Andin Bikker

Andin Ceasar Giovanni Bikker (n. 20 di augustus 1969) ta un abogado y politico Arubano. Entre 2017 y 2021 e tabata Minister di Husticia y Migracion den e prome gabinete Wever-Croes pa partido POR, cu cual el a kibra dia 30 di mart 2021.^[1] Anteriormente e tabata miembro di Parlamento di Aruba di 2009 te 2017 pa PDR.

E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Andin Bikker
Imagen desea: Andin Bikker
Informacion basico
Nomber completo	Andin Ceasar Giovanni Bikker
Nacemento	20 ougùstùs 1969 Aruba
Pais	Aruba
Partido	POR (tot 30 maart 2021)
Funcion
2009–2017	Miembro Parlamento di Aruba
2017–2021	Minister di Husticia, Seguridad en Integracion
[Edita Wikidata] · [Manual]

Bida

Despues di su estudio na scol basico y secundario, el a studia na Vrije Universiteit di Amsterdam den materia Notarieel Recht y Nederlands Recht. Na Aruba el a traha como abogado na bufete Croes, Wever & Tchong, pa despues hunto cu abogado Lincoln “Dello” Gomez funda Gomez & Bikker (Go-Bik) Law Office. Na 2018 el a sali for di e bufete aki, despues di ocupa e funcion di mandatario.

Na aña 2004 Andin Bikker ta funda Partido Democracia Real (PDR) y tabata su prome y unico lider. Andin Bikker a participa na eleccion parlamentario pa prome biaha na aña 2005 y ta logra 1262 voto individual. Den eleccion na aña 2009 el a sigui crece y a alcansa 1621 voto riba su nomber, logrando un asiento den Parlamento di Aruba. Den eleccion na 2013 el a casi redobla su votonan y a yega te cu 3047 voto personal, manteniendo su asiento como parlamentario. Fin di 2016 ela opta pa uni cu Otmar Oduber pa funda partido POR y a bay como candidato #2 den eleccion dia 22 di september 2017. Nonobstante e integracion Bikker ta cay den voto te cu 1086 voto individual, cu ta representa un caida di 64.3%. E partido POR sinembargo ta logra 2 asiento y ta bira, huntu cu MEP y RED, partner di coalicion den gabinete Wever-Croes.^[2] Bikker ta keda nombra Minister di Husticia, Seguridad y Integracion. Despues di retiro di Otmar Oduber fin di 2019 Bikker ta asumi e posicion di presidente y lider di partido interino di POR. Na februari 2021 e ta pasa e encargonan aki pa POR-parlamentario Alan Howell.^[3] Dia 30 di maart 2021 Bikker ta distancia su mes di partido POR na momento cu gabinete Wever-Croes a entrega su retiro pa motivo di un asunto di integridad den fraccion di POR.^[4]

Bikker ta casa y tin 2 yiu muhe.

Fuente, nota i/òf referensia Henriquez, Sharina, Kabinet Aruba stapt op: coalitiepartner POR verdacht van verduistering publiek geld. Caribisch Netwerk (30 maart 2021). Archivá dia 30 maart 2021. Konsultá dia 31 maart 2021. Confirma Andin Bikker ta join e forsa nobo, Bondia.com. Recupera 18 juli 2021. (nl) Bikker stopt als partijleider, Antilliaans Dagblad, 21 februari 2021. Recupera 18 juli 2021. (nl) Sharina Henriquez, Kabinet Aruba stapt op: coalitiepartner POR verdacht van verduistering publiek geld, Red Caribense, 30 maart 2021. Recupera 18 juli 2021.