From Wikipedia, the free encyclopedia
Ipatalos yo pa ya ed salitan Pangasinan. Sarag yon dagdagan o bawasan. Salamat.
Manila | |||
---|---|---|---|
Marakel ya siyudad | |||
| |||
Lokasyon na Manila | |||
14°35′45″N 120°58′38″E | |||
Dalin | Filipinas | ||
Angipaletnegan | Hunyo 24, 1571 | ||
Barangay | 897 | ||
Gobiyerno | |||
• Pangulo | Honey Lacuna | ||
Kaawang | |||
• Katiponan | 24.98 km2 (9.64 sq mi) | ||
Elebasyon | 7 m (23 ft) | ||
Bilang na too (Mayo 1, 2020)[1] | |||
• Katiponan | 1,846,513 | ||
• Densidad | 74,000/km2 (190,000/sq mi) | ||
Economia | |||
• Clase | special city income class | ||
• Ingresos | ₱19,691,552,221.49 (2022) | ||
• Activos | ₱73,694,401,449.64 (2022) | ||
• Pasivos | ₱26,765,129,719.17 (2022) | ||
• Gastos | ₱16,047,340,904.58 (2022) | ||
Kodigo na postal | 0900–1096 | ||
Kodigo na lugar | 2 | ||
Website |
manila |
Say Siyudad na Manila (English: City of Manila; Filipino: Lungsod ng Maynila) sakey kabesera na siyudad ed rehion Metro Manila, Filipinas. Unong ed 1 Mayo 2020 census, say populasyon to et 1,846,513 totoo tan 486,293 abong. Walay kabaleg tan sukat to ya 24.98 sq. km. Say zip code to et 0900–1096.
Taon | Pop. | ±% p.a. |
---|---|---|
1903 | 219,928 | — |
1918 | 285,306 | +1.75% |
1939 | 623,492 | +3.79% |
1948 | 983,906 | +5.20% |
1960 | 1,138,611 | +1.22% |
1970 | 1,330,788 | +1.57% |
1975 | 1,479,116 | +2.14% |
1980 | 1,630,485 | +1.97% |
1990 | 1,601,234 | −0.18% |
1995 | 1,654,761 | +0.62% |
2000 | 1,581,082 | −0.97% |
2007 | 1,660,714 | +0.68% |
2010 | 1,652,171 | −0.19% |
2015 | 1,780,148 | +1.43% |
2020 | 1,846,513 | +0.72% |
Reperensiya: Philippine Statistics Authority[2][3][4] |
Say Tagalog ya ngaran na Manila et "may nilad", a nanlapud sakey a klase na ambetel a dika ya datin ontatatagey ed gilig na dayat. Nen koma-16 a siglo, say "Maynilad" et ginmapo manlapud Muslim a komunidad diad gilig na ilog Pasig bilang sentro na pananguley na Espanya ed Pilipinas diad loob na masulok a taloran siglo.
Nen kapegleyan na koma-16 a siglo, say lugar ya natan et tatawagen ya Manila et uleyan na taloran raya, odino pangulo na Muslim a komunidad. Si Raya Sulayman tan Raya Matanda so manuley ed saray komunidad ed abalaten na ilog Pasig, tan si Raya Lacandula so manuley ed saray komunidad ed amianen na ilog. Say Manila so sankaamianen a sultanato ed kapusoan. Kaibay saray sultanato na Brunay, Sulu, tan Ternate diad Cavite.
Nen 1570, sakey ya espisyal ya ekspedisyon ya imbaki nen Miguel López de Legazpi so angiter na pasakbay ya erelen toy Manila. Sinmabi ed Manila so matoor ya armada nen Martín de Goiti manlapud Cebu, a datin sentro na saray Espanyol. Saray Tagalog ya Muslim so amaasingger ed saray dayo; balet si Goiti, a kaiba to so 300 a sundalo to, et walay sananey a gagala to, ya inyatakey toy Manila tan dineral to so nanduruman baley. Sinmabi si Legazpi tan saray papatumbok to diad tinmumbok a taon tan akikasakey ira ed taloran rajah tan angiletneg ira na sakey a konseho na syudad a walaan na duaran mayor, 12 konsehal, tan sakey a sekretaryo. Nagkalalo la, angipaalagey ira na aliber na padir a syudad diad abalaten a gilig na ilog Pasig pian protektaan so ayaman tan kuartil na saray Espanyol. Sayan aliber na padir a syudad so atawag ya Intramuros.
Nen Hunyo 10, 1574, inter nen Ari Felipe II ed Espanya so titulon Insigne y Siempre Leal Ciudad ("Sikaton Kabkabat tan Naynay a Matoor a Syudad"). Nen 1595, say Manila so nagmaliw a kabesera na Pilipinas tan nagmaliw a sentro na trans-Pacific silver trade.
Nen 1898, inala na Estados Unidos so isla, ya anggad 1935. Legan na Sankamundoan a Guerra II, dakel a parte na syudad so aderal. Nen 1975, say Metro Manila a rehyon so aporma tan say syudad na Manila so nilakop.
Saray 8 distrito ed norte na Pasig et say Binondo, Quiapo, Sampaloc, San Miguel, San Nicolas, Santa Cruz, Santa Mesa, tan Tondo.
Say arum a waloran distrito et say Ermita, Intramuros, Malate, Paco, Pandakan, Port Area, San Andreas Bukid, tan Santa Ana. Say San Andreas et datin kabiangan na Santa Ana, tan say Santa Mesa et datin kabiangan na Sampalok.
Amin na sarayan distrito, likud ed Port Area, so walaan na saray mismon simbaan da. Say distrito na Binondo et say Chinatown na syudad. Say Tondo et lugar na saray mairap-bilay, bangta saray distrito na Ermita tan Malate et mas popular ed saray turista lapud dakel so naakan, iinomen, panagligliwaan, limaran baleg ya hotel, tan saray shopping mall.
Ragay ed siyudad walay 897 ya barangay kasarayan walay 16 ya distrito.
Say Manila et naapag-apag ed 16 ya distrito. Sakey labat a distrito so aliwan datin baley, say Port Area.