artista plástiko venezolano From Wikipedia, the free encyclopedia
Jhomar Hendrith Loaiza Huerta (☆ 1 di desèmber 1977 na Santa Ana de Coro) ta un artista plástiko venezolano ku ta biba i labora na Kòrsou.
Jhomar Loaiza ta e yu hòmber mayó di Mario R. Loaiza i Agloe Huerta. Durante su hubentut el a lanta serka su wela di banda di su tata. Den e tayer di su tata el a siña e ofishi di karpinteria fini. Na 1998 el a kompletá su estudio na "Escuela de artes plásticas Tito Salas" na Coro. Na 2010 el a profundisá su mes den litografia i serigrafia na Oaxaca, Mexico. Den su siudat natal La Vela el a graduá na 2015 den historia di herensia.
Na 2018, ora e situashon sosial i polítiko a deteriorá na Venezuela, el a muda pa Kòrsou. Despues di a realisá su pintura di tres tabla durante e Kaya Kaya Festival, el a kuminsa risibí mas enkargo pa traha mural.[1] E ta spesialmente konosí pa su muralnan na Punda, Otrobanda, Barber i e potret di Enith Brigitha na Sentro Deportivo Kòrsou (SDK).[2]
Loaiza ta inspirá pa e raisnan afrikano di e kultura karibense.[1] Su obranan ta un fushon entre kubismo i ekspresionismo i tin un relashon ku e poesia di e pintor i poeta venezolano Juan Calzadilla. Loaiza ta forma parti di e Grupo Purple-Ink i a publiká poemanan den varios revista.[3]
Na desèmber 2020 un di su pinturanan tabata riba e portada di e revista Fresku Daily.[4] Den e entrevista akompañante el a deklará di kier trese kambio i krea mas konsientisashon ku su arte.[1]
Na Venezuela Loaiza a ekshibí komo solista na Falcón, Yaracuy, Barinas i den e estadonan Monagas i Bolívar. El a partisipa na e siguiente eventonan internashonal:[5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.