From Wikipedia, the free encyclopedia
Ing Bangalore ([ˈbæŋgəloːɾ] ), opisial a lagiu, Bengaluru (Kannada: ಬೆಂಗಳೂರು, ['beŋgəɭuːɾu] ), ing tungku (capitoliu o cabecera) ning estadu ning Karnataka, India. Atiu iti king w:Deccan Plateau king mauli-aslagan nang dake ning Karnataka. Ing Bangalore ing lakanbalen o ciudad a katlung pekamaragul populasiun king India[2], at kalimang pekadakal taung urban agglomeration.
?Bangalore Bengalūru (ಬೆಂಗಳೂರು) Karnataka • India | |
Coordinates: | |
Oras zona | IST (UTC+5:30) |
Lualas • Kátas |
741 km² (286 sq mi)[1] • 920 m (3,018 ft) |
Labuad | Bayaluseeme |
Distritu | Bangalore Urban |
Populasiun • Pangasiksik |
6,200,000 (3rd) (2007) • |
Commissioner | Dr. S. Subramanya |
Kodiku • Pincode • Telepanu • UN/LOCODE • Saken |
• 560 xxx • +91-(0)80 • IN BLR • KA 01, KA 02, KA 03, KA 04, KA 05, KA 41, KA 50, KA 51, KA 53 |
Lipat ning mababanggit ya king amlat iting lakanbalen bayu pa ing banuang 900, agpang king metung a makabayung amlat, bukud mung kanitang 1527 ating katibayan ning taglus-taglug a pamanuknangan keti, aniang mitikdo yang kuta ibat king burak (mud fort) i Kempe Gowda I, a tuturing da reng dakal a talatátag ning makabayung Bangalore, king lakanbalen, at gewa neng lalawigan ning Imperiung Vijayanagara. Aniang panaun ning pamaniakup ning Britania, megi yang sentru ning pamanibalang kolonial king Mauling India. Dakal lang minalis ibat kareng aliwang dake ning India kaibat nang mitátag ning Bangalore Cantonment.
Ngeni, bilang metung a maleparan ampong daragul a metropolis, ing Bangalore ing karinan da reng dakal kareng pikabaluan diling colehiu ampong institusion ning pamanialugsug (research institutions) king India. Dakal la reng mangabayat a industria, cumpania ning software, pamaniulagpo (aerospace), telecomunicasiun ampong pamamingua (defense) king lakanbalen. Ing Bangalore ing tuturing dang Silicon Valley ning India uli ning kayang pamanimuna king IT king India antimong talapamie obra ampong exporter.[3]
Metung yang lakanbalen a bibilugan da reng miayaliwang lahi ing Bangalore, at megi yang metung kareng sentrung pangkabiayan ampong matalik diling dagul a metropolis king India. [4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.