Global Positioning System
From Wikipedia, the free encyclopedia
Ing Global Positioning System (GPS) metung yang sistema ning pamaglayag a pangyatung gagamit satellite (global navigation satellite system) (GNSS) a ayalkus ning United States Department of Defense, at panibalan ning United States Air Force 50th Space Wing. Ya kabud ganap a gaganang GNSS king yatu, maliari yang gamitang timawa ampong alang bayad, at maras, magsilbi ya kareng sibilian king pamaglayag. Gagamit yang constellation da reng pilatan ning 24 ampng satellite a Medium Earth Orbit a magparalang eksaktung senias a microwave, a sasaup kareng GPS receiver a mangarcula king salukuyan dang pusisiun o kabilian, ing oras, ampo ing karelang bilis o salusu (velocity). Ing opisial nang lagiu, NAVSTAR GPS. Lipat ning e ya acronym ing NAVSTAR,[1] melalang la reng mapilan a en:backronym para kaniti.[2]
Manibat aniang ganap deng pepagana aniang 1993, meging maleparan ing pamangamit ning GPS antimong saup king pamaglayag king mabilug a yatu, ampong metung a maulagang kasangkapan king pamangawang mapa, pamaniukad gabun, negosiu, gamit a pang-siensia, ampong hobby antimong en:geocaching. Bukud kaniti, magsilbi ya ing saktung time reference kareng dakal a pigagamitan, alimbawa ing sientipicung pamanigaral kareng ayun. Metung ya muring maulagang pamangailangan king pamiagnan-agnan da reng cellular network, anti ing Qualcomm CDMA air interface a gagamitan da reng dakal a wireless carriers kareng miayaliwang bangsa.[citation needed]