lenga natural desaroya di pidgin From Wikipedia, the free encyclopedia
Idioma krioyo (Aruba:idioma crioyo) ta un lenga ku ta nase habitualmente den un komunidat, konstituí pa persona di diferente orígen ku no ta komparti un lenga komun, ku tin nesesidat pa komunika i pues ta forsá pa krea un lenga nobo usando elementonan di nan propio idioma.
Un ehempel típiko ta esun di e katibunan afrikano ku despues di e konkista di Amérika a wòrdu hiba na e plantashinan den Karibe òf esun di e poblashonnan outóktono di diferente region di Sur Amérika, Oseania i Afrika ku a mira nan mes obligá pa utilisá lenga di e poder kolonial (ingles, franses, spaño, português i hulandes) pa komunika.
Entre lingwistanan ta eksisti diferensia di opinion tokante formashon di lenganan krioyo. Segun e lingwistanan Ronald Wardhaugh i Robert A. Hall, Jr., e komunikashon ku a adopta inisialmente ta forma un pidgin, esta un di dos idioma ku ta adopta e léksiko di e idioma imponi den un forma trosi i sensio mientras ta keda mantene e sintáksis propio di e lenganan indigena. Den un proseso ku yama "nativashon", e yu i desendientenan di e papiadonan di pidgin ta perfekshona e lenga konvertiendo esaki den uno mas efisiente.[1] Ta papia di idioma krioyo ora e pidgin transforma den lenga materno, un idioma ku ta dispone di un sintáksis mas strukturá i un léksiko mas fiho i mas amplio.[2]
Pa otro lingwistanan idioma krioyo ta e resultado di un evolushon progresivo di un idioma den kontakto ku otro lenganan, sin ku ta nesesario pa pasa e etapa di transishon di e pidgin.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.