From Wikipedia, the free encyclopedia
Ing Ciudad/Lakanbalen ning Ángeles metung ya quing primeru clasing lakanbalen quing lalawigan ning Pampanga, Pilipinas. Malapit ya quing Clark International Airport (ing ng̃éni nang Diosdado Macapagal International Airport) ampo Clark Special Economic Zone (CSEZ) dati Clark Air Base).
Ángeles | |
---|---|
![]() | |
![]() Mapa ning Kalibudtarang Luzon ampong Ángeles ilage | |
![]() | |
Puuk: 15°8'49.85"N, 120°35'5.04"E | |
Bansa | Filipinas |
Labuad | Kalibudtarang Luzon (Rehiyong III) |
Lalawigan | Kalibudtarang Luzon |
Tuknangan | Maragul Lakanbalen |
Mitatag | 1796 |
Barangay | 33 |
Sukad | |
• Kabilugan | 60.27 km2 (23.27 sq mi) |
Elebasyun | 146 m (479 ft) |
Populasyun (Sensu ning 1 Mayu 2020) | |
• Kabilugan | 462,928 |
• Densidad | 7,700/km2 (20,000/sq mi) |
• Pamimalemale | 116,343 |
Economia | |
• Uryan | primeru klasing lakanbalen |
• Panakitan | ₱2,606,215,537.60 (2020) |
• Activos | ₱6,732,463,813.01 (2020) |
• Pasivos | ₱2,151,818,398.58 (2020) |
• Gastos | ₱2,158,062,011.65 (2020) |
Kodigo Postal | 2009 |
PSGC | |
IDD : area code | +63 (0)45 |
Amanu | Kapampángan Tagálug Mag-antsi |
Websayt | angelescity.gov.ph |
Agpang queng 1 Mayu 2020 ning sensus, atin yang populaciún a 462,928 a katau kareng 116,343 a pamimalemale.
Ing Lakanbalen Ángeles, atin yang 33ng barangay a makasambilta keng makatuki:
Taun | Pop. | ±% p.a. |
---|---|---|
1903 | 10,646 | — |
1918 | 17,948 | +3.54% |
1939 | 26,027 | +1.79% |
1948 | 37,558 | +4.16% |
1960 | 75,900 | +6.04% |
1970 | 134,544 | +5.88% |
1975 | 151,164 | +2.36% |
1980 | 188,834 | +4.55% |
1990 | 236,686 | +2.28% |
1995 | 234,011 | −0.21% |
2000 | 263,971 | +2.62% |
2007 | 317,398 | +2.57% |
2010 | 326,336 | +1.02% |
2015 | 411,634 | +4.52% |
2020 | 462,928 | +2.34% |
Sanggunian: Philippine Statistics Authority[1][2][3][4] |
Keng marakal-dakal a banua, ing Lungsud Ángeles pikabaluan ya bilang Kuliat, pelagyu karing dakal a kukulate tanaman keting lugal iniang y Don Angel Pantaleon de Miranda at ing keyang asawang Donya Rosalia de Jesus pegimpisan deng ginubat ing kakewan at esikan deng pale ampo atbu ketang "Mil Sieti Sientus Nobenta'y Seis" (1796). Ing Kuliat menatili yang barrio ning balen San Fernando anggang atlumpulu't-atlung (33) banua. Yapin keng pamanimuna nang Don Angel at king pamagpursigi ning keyang manuyang a Dr. Mariano Henson, nung makananung ing barrio megi yang saparadung balen iniang Disyembre 8, 1829. Iti mialilan ya lagyung "Ángeles" bilang parangal kang Don Ángel, ing keyang pundador, at los santos custudios, ding keyang patulunang patrun.
Nitang Mayo 7, 1899, ing Ángeles yang meging sentru ning Mumunang Republikang Pilipinas king lalam nang Gen. Emilio Aguinaldo. Iya mu rin nung nuya pigsayan at miganap ing pekamumunang anibersaryu ning Philippine Independensya iniang Junio 12, 1899. Ing pipagbalenan da ring Pamintuan (ngeni megawa nang Central Bank Clearing Office) yang meging Palasyong pampresidenti.
Ing panyatang da ring Amerikanu keng Ángeles megimpisa iniang Enero 1, 1900. Ketang Oktubri ning 1902, ing Sundalus Amerikanu (US Army) menalakad yang kampu siping ning istasyun rilis king Talimundoc (ngeni, Lourdes Sur). Kalabas ding dakal a banua ning pamanokupang dayuan, ing Ángeles melaus yamurin meging Lungsud iniang Eneru 1, 1964, kapamilatan ning Republic Act No. 3700.
Iniang Junio 15, 1991, ing lungsud mesalanta ya uli ning pamamakbung ning Bunduk Pinatubu. Sumangid ning kalamidad, ing Ángeles agawa nang tinikdo manibatan keng abu ban maging pekamasikan at pekamabilis diling daragul a lakanbalen mabilug a bansa keng kabilian na ngeni.
Ing pamagsiasat ning Lakanbalen Ángeles bigla yang megluid keng milabas a yapulung banua uli na ning mabilis a pamaglaganap ning teknolowiya king komunikasyun at ding mengayaring at modernung dalan at aywey at ini ing memie santingan king kalakalan at pamaglipat.
Ing Ángeles atin yang industria kalupa na ning pamangawang mwebles a Rattan. Mangawa ya mu rin uling, ngungut at aliwa pa. Mangawa ya mu rin electronics ampo kompyu-kompyuter.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.