From Wikipedia, the free encyclopedia
ਮਿਡਲਸੈਕਸ (/ˈmɪdəlsɛks/, ਛੋਟਾ: Middx) ਇਹ ਪੂਰੀ ਤਰ੍ਹਾਂ ਲੰਡਨ ਦੇ ਵਧੇਰੇ ਸ਼ਹਿਰੀ ਖੇਤਰ ਵਿੱਚ ਹੈ। ਇਸਦਾ ਖੇਤਰ ਹੁਣ ਜਿਆਦਾਤਰ ਗ੍ਰੇਟਰ ਲੰਡਨ ਰਸਮੀ ਕਾਉਂਟੀ ਦੇ ਅੰਦਰ ਹੀ ਆਉਂਦਾ ਹੈ, ਜਿਸਦੇ ਛੋਟੇ ਭਾਗ ਹੋਰਨਾਂ ਨੇੜਲੀਆਂ ਰਸਮੀ ਕਾਉਂਟੀਆਂ ਵਿੱਚ ਵੀ ਹਨ। ਇਹ ਮੱਧ ਸੈਕਸੋਨ ਦੇ ਇਲਾਕੇ ਤੋਂ ਐਂਗਲੋ-ਸੈਕਸੋਨ ਪ੍ਰਣਾਲੀ ਵਿੱਚ ਸਥਾਪਿਤ ਕੀਤੀ ਗਈ ਸੀ ਅਤੇ 1965 ਤਕ ਇੱਕ ਸਰਕਾਰੀ ਯੂਨਿਟ ਵਜੋਂ ਮੌਜੂਦ ਸੀ। ਇਤਿਹਾਸਕ ਕਾਉਂਟੀ ਵਿੱਚ ਥੇਮਸ ਨਦੀ ਦੇ ਉੱਤਰ ਵੱਲ 3 ਮੀਲ (5 ਕਿਲੋਮੀਟਰ) ਪੂਰਬ ਵੱਲ ਲੰਡਨ ਸ਼ਹਿਰ ਦੇ ਪੱਛਮ ਵਿੱਚ 17 ਮੀਲ (27 ਕਿਮੀ) ਤੱਕ ਪਸਰੀ ਹੋਈ ਜ਼ਮੀਨ ਫੈਲੀ ਹੋਈ ਹੈ। ਕੋਲਨ ਅਤੇ ਲੀ ਨਦੀਆਂ ਅਤੇ ਪਹਾੜੀਆਂ ਦੀ ਇੱਕ ਰਿੱਜ ਹੋਰ ਸੀਮਾਵਾਂ ਬਣਦੀਆਂ ਹਨ। ਇਸਦੇ ਉੱਤਰ ਵਿੱਚ ਕਾਊਂਟੀ ਦੇ ਨਿਵਾਣ ਵਾਲੇ ਖੇਤਰ ਵਿੱਚ ਮੁੱਖ ਤੌਰ 'ਤੇ ਚੀਕਣੀ ਮਿੱਟੀ ਹੈ ਅਤੇ ਇਸਦੇ ਦੱਖਣ ਵਿੱਚ ਬਜਰੀ ਤੇ ਰੇਤਲੀ ਲਾਲ ਮਿੱਟੀ। ਇਹ 1831 ਵਿੱਚ ਖੇਤਰਫਲ ਪੱਖੋਂ ਦੂਜੀ ਸਭ ਤੋਂ ਛੋਟੀ ਕਾਉਂਟੀ ਸੀ।[1]
ਸਿਟੀ ਆਫ਼ ਲੰਡਨ 12 ਵੀਂ ਸਦੀ ਤੋਂ ਆਪਣ ਖੁਦ ਆਪਣੇ ਬਲ ਦੀ ਇੱਕ ਕਾਉਂਟੀ ਸੀ ਅਤੇ ਮਿਡਲਸੈਕਸ ਉੱਤੇ ਰਾਜਨੀਤੀਕ ਨਿਯੰਤਰਣ ਕਰਨ ਦੇ ਯੋਗ ਸੀ। ਕਾਉਂਟੀ ਦੇ ਜ਼ਿਆਦਾਤਰ ਸ਼ੁਰੂਆਤੀ ਵਿੱਤੀ, ਜੁਡੀਸ਼ੀਅਲ ਅਤੇ ਧਾਰਮਿਕ ਪੱਖਾਂ ਉੱਤੇ ਵੈਸਟਮਿੰਸਟਰ ਐਬੇ ਦਾ ਦਬਦਬਾ ਸੀ।[2] ਜਦੋਂ ਲੰਡਨ ਦਾ ਮਿਡਲਸੈਕਸ ਵਿੱਚ ਵਾਧਾ ਹੋਇਆ, ਕਾਰਪੋਰੇਸ਼ਨ ਆਫ ਲੰਡਨ ਨੇ ਸ਼ਹਿਰ ਦੀਆਂ ਹੱਦਾਂ ਨੂੰ ਕਾਉਂਟੀ ਵਿੱਚ ਵਿਸਥਾਰ ਦੇਣ ਦੇ ਯਤਨਾਂ ਦਾ ਵਿਰੋਧ ਕੀਤਾ, ਜਿਸ ਨੇ ਸਥਾਨਕ ਸਰਕਾਰ ਅਤੇ ਨਿਆਂ ਦੇ ਪ੍ਰਸ਼ਾਸਨ ਲਈ ਸਮੱਸਿਆਵਾਂ ਪੈਦਾ ਕੀਤੀਆਂ। 18 ਵੀਂ ਅਤੇ 19 ਵੀਂ ਸਦੀ ਵਿੱਚ, ਲੰਡਨ ਦੇ ਪੂਰਬੀ ਐਂਡ ਅਤੇ ਵੈਸਟ ਐਂਡ ਸਮੇਤ ਕਾਊਂਟੀ ਦੇ ਦੱਖਣ-ਪੂਰਬ ਵਿੱਚ ਅਬਾਦੀ ਦੀ ਘਣਤਾ ਖਾਸ ਕਰਕੇ ਉੱਚੀ ਸੀ। ਮੈਟਰੋਪੋਲੀਟਨ ਬੋਰਡ ਆਫ ਵਰਕਸ ਦੇ ਖੇਤਰ ਦੇ ਹਿੱਸੇ ਦੇ ਰੂਪ ਵਿੱਚ, 1855 ਤੋਂ ਦੱਖਣ-ਪੂਰਬ ਨੂੰ ਕੈਂਟ ਅਤੇ ਸਰੀ ਦੇ ਭਾਗਾਂ ਦੇ ਨਾਲ ਪ੍ਰਸ਼ਾਸਿਤ ਕੀਤਾ ਗਿਆ। [3] ਜਦੋਂ 1889 ਵਿੱਚ ਇੰਗਲੈਂਡ ਵਿੱਚ ਕਾਉਂਟੀ ਕੌਂਸਲਾਂ ਦੀ ਸ਼ੁਰੂਆਤ ਕੀਤੀ ਗਈ ਤਾਂ ਮਿਡਲਸੈਕਸ ਦੇ ਤਕਰੀਬਨ 20% ਇਲਾਕੇ ਦੀ ਅਬਾਦੀ ਦੇ ਇੱਕ ਤਿਹਾਈ ਹਿੱਸੇ ਦੇ ਨਾਲ ਇਹ ਲੰਡਨ ਦੀ ਨਵੀਂ ਕਾਉਂਟੀ ਵਿੱਚ ਤਬਦੀਲ ਕਰ ਦਿੱਤੀ ਗਈ ਸੀ ਅਤੇ ਬਾਕੀ ਪ੍ਰਸ਼ਾਸਕੀ ਕਾਉਂਟੀ ਬਣ ਗਈ ਸੀ ਜਿਸ ਦਾ ਪ੍ਰਸ਼ਾਸਨ ਸੈਕਸ ਕਾਉਂਟੀ ਕੌਂਸਲ ਕੋਲ ਦਿੱਤਾ ਗਿਆ। [4] ਇਹ ਲੰਡਨ ਦੀ ਕਾਊਂਟੀ ਦੇ ਵੈਸਟਮਿੰਸਟਰ ਵਿੱਚ ਮਿਡਲਸੈਕਸ ਗਿੰਡਲਹਾਲ ਵਿੱਚ ਨਿਯਮਿਤ ਤੌਰ 'ਤੇ ਮੀਟਿੰਗਾਂ ਕਰਦੀ ਸੀ। ਸਿਟੀ ਆਫ ਲੰਡਨ, ਅਤੇ ਮਿਡਲਸੈਕਸ, ਦੂਜੇ ਉਦੇਸ਼ਾਂ ਲਈ ਅਲੱਗ ਕਾਉਂਟੀਆਂ ਬਣ ਗਈਆਂ ਅਤੇ ਮਿਡਲਸੈਕਸ ਨੇ 1199 ਵਿੱਚ ਖੋਇਆ ਆਪਣਾ ਸ਼ੈਰਿਫ਼ ਨਿਯੁਕਤ ਕਰਨ ਦਾ ਅਧਿਕਾਰ ਮੁੜ ਹਾਸਲ ਕਰ ਲਿਆ।
ਇੰਟਰਵਾਰ ਸਾਲਾਂ ਵਿੱਚ ਜਨਤਕ ਆਵਾਜਾਈ ਦੇ ਸੁਧਾਰ ਅਤੇ ਵਿਸਥਾਰ,[5] ਅਤੇ ਨਵੇਂ ਉਦਯੋਗਾਂ ਦੀ ਸਥਾਪਨਾ ਦੇ ਨਾਲ ਹੋਰ ਉਪਨਗਰ ਲੰਡਨ ਹੋਰ ਅੱਗੇ ਵਧਿਆ। ਦੂਜੀ ਵਿਸ਼ਵ ਜੰਗ ਦੇ ਬਾਅਦ, ਕਾਉਂਟੀ ਆਫ਼ ਲੰਡਨ ਅਤੇ ਅੰਦਰੂਨੀ ਮਿਡਲਸੈਕਸ ਦੀ ਆਬਾਦੀ ਲਗਾਤਾਰ ਡਿਗਦੀ ਜਾ ਰਹੀ ਸੀ, ਜਿਸਦੇ ਨਾਲ ਨਾਲ ਬਾਹਰੀ ਭਾਗਾਂ ਵਿੱਚ ਉੱਚ ਆਬਾਦੀ ਵਾਧਾ ਜਾਰੀ ਰਿਹਾ। ਗ੍ਰੇਟਰ ਲੰਡਨ ਵਿੱਚ ਸਥਾਨਕ ਸਰਕਾਰ ਬਾਰੇ ਇੱਕ ਰਾਇਲ ਕਮਿਸ਼ਨ ਦੇ ਬਾਅਦ, ਲਗਭਗ ਸਾਰੇ ਮੂਲ ਖੇਤਰ 1965 ਵਿੱਚ ਇੱਕ ਵਿਸ਼ਾਲ ਗ੍ਰੇਟਰ ਲੰਡਨ ਵਿੱਚ ਸ਼ਾਮਲ ਕਰ ਦਿੱਤੇ ਗਏ ਸੀ, ਬਾਕੀ ਦੇ ਗੁਆਂਢੀ ਕਾਊਂਟੀਆਂ ਨੂੰ ਦੇ ਦਿੱਤੇ ਗਏ ਸਨ। 1965 ਤੋਂ ਲੈ ਕੇ ਮਿਡਲਸੈਕਸ ਜਿਹੇ ਵੱਖੋ ਵੱਖ ਖੇਤਰਾਂ ਨੂੰ ਕ੍ਰਿਕੇਟ ਅਤੇ ਹੋਰ ਖੇਡਾਂ ਲਈ ਵਰਤਿਆ ਗਿਆ ਹੈ। ਮਿਡਲਸੈਕਸ 25 ਪੋਸਟ ਸ਼ਹਿਰਾਂ ਦੇ ਸਾਬਕਾ ਪੋਸਟ ਕਾਉਂਟੀ ਸੀ।
ਇਸਦੇ ਨਾਂ ਦਾ ਮਤਲਬ ਹੈ ਮੱਧ ਸੈਕਸੋਨਾਂ ਦਾ ਖੇਤਰ ਅਤੇ ਇਸਦੇ ਵਸਨੀਕਾਂ ਦੇ ਕਬਾਇਲੀ ਮੂਲ ਨੂੰ ਦਰਸਾਉਂਦਾ ਹੈ ਇਹ ਸ਼ਬਦ ਐਂਗਲੋ-ਸੈਕਸਨ, ਯਾਨੀ ਪੁਰਾਣੀ ਅੰਗਰੇਜ਼ੀ, 'ਮਿਡਲ' ਅਤੇ 'ਸੇਕਸੇ' ('middel' ਅਤੇ 'Seaxe') [6] (cf. ਐਸੈਕਸ, ਸਸੈਕਸ ਅਤੇ ਵਸੈਕਸ) ਤੋਂ ਬਣਿਆ ਹੈ। ਇੱਕ 8 ਵੀਂ ਸਦੀ ਦੇ ਚਾਰਟਰ ਵਿੱਚ ਇਸ ਖੇਤਰ ਨੂੰ ਮਿਡਲਸੀਕਸੋਨ (Middleseaxon) ਦੇ ਰੂਪ ਵਿੱਚ ਦਰਜ ਕੀਤਾ ਗਿਆ ਹੈ, [7][8][not in citation given] ਅਤੇ 704 ਵਿੱਚ ਮਿਡਲਸੀਕਸਾਨ (Middleseaxan) ਵਜੋਂ ਦਰਜ ਕੀਤਾ ਗਿਆ ਹੈ।[9]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.