FC Barcelona
From Wikipedia, the free encyclopedia
Ing Futbol Club Barcelona (Pangayagkas a Catalan: [fubˈbɔɫ ˈkɫub bərsəˈɫonə] ( makiramdam)), a ausan da muring Barcelona at antimong palayo, Barça,[2] metung yang propesional a football club, a makabasi king Barcelona, Catalonia, Espania.
![]() | ||||
Kumpletung lagyu | Futbol Club Barcelona | |||
---|---|---|---|---|
Palayo | Barça (team) Culés o Barcelonistas (talasuporta) Blaugranas o Azulgranas (talasuporta) | |||
Mitátag | Nobiembri 29, 1899 (1899-11-29) (124 nang banwa ing milabas) antimong Foot-Ball Club Barcelona | |||
Ground | Camp Nou, Barcelona (Deng mipagyu: 99,354[1]) | |||
Pamuntuk | Josep Maria Bartomeu | |||
Talapanibala | Ernesto Valverde | |||
Liga | La Liga | |||
2018-19 | 1 | |||
Website/Karinan-aptas | Club home page | |||
|
Tetag ne kanitang 1899 ning metung a grupu da reng talapamyalung football a Swiss, Ingles ampong Catalan a panimunan nang Joan Gamper, ing club. Iti megi neng sagisag ning kulturang Catalan ampo ning Catalanismo, anya kasebyan ne o motto 'ing '"Més que un club" (E mu kabud metung a club). Ing opisyal a dalit ning Barcelona, yapin ing "Cant del Barça" a sinulat nang Jaume Picas ampo i Josep Maria Espinàs.[3] E anti kareng keraklan kareng dakal a football club, deng talasuporta ing makibandi ampong mánibala king Barcelona. Ya ing kadwang pekamakwaltang football club king yatu agpang king Deloitte Football Money League. a maki banwa-banwang pánakitan a €398 million. Malambat na neng karibal ning club ing Real Madrid. Awsan dong "El Clásico" deng pyalung da reng adwang club.
Ing Barcelona ing kasalukuyan a kampyun king football king Europa, at sinambut neng adwang pulu't metung (21) a La Liga, adwang pulu't limang (25) Copa del Rey, apulung (10) Supercopa de España, ampong atlung (3) Copa Eva Duarte. Kinilala ne mu ampong inorganisa ning RFEF ing Copa Eva Duarte manibat 1947 anggang 1953 lalam ning lagyung ita, anya e kayabe king pamamilang ing pamanyambut ning Barcelona king "Copa de Oro Argentina" anyang 1945 e kayabe king pamamilang, at den mung trophy kareng banwang 1948, 1952 ampong 1953 ing kayabe. King internasyonal a laban da reng club, sinambut yang apat a UEFA Champions League ing Barcelona, record a apat a UEFA Cup Winners' Cup, apat a UEFA Super Cup, ampong record a atlung Inter-Cities Fairs Cup[4] ampong record a adwang FIFA Club World Cup trophy.[5]
Ing Barcelona murin ing bukud a club king Europang memyalung continental football balang panaun (season) manibat anyang 1955, at metung ya kareng atlu mung club a e milako king La Liga, kayabe ya ing Athletic Bilbao ampo ing Real Madrid. Anyang 2009, ing Barcelona ing meging mumuang club ning Espaniang sinambut king Treble (association football)treble a bibilugan da reng La Liga, Copa del Rey, ampo ing Champions League. Anyang banwang ita, megi ya mu namang mumunang football club a sinambut anam kareng anam a kompetisyon kilub ning pabanwa, anya akumpletu ne ing sextuple, a bibilugan da reng minunang mebanggit a atlu ampo reng Spanish Super Cup, UEFA Super Cup ampong FIFA Club World Cup.[6]