![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/25/Coat_of_arms_of_the_Netherlands_Antilles_%25281964-1986%2529.svg/langpap-640px-Coat_of_arms_of_the_Netherlands_Antilles_%25281964-1986%2529.svg.png&w=640&q=50)
Konstitushon di Antias Hulandes
areglo legal / From Wikipedia, the free encyclopedia
E Konstitushon of Areglo di estado di Antias Hulandes (na hulandes: Staatsregeling van de Nederlandse Antillen) ta e areglo legal di e konstelashon konstitushonal di loke tabata pais Antias Hulandes. Huntu ku Hulanda i Sürnam, Antias Hulandes tabata un pais konstituyente di Reino Hulandes. Proklamashon di e Konstitushon a tuma lugá dia 29 di mart 1955 mediante un medida general di reino (algemeen maatregel van rijksbestuur), apesar ku ta trata aki di un ordenansa nashonal antiano.[1] Esaki a bira posibel spesífikamente dor di artíkulo 59 (4) di Statuut pa Reino Hulandes, ku algun luna promé a keda proklamá riba 15 di desèmber di 1954. Huntu ku e Areglo Insular di Antias Hulandes (Eilandenregeling Nederlandse Antillen, ERNA), e Konstitushon ta deskribí e fundeshi di e gobièrnu di Antias Hulandes.
- E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.
![Thumb image](http://upload.wikimedia.org/wikipedia/commons/thumb/2/25/Coat_of_arms_of_the_Netherlands_Antilles_%281964-1986%29.svg/640px-Coat_of_arms_of_the_Netherlands_Antilles_%281964-1986%29.svg.png)