From Wikipedia, the free encyclopedia
ਐਪੀਡਾਔਰਸ ਦਾ ਪ੍ਰਾਚੀਨ ਥੀਏਟਰ ਜਾਨੀ ਕਿ 'ਐਨਸੀਏਂਟ ਥੀਏਟਰ ਆਫ਼ ਐਪੀਡਾਔਰਸ' ਯੂਨਾਨ ਦੇ ਸ਼ਹਿਰ ਐਪੀਡਾਔਰਸ ਦਾ ਥੀਏਟਰ ਹੈ, ਜੋ ਕਿ ਪ੍ਰਾਚੀਨ ਯੂਨਾਨ ਦੇ ਚਰਚਿਤ ਦਵਾਈਆਂ ਦੇ ਦੇਵਤੇ ਐਸਕਲੇਪੀਅਸ ਨੂੰ ਸਮਰਪਿਤ ਅਸਥਾਨ ਦੇ ਦੱਖਣ-ਪੂਰਬ ਸਿਰੇ 'ਤੇ ਸਥਿਤ ਹੈ। ਇਹ ਕਾਇਨੋਰਸ਼ਨ ਪਹਾੜੀ ਦੇ ਪੱਛਮੀ ਪਾਸੇ, ਆਧੁਨਿਕ ਲਾਇਗੋਰਿਓ ਨੇੜੇ ਬਣਾਇਆ ਗਿਆ ਹੈ ਅਤੇ ਐਪੀਡਾਔਰਸ ਪਾਲਿਕਾ ਨਾਲ ਸੰਬੰਧਿਤ ਹੈ। ਇਹ ਧੁਨੀ ਅਤੇ ਸੁਹਜ ਦੇ ਸੰਬੰਧ ਵਿੱਚ ਸਭ ਤੋਂ ਸੰਪੂਰਨ ਪ੍ਰਾਚੀਨ ਯੂਨਾਨੀ ਥੀਏਟਰ ਮੰਨਿਆ ਜਾਂਦਾ ਹੈ।[1]
ਪੌਸਾਨੀਅਸ ਅਨੁਸਾਰ, ਪ੍ਰਾਚੀਨ ਥੀਏਟਰ ਦਾ ਨਿਰਮਾਣ ਚੌਥੀ ਸਦੀ ਬੀ.ਸੀ.[2] ਦੇ ਅਖੀਰ ਵਿੱਚ ਆਰਕੀਟੈਕਟ ਪੌਲੀਕਲੀਟੋਸ ਦ ਯੰਗਰ ਦੁਆਰਾ ਕੀਤਾ ਗਿਆ ਸੀ।[3] ਪੌਸਾਨੀਅਸ ਥੀਏਟਰ ਦੀ ਸਮਰੂਪਤਾ ਅਤੇ ਸੁੰਦਰਤਾ ਲਈ ਉਸਦੀ ਪ੍ਰਸ਼ੰਸਾ ਕਰਦਾ ਹੈ।[4] 13,000 ਤੋਂ 14,000 ਦਰਸ਼ਕਾਂ ਦੀ ਵੱਧ ਤੋਂ ਵੱਧ ਸਮਰੱਥਾ ਨਾਲ ਥੀਏਟਰ ਨੇ ਸੰਗੀਤ, ਗਾਇਨ ਅਤੇ ਨਾਟਕੀ ਖੇਡਾਂ ਦੀ ਮੇਜ਼ਬਾਨੀ ਕੀਤੀ, ਜੋ ਐਸਕਲੇਪੀਅਸ ਦੀ ਪੂਜਾ ਵਿੱਚ ਸ਼ਾਮਲ ਸਨ। ਇਹ ਮਰੀਜ਼ਾਂ ਨੂੰ ਰਾਜੀ ਕਰਨ ਦੇ ਇੱਕ ਸਾਧਨ ਵਜੋਂ ਵੀ ਵਰਤਿਆ ਜਾਂਦਾ ਸੀ, ਕਿਉਂਕਿ ਇੱਕ ਵਿਸ਼ਵਾਸ ਸੀ ਕਿ ਨਾਟਕੀ ਸ਼ੋਅ ਦੀ ਨਿਗਰਾਨੀ ਨੇ ਮਾਨਸਿਕ ਅਤੇ ਸਰੀਰਕ ਸਿਹਤ 'ਤੇ ਸਕਾਰਾਤਮਕ ਪ੍ਰਭਾਵ ਪਾਏ ਹਨ।
ਅੱਜ ਸਮਾਰਕ ਯੂਨਾਨੀ ਅਤੇ ਵਿਦੇਸ਼ੀ ਮਹਿਮਾਨਾਂ ਦੀ ਇੱਕ ਵੱਡੀ ਗਿਣਤੀ ਨੂੰ ਆਕਰਸ਼ਿਤ ਕਰਦਾ ਹੈ ਅਤੇ ਪੁਰਾਣੇ ਨਾਟਕਾਂ ਦੇ ਪ੍ਰਦਰਸ਼ਨ ਲਈ ਵਰਤਿਆ ਜਾਂਦਾ ਹੈ।[5] ਥੀਏਟਰ ਵਿੱਚ ਕੀਤਾ ਗਿਆ ਪਹਿਲਾ ਆਧੁਨਿਕ ਪ੍ਰਦਰਸ਼ਨ ਸੋਫੋਕਲੀਜ਼ ਦਾ ਦੁਖਾਂਤਕ ਨਾਟਕ ਇਲੈਕਟ੍ਰਾ ਸੀ। ਇਹ 1938 ਵਿੱਚ ਖੇਡਿਆ ਗਿਆ, ਦਿਮਿਤ੍ਰਿਸ ਰੌਂਟੀਰਸ ਦੁਆਰਾ ਨਿਰਦੇਸ਼ਤ ਕੀਤਾ ਗਿਆ ਅਤੇ ਕੈਟਿਨਾ ਪੈਕਸਿਨੌ ਅਤੇ ਏਲੇਨੀ ਪਾਪਦਕੀ ਇਸਦੇ ਅਦਾਕਾਰ ਸਨ।[6]
ਦੂਜੇ ਵਿਸ਼ਵ ਯੁੱਧ ਕਾਰਨ ਪ੍ਰਦਰਸ਼ਨ ਬੰਦ ਹੋ ਗਏ। ਨਾਟਕ ਦੀ ਪੇਸ਼ਕਾਰੀ ਸੰਗਠਿਤ ਤਿਉਹਾਰ ਵਜੋਂ 1954 ਵਿੱਚ ਦੁਬਾਰਾ ਸ਼ੁਰੂ ਹੋਈ। 1955 ਵਿੱਚ ਉਨ੍ਹਾਂ ਨੂੰ ਪੁਰਾਣੇ ਨਾਟਕ ਦੀ ਪੇਸ਼ਕਾਰੀ ਲਈ ਸਾਲਾਨਾ ਸਮਾਗਮ ਵਜੋਂ ਸਥਾਪਤ ਕੀਤਾ ਗਿਆ ਸੀ। ਐਪੀਡਾਔਰਸ ਫੈਸਟੀਵਲ ਅੱਜ ਵੀ ਜਾਰੀ ਹੈ ਅਤੇ ਗਰਮੀਆਂ ਦੇ ਮਹੀਨਿਆਂ ਦੌਰਾਨ ਲੱਗਦਾ ਹੈ।
ਥੀਏਟਰ ਨੂੰ ਸੰਗੀਤ ਦੇ ਛੋਟੇ ਪ੍ਰੋਗਰਾਮਾਂ ਦੀ ਮੇਜ਼ਬਾਨੀ ਲਈ ਵਰਤਿਆ ਜਾਂਦਾ ਰਿਹਾ ਹੈ। ਐਪੀਡਾਔਰਸ ਫੈਸਟੀਵਲ ਦੇ ਫਰੇਮਵਰਕ ਵਿੱਚ ਮੰਨੇ-ਪ੍ਰਮੰਨੇ ਯੂਨਾਨੀ ਅਤੇ ਵਿਦੇਸ਼ੀ ਅਦਾਕਾਰਾਂ ਨੇ ਕੰਮ ਕੀਤਾ ਹੈ, ਮਾਰੀਆ ਕੈਲਾਜ਼ ਇਨ੍ਹਾਂ ਅਦਾਕਾਰਾਂ ਵਿਚੋਂ ਇੱਕ ਹੈ- ਜਿਸਨੇ 1960 ਵਿੱਚ ਨੋਰਮਾ ਅਤੇ 1961 'ਚ ਮੀਡੀ ਵਿੱਚ ਭੂਮਿਕਾ ਨਿਭਾਈ ਸੀ।
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.