![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ef/Freddie_Mercury_performing_in_New_Haven%252C_CT%252C_November_1977.jpg/640px-Freddie_Mercury_performing_in_New_Haven%252C_CT%252C_November_1977.jpg&w=640&q=50)
Freddie Mercury
British South Asian rock musician / From Wikipedia, the free encyclopedia
I Freddie Mercury (mibait yang Farrokh Bulsara (Gujarati: ફ્રારુક બુલ્સારા), 5 Setiembre 1946 – 24 Noviembre 1991)[2] metung yang musiquerong Britanico, a pikabaluan dili antimong manimunang talacanta (lead vocalist) ampong talasulat canta ning bandang rock a Queen. Mekilala ya antimong makuleng lalage king entablado ampo king kayang mayupayang siuala o bosis a maki lapad (range) a apat a octave.[3][4][5] Antimong talasulat canta, dakal ya sinulat a hit para king Queen, kayabe la reng "Bohemian Rhapsody", "Killer Queen", "Somebody to Love", "Don't Stop Me Now", "Crazy Little Thing Called Love" ampong "We Are the Champions". Bukud king obra na kayabe ya ing Queen, maki carrera yang solo, at sinulat ya kareng hits antimong reng "Barcelona", "I Was Born to Love You" ampong "Living on My Own". Pamisan-misan, migsilbi ya muring producer ampong bisitang musiquero o guest musician (piano o vocals) para kareng aliuang lalage. Mete ya king bronchopneumonia a menibat king AIDS, aniang 24 Noviembre 1991, metung mung aldo kaibat nang pepabalung másakit ya kaniti.
Freddie Mercury | |
![]() I Mercury aniang lalage ya king New Haven, CT, 1977 | |
Background information | |
---|---|
Lagyu pangabait | Farrokh Bulsara |
Mibait | 5 Septiembri 1946(1946-09-05) Stone Town, Zanzibar |
Penibatan | London, England, UK[1] |
Mete | 24 Nobiembri 1991 (maki edad a 45) Kensington, London, England, United Kingdom |
Tinduk ning tigtig (Genre) | Rock, Hard rock |
Kapanintunan | Musician, singer-songwriter, record producer |
Instrumentu | Vocals, piano, keyboards, guitar |
Banwa nung kapilan aktibu | 1969–91 |
Marka ning talaplaka | Columbia, Polydor, EMI, Parlophone, Hollywood Records |
Palageng makaugne | Queen, Wreckage/Ibex, Montserrat Caballé |
Metung yang Parsi a mibait king Zanzibar i Mercury, at meragul ya karin ampo king India anggang libutad ning kayang panga teen-ager, at sasabian dang ya ing "mumunang Asianong rock star ning Britania".[6] Aniang 2006, pinili ne ning Time Asiang metung kareng peka ma-influenciang Asianong bayani ning milabas a anam a pulung banua,[7] at bobotu re pa murin a metung kareng maragul o mapiang diling talacanta king kasalesayan ning pangmaldang musica o popular music. Aniang 2005, agpang king pamagbotu o poll a tinikdo ning Blender ampo ning MTV2 i Mercury ing binotu rang maragul diling lalaking talacanta ning mabilug a panaun.[8] Kanitang 2009, agpang king pamagbotung penibalan ning Classic Rock ya ing binotu rang mapiang diling talacantang rock ning mabilug a panaun.[9] Aniang 2008, pinili de reng talapatuntun ning Rolling Stone, kalabing walu ya (18) king tala o listaan da reng dinalan a pekamapiang talacanta ning mabilug a panaun.[4] Agpang king Allmusic i Mercury ing "one of the most dynamic and charismatic frontmen in rock history."[10]