From Wikipedia, the free encyclopedia
ਹਿਮਾਨੀ ਭੱਟ ਸ਼ਿਵਪੁਰੀ (ਜਨਮ 24 ਅਕਤੂਬਰ 1960 [1] ) ਇੱਕ ਭਾਰਤੀ ਅਦਾਕਾਰਾ ਹੈ ਜੋ ਬਾਲੀਵੁੱਡ ਫ਼ਿਲਮਾਂ ਅਤੇ ਹਿੰਦੀ ਸੋਪ ਓਪੇਰਾ ਵਿੱਚ ਆਪਣੀਆਂ ਸਹਾਇਕ ਭੂਮਿਕਾਵਾਂ ਲਈ ਜਾਣੀ ਜਾਂਦੀ ਹੈ। ਉਸ ਦੀਆਂ ਫ਼ਿਲਮਾਂ ਵਿੱਚ ਹਮ ਆਪਕੇ ਹੈ ਕੌਣ ..! (1994), ਰਾਜਾ (1995), ਦਿਲਵਾਲਾ ਦੁਲਹਨੀਆ ਲੇ ਜਾਏਂਗੇ (1995), ਖਮੋਸ਼ੀ (1996), ਹੀਰੋ ਨੰਬਰ 1 (1997), ਦੀਵਾਨਾ ਮਸਤਾਨਾ (1997), ਬੰਧਨ (1998), ਕੁਛ ਕੁਛ ਹੋਤਾ ਹੈ (1998), ਬੀਵੀ ਨੰਬਰ 1 (1999), ਹਮ ਸਾਥ-ਸਾਥ ਹੈਂ (1999), ਕਭੀ ਖੁਸ਼ੀ ਕਭੀ ਗਮ ... (2001) ਅਤੇ ਮੈਂ ਪ੍ਰੇਮ ਕੀ ਦੀਵਾਨੀ ਹੂੰ (2003) ਆਦਿ ਸ਼ਾਮਿਲ ਹਨ।
ਹਿਮਾਨੀ ਸ਼ਿਵਪੁਰੀ | |
---|---|
ਜਨਮ | |
ਸਿੱਖਿਆ | ਦ ਡੂਨ ਸਕੂਲ ਐਨ.ਐਸ.ਡੀ. |
ਪੇਸ਼ਾ | ਅਦਾਕਾਰਾ |
ਸਰਗਰਮੀ ਦੇ ਸਾਲ | 1985–ਹੁਣ |
ਸ਼ਿਵਪੁਰੀ ਦਾ ਜਨਮ ਉਤਰਾਖੰਡ ਦੇ ਦੇਹਰਾਦੂਨ ਵਿਚ ਹੋਇਆ ਸੀ ਅਤੇ ਉਸ ਨੇ ਆਲ-ਬੁਆਏਜ਼ ਬੋਰਡਿੰਗ ਸਕੂਲ, ਦੂਨ ਸਕੂਲ ਵਿਚ ਸਿੱਖਿਆ ਪ੍ਰਾਪਤ ਕੀਤੀ ਸੀ, ਜਿਥੇ ਉਸ ਦੇ ਪਿਤਾ, ਕਵੀ ਡਾ. ਹਰਿਦੱਤ ਭੱਟ "ਸ਼ੈਲੇਸ਼" ਹਿੰਦੀ ਪੜ੍ਹਾਉਂਦੇ ਸਨ। [2] [3] ਡੂਨ ਵਿਖੇ ਉਹ ਨਾਟਕੀ ਸਰਗਰਮੀਆਂ ਵਿਚ ਸ਼ਾਮਿਲ ਸੀ। ਓਰਗੈਨਿਕ ਕੈਮਿਸਟਰੀ ਵਿਚ ਪੋਸਟ ਗ੍ਰੈਜੂਏਟ ਕਰਦਿਆਂ ਉਸਨੇ ਥੀਏਟਰ ਵਿਚ ਬਰਾਬਰ ਕਰੀਅਰ ਦੀ ਸ਼ੁਰੂਆਤ ਕੀਤੀ। ਉਸਨੇ ਇੱਕ ਸਹਾਇਕ ਅਦਾਕਾਰਾ ਵਜੋਂ 'ਫਿਰ ਵਹੀ ਤਲਾਸ਼' ਵਿੱਚ ਕੰਮ ਕੀਤਾ।
ਉਸਨੇ ਕਸ਼ਮੀਰੀ ਪੰਡਿਤ ਅਦਾਕਾਰ ਗਿਆਨ ਸ਼ਿਵਪੁਰੀ ਨਾਲ ਵਿਆਹ ਕੀਤਾ, ਜਿਸਦੀ 1995 ਵਿੱਚ ਮੌਤ ਹੋ ਗਈ ਸੀ। [4] ਉਸ ਦਾ ਇਕ ਬੇਟਾ ਕਤਿਆਯਾਨੀ ਹੈ।
1982 ਵਿਚ ਨੈਸ਼ਨਲ ਸਕੂਲ ਆਫ਼ ਡਰਾਮਾ ਤੋਂ ਗ੍ਰੈਜੂਏਟ ਹੋਣ ਤੋਂ ਬਾਅਦ[5] ਸ਼ਿਵਪੁਰੀ ਨੇ ਐਨ.ਐਸ.ਡੀ. ਰੀਪੇਟਰੀ ਕੰਪਨੀ ਨਾਲ ਥੋੜ੍ਹੇ ਸਮੇਂ ਲਈ ਕੰਮ ਕੀਤਾ ਅਤੇ ਫਿਰ ਮੁੰਬਈ ਚਲੀ ਗਈ।
ਸ਼ਿਵਪੁਰੀ ਨੇ ਆਪਣੇ ਫ਼ਿਲਮੀ ਕਰੀਅਰ ਦੀ ਸ਼ੁਰੂਆਤ 1984 ਵਿਚ 'ਅਬ ਆਏਗਾ ਮਜਾ' ਨਾਲ ਕੀਤੀ ਸੀ, ਜਿਸ ਤੋਂ ਬਾਅਦ ਉਸਨੇ ਇਨ ਵਿਚ ਐਨੀ ਗਿਵਸ ਇਟ ਦੋਜ ਵਨਜ਼ ਇਕ ਟੀ.ਵੀ. ਫ਼ਿਲਮ (1989) ਵਿਚ ਕੰਮ ਕੀਤਾ, ਜਿਸ ਵਿਚ ਸ਼ਾਹਰੁਖ ਖਾਨ ਵੀ ਸ਼ਾਮਿਲ ਸੀ। ਇਸ ਤੋਂ ਬਾਅਦ ਉਸਨੇ ਸ਼ਿਆਮ ਬੈਨੇਗਲ ਦੇ ਸੂਰਜ ਕਾ ਸਾਤਵਾਂ ਘੋੜਾ (1993) ਅਤੇ ਮੰਮੋ (1994) ਵਰਗੀਆਂ ਬਹੁਤ ਸਾਰੀਆਂ ਆਰਟ ਫ਼ਿਲਮਾਂ ਵਿੱਚ ਕੰਮ ਕੀਤਾ।
ਉਸਨੇ ਟੈਲੀਵਿਜ਼ਨ ਕਰੀਅਰ ਦੀ ਸ਼ੁਰੂਆਤ ਕੁੰਵਰ ਸਿਨਹਾ ਦੁਆਰਾ ਨਿਰਦੇਸ਼ਤ ਸੀਰੀਅਲ ਹਮਰਾਹੀ ( ਡੀਡੀ ਨੈਸ਼ਨਲ ) ਨਾਲ ਕੀਤੀ, ਜਿਸਨੇ ਉਸਨੂੰ ਕਾਫ਼ੀ ਪ੍ਰਸਿੱਧੀ ਦਿੱਤੀ ਕਿਉਂਕਿ ਦੇਵਕੀ ਭੋਜਈ ਦੀ ਉਸਦੀ ਭੂਮਿਕਾ ਦੀ ਪ੍ਰਸ਼ੰਸਾ ਕੀਤੀ ਗਈ ਸੀ। ਇਸ ਤੋਂ ਪਹਿਲਾਂ ਉਸਨੇ ਲੇਖ ਟੰਡਨ ਦੇ ਟੀਵੀ ਸ਼ੋਅ ਫਿਰ ਵਹੀ ਤਲਾਸ਼ ਅਤੇ ਸ਼ਿਆਮ ਬੇਨੇਗਲ ਦੀ ਯਾਤਰਾ 'ਚ ਨਿੱਕੀ ਪੇਸ਼ਕਾਰੀ ਦਿੱਤੀ ਸੀ। ਹਮਰਾਹੀ ਤੋਂ ਬਾਅਦ ਉਹ ਭਾਰਤੀ ਟੈਲੀਵਿਜ਼ਨ 'ਤੇ ਇਕ ਨਿਯਮਿਤ ਫ਼ੀਚਰ ਬਣ ਗਈ, 1995 ਵਿਚ ਜ਼ੀ ਟੀ.ਵੀ. 'ਤੇ ਹਸਰਤੇ ਵਰਗੇ ਸੀਰੀਅਲਾਂ ਵਿਚ ਭੂਮਿਕਾ ਨਿਭਾਈ।[6]
ਹਾਲਾਂਕਿ ਉਹ ਮੁੱਖ ਤੌਰ ਤੇ ਕਿਰਦਾਰ ਅਦਾਕਾਰ ਵਜੋਂ ਕੰਮ ਕਰਦੀ ਹੈ, ਉਸਨੇ ਕੋਇਲਾ (1997), ਪਰਦੇਸ (1997), ਦਿਲਵਾਲਾ ਦੁਲਹਨੀਆ ਲੇ ਜਾਏਂਗੇ (1995), ਅੰਜਾਮ (1994), ਕੁਛ ਕੁ ਹੋਤਾ ਹੈ (1998) ਅਤੇ ਕਭੀ ਖੁਸ਼ੀ ਕਭੀ ਗਮ ...(2001) ਵਰਗੀਆਂ ਫ਼ਿਲਮਾਂ ਵਿੱਚ ਕੁਝ ਯਾਦਗਾਰੀ ਭੂਮਿਕਾਵਾਂ ਨਿਭਾਈਆਂ ਹਨ।
ਸਾਲਾਂ ਤੋਂ ਉਸਨੇ ਕਈ ਫ਼ਿਲਮਾਂ ਦੇ ਨਿਰਮਾਣ ਘਰਾਂ ਲਈ ਕੰਮ ਕੀਤਾ ਜਿਸ ਵਿੱਚ ਯਸ਼ ਰਾਜ ਫਿਲਮਜ਼ (ਨਿਰਦੇਸ਼ਕ ਯਸ਼ ਚੋਪੜਾ ਦੀ ਮਲਕੀਅਤ), ਰਾਜਸ਼੍ਰੀ ਪ੍ਰੋਡਕਸ਼ਨ ਅਤੇ ਧਰਮ ਪ੍ਰੋਡਕਸ਼ਨ (ਯਸ਼ ਜੌਹਰ ਦੀ ਮਲਕੀਅਤ) ਸ਼ਾਮਿਲ ਹਨ।
ਉਹ ਜੇ.ਪੀ. ਦੱਤਾ ਦੀ ਫ਼ਿਲਮ ਉਮਰਾਓ ਜਾਨ ਵਿੱਚ ਵੀ ਨਜ਼ਰ ਆਈ ਸੀ।
ਹਿਮਾਨੀ ਸ਼ਿਵਪੁਰੀ ਨੇ 2009 ਤੱਕ ਜ਼ੀ ਦੇ ਹਮਾਰੀ ਬੇਟੀਓਂ ਕਾ ਵਿਵਾਹ ਵਿੱਚ ਕੁਲ ਦੀ ਭੂਮਿਕਾ ਨਿਭਾਈ।
ਉਹ ਇੱਕ ਛੋਟੀ ਜਿਹੀ ਦਸਤਾਵੇਜ਼ੀ ਫ਼ਿਲਮ ਦ ਫੇਸਬੁੱਕ ਜਨਰੇਸ਼ਨ ਵਿੱਚ ਸੰਖੇਪ ਵਿੱਚ ਨਜ਼ਰ ਆਈ, ਜੋ ਬਲਿਉ ਸਟ੍ਰਾਈਕ ਪ੍ਰੋਡਕਸ਼ਨਜ਼ ਅਤੇ ਦੇਵ ਸਮਾਜ ਮਾਡਰਨ ਸਕੂਲ ਦੁਆਰਾ ਤਿਆਰ ਕੀਤੀ ਗਈ। ਸਾਹਿਲ ਭਾਰਦਵਾਜ ਦੁਆਰਾ ਨਿਰਦੇਸ਼ਤ ਕੀਤੀ ਗਈ ਸੀ। ਫ਼ਿਲਮ ਨੇ ਗਲੋਬਲ ਐਜੂਕੇਸ਼ਨ ਐਂਡ ਲੀਡਰਸ਼ਿਪ ਫਾਉਂਡੇਸ਼ਨ ਦੁਆਰਾ ਆਯੋਜਿਤ ਹਾਰਮਨੀ 2012 ਵਿਚ ਰੀਲ ਟੂ ਰੀਅਲ ਫ਼ਿਲਮ ਮੇਕਿੰਗ ਮੁਕਾਬਲੇ ਵਿਚ ਹਿੱਸਾ ਲਿਆ ਅਤੇ ਚੋਟੀ ਦੇ 10 ਫਾਈਨਲਿਸਟਾਂ ਵਿਚ ਸ਼ਾਮਿਲ ਹੋਈ ਸੀ।
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.