![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/55/Calamansi_products.jpg/640px-Calamansi_products.jpg&w=640&q=50)
Kalamunding
From Wikipedia, the free encyclopedia
Ing Kalamunding (× Citrofortunella mitis), a king Ingles ausan da mu namang Calamondin, Calamondin orange, China orange, Philippine orange, To-kumquat o Golden Lime, metung yang species o uri ning tanaman king familia Rutaceae. Metung yang pakamalan a tanaman kareng mula uling king kayang malacremang aluntiang bulung ampong kakanan a bunga, at mitatanam ya murin kareng tamnanan. Neng kai, maslam la reng kayang bunga, at keraklan gagamitan la king pamaglutu deti, o kukuanan do katas. Neng kasibul ampong kaleldo, mamulaklak ya ing kalamunding, at mabanglu lang maputi o alus maputi deng kayang sampaga.[3] Metung yang malating bagiang pun dutung a maki kátas a pilatan ning 6.5 pie ampong 25 pie (2-7.5m) at medio payat ya ing kayang tangke. Masuksuk lang bagia kareng aliwang dake deng sanga at misna yang lalam ing kayang taproot.[4]Tubu ya king China at metung ya kareng tanaman a citrus a matibeng dili king dimla.[5] Mestiso ne ning mandarin orange ampo ing kumquat.[6]
Kalamunding | ||||||||||||||
---|---|---|---|---|---|---|---|---|---|---|---|---|---|---|
![]() Deng makabalut a bunga ampong soft drink a gawa king kalamunding | ||||||||||||||
Scientific classification | ||||||||||||||
| ||||||||||||||
Binomial name | ||||||||||||||
× Citrofortunella mitis (Blanco) J. Ingram & H.E. Moore [1] | ||||||||||||||
Synonyms | ||||||||||||||
|