ਸਹਿਵਾਸ ਇੱਕ ਪ੍ਰਬੰਧ ਹੈ ਜਿੱਥੇ ਦੋ ਜਾਂ ਵੱਧ ਲੋਕ ਵਿਆਹ ਨਹੀਂ ਕਰਾਉਂਦੇ ਪਰ ਇਕੱਠੇ ਰਹਿੰਦੇ ਹਨ। ਉਹ ਅਕਸਰ ਲੰਮੇ ਸਮੇਂ ਲਈ ਜਾਂ ਸਥਾਈ ਤੌਰ ਤੇ ਰੋਮਾਂਟਿਕ ਜਾਂ ਜਿਨਸੀ ਗੂੜ੍ਹੇ ਰਿਸ਼ਤੇ ਵਿੱਚ ਬਝੇ ਹੁੰਦੇ ਹਨ।
ਪਿਛਲੇ ਕੁਝ ਦਹਾਕਿਆਂ ਦੌਰਾਨ ਪੱਛਮੀ ਦੇਸ਼ਾਂ ਵਿੱਚ ਅਜਿਹੇ ਪ੍ਰਬੰਧ ਵਧੇਰੇ ਹੀ ਵਧੇਰੇ ਆਮ ਹੋ ਰਹੇ ਹਨ, ਖਾਸ ਤੌਰ ਤੇ ਵਿਆਹ, ਲਿੰਗ ਭੂਮਿਕਾਵਾਂ ਅਤੇ ਧਰਮ ਦੇ ਸੰਬੰਧ ਵਿੱਚ ਸਮਾਜਿਕ ਵਿਚਾਰਾਂ ਦਾ ਬਦਲ ਰਿਹਾ ਰੁਝਾਨ ਇਸ ਪਾਸੇ ਤੌਰ ਰਿਹਾ ਹੈ।
ਵਧੇਰੇ ਵਿਆਪਕ ਰੂਪ ਵਿੱਚ, ਸਹਿਵਾਸ ਸ਼ਬਦ ਦਾ ਅਰਥ ਹੈ ਕਿ ਇਕੱਠੇ ਰਹਿਣ ਵਾਲੇਕੁਝ ਲੋਕ। "ਸਹਿਵਾਸ" ਕਰਨਾ ਦਾ ਅਰਥ, ਵਿਆਪਕ ਅਰਥਾਂ ਵਿਚ, "ਸਹਿ-ਹੋਂਦ" ਵਿੱਚ ਵਿਚਰਨਾ ਹੈ।[1] ਅੰਗਰੇਜ਼ੀ ਪਦ cohabitation ਦਾ ਮੁੱਢ cohabit ਤੋਂ 16 ਵੀਂ ਸਦੀ ਦੇ ਮੱਧ ਤੋਂ ਹੈ। ਇਹ ਲਾਤੀਨੀ cohabitare ਤੋਂ, ਕੋ - ਇਕਠੇ + Habitare 'ਵੱਸਣਾ'।
ਅੱਜ, ਪੱਛਮੀ ਸੰਸਾਰ ਦੇ ਲੋਕਾਂ ਵਿੱਚ ਸਹਿਵਾਸ ਇੱਕ ਆਮ ਪੈਟਰਨ ਹੈ।
ਯੂਰਪ ਵਿਚ, ਸਕੈਨਡੇਨੇਵੀਆਈ ਦੇਸ਼ ਇਸ ਪ੍ਰਮੁੱਖ ਰੁਝਾਨ ਦੀ ਸ਼ੁਰੂਆਤ ਕਰਨ ਵਾਲੇ ਸਭ ਤੋਂ ਮੋਹਰੀ ਰਹੇ ਹਨ, ਹਾਲਾਂਕਿ ਬਹੁਤ ਸਾਰੇ ਦੇਸ਼ ਉਸ ਤੋਂ ਬਾਅਦ ਇਸ ਰਾਹ ਤੁਰੇ ਹਨ।[3] ਮੈਡੀਟੇਰੀਅਨ ਯੂਰਪ ਰਵਾਇਤੀ ਤੌਰ 'ਤੇ ਬਹੁਤ ਰੂੜ੍ਹੀਵਾਦੀ ਰਿਹਾ ਹੈ, ਧਰਮ ਦੀ ਮਜ਼ਬੂਤ ਭੂਮਿਕਾ ਰਹੀ ਹੈ। 1990 ਦੇ ਦਹਾਕੇ ਦੇ ਮੱਧ ਤਕ, ਇਸ ਖੇਤਰ ਵਿੱਚ ਸਹਿਵਾਸੀ ਪੱਧਰ ਬਹੁਤ ਘੱਟ ਸਨ, ਪਰੰਤੂ ਇਸ ਤੋਂ ਬਾਅਦ ਇਸ ਵਿੱਚ ਵਾਧਾ ਹੋਇਆ ਹੈ।[4]
ਪਿਛਲੇ ਦਹਾਕਿਆਂ ਦੌਰਾਨ, ਪੱਛਮੀ ਦੇਸ਼ਾਂ ਵਿਚ, ਅਣਵਿਆਹੇ ਜੋੜਿਆਂ ਦੇ ਸਹਿਵਾਸ ਵਿੱਚ ਰਹਿਣ ਵਿੱਚ ਤਕੜਾ ਵਾਧਾ ਹੋਇਆ ਹੈ। ਇਤਿਹਾਸਕ ਤੌਰ 'ਤੇ, ਬਹੁਤ ਸਾਰੇ ਪੱਛਮੀ ਦੇਸ਼ ਸੈਕਸ ਬਾਰੇ ਈਸਾਈ ਸਿਧਾਂਤਾਂ ਤੋਂ ਪ੍ਰਭਾਵਿਤ ਹਨ, ਜੋ ਕਿ ਅਣਵਿਆਹੇ ਜੋੜਿਆਂ ਦੇ ਸਹਿਵਾਸ ਦਾ ਵਿਰੋਧ ਕਰਦੇ ਹਨ। ਜਿਵੇਂ ਜਿਵੇਂ ਸਮਾਜਕ ਨਿਯਮਾਂ ਵਿੱਚ ਤਬਦੀਲੀ ਆਈ ਹੈ, ਆਬਾਦੀ ਦੁਆਰਾ ਅਜਿਹੇ ਵਿਸ਼ਵਾਸ ਘੱਟ ਵਿਆਪਕ ਰੂਪ ਵਿੱਚ ਧਾਰਨ ਕਰ ਗਏ ਹਨ ਅਤੇ ਕੁਝ ਈਸਾਈ ਸੰਪ੍ਰਦਾਇ ਅੱਜਕੱਲ੍ਹ ਸਹਿਵਾਸ ਨੂੰ ਵਿਆਹ ਦਾ ਮੁਢ ਮੰਨਦੇ ਹਨ।[5] ਪੋਪ ਫ਼ਰਾਂਸਿਸ ਨੇ ਇੱਕ ਸਹਿਵਾਸੀ ਜੋੜਾ ਵਿਆਹ ਕੀਤਾ ਹੈ ਜਿਨ੍ਹਾਂ ਦੇ ਬੱਚੇ ਸਨ,[6] ਜਦੋਂ ਕਿ ਕੈਂਟਰਬਰੀ ਦੇ ਸਾਬਕਾ ਆਰਚਬਿਸ਼ਪ ਰੋਵਾਨ ਵਿਲੀਅਮਜ਼[7] ਅਤੇ ਯੌਰਕ ਦੇ ਆਰਚਬਿਸ਼ਪ ਜੌਨ ਸੇਂਟਾਮੂ ਨੇ ਸਹਿਵਾਸ ਪ੍ਰਤੀ ਸਹਿਣਸ਼ੀਲਤਾ ਦਾ ਪ੍ਰਗਟਾਵਾ ਕੀਤਾ ਹੈ।[8]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
