013 e tabata parlamentario y despues di e retiro di Andy Lee a ocupa e funcion di presidente di Parlamento di 21 juni 2010 te 30 di oktober 2013. Cu su 33 aña e tabata e presidente mas hoben den historia di parlamento.[2]
[3] Den eleccion 2013 Croes ta mantene su asiento, sinembargo entrante 31 di oktober 2013 ta wordo nombra minister di Asunto Social, Hubentud y Labor den e di dos gabinete Mike Eman.
Croes ta casa y tin un yiu homber y yiu muhe.
Caso Ibis
Dia 28 di maart 2017 a bira conoci cu Croes ta sospechoso di corupcion, maluso di poder y traficacion di hende despues cu a haci un inval na su cas. Pendiente e investigacion penal, titula "Ibis", e ta pone su trabou abou temporalmente. Dia 12 di mei 2017 a pasa su cartera pa Angel Bermudez, minister di Finansa. Dia 21 di augustus 2017 Croes ta wordo aresta riba cargo di corupcion. Dos dia despues premier Eman ta declara cu Croes por retene su puesto como minister, sinembargo e no a re-aparece riba lista di AVP pa elecion di dia 22 di september 2017. Durante e prome tratamento di su caso e ta declara di e victima pa motivo di falta di legislacion cu ta regla financiamento di partido politico.[4]
Na 2019 Croes a ricibi sentencia di tres aña den prison. Su abogado, mr. Desiree Croes a apela e caso cu hoger beroep como cu e sentencia lo ta mucho halto, mientras Ministerio Publico a apela e sentencia como cu e lo ta mucho abou.[5]Na 2021 Croes a ricibi sentencia di un pago di 183 mil florin. Na 2024 defensa di Croes a apela e caso aki na cassatie y corte a dicidi di baha e suma cu Croes mester a paga cu 20 mil florin. [6]
Fuente, nota i/òf referensia
|