ਮੁਹੰਮਦ ਫੈਜ਼ਲ ਹੁਸੈਨ ਖ਼ਾਨ (ਜਨਮ 3 ਅਗਸਤ 1966) ਇੱਕ ਭਾਰਤੀ ਅਭਿਨੇਤਾ ਹੈ, ਜੋ ਹਿੰਦੀ ਫ਼ਿਲਮਾਂ ਵਿੱਚ ਦਿਖਾਈ ਦਿੰਦਾ ਹੈ। ਉਹ ਮੇਲਾ (2000) ਫ਼ਿਲਮ ਵਿੱਚ ਆਪਣੀ ਭੂਮਿਕਾ ਸ਼ੰਕਰ ਸ਼ਾਨੇ ਲਈ ਮਸ਼ਹੂਰ ਹੈ।
ਫੈਜ਼ਲ ਖਾਨ | |
|---|---|
| ਜਨਮ | 3 ਅਗਸਤ, 1966 |
| ਕਿੱਤਾ | ਅਦਾਕਾਰ, ਗਾਇਕ |
| ਸਾਲ ਕਿਰਿਆਸ਼ੀਲ | 1988-2005, 2015-ਹੁਣ ਤੱਕ |
| ਰਿਸ਼ਤੇਦਾਰ | ਖਾਨ-ਹੁਸੈਨ ਪਰਿਵਾਰ ਦੇਖੋ ਆਮਿਰ ਖ਼ਾਨ (ਭਰਾ) ਨਿਖ਼ਤ ਖ਼ਾਨ (ਭੈਣ) ਨਾਸਿਰ ਹੁਸੈਨ (ਚਾਚਾ) ਇਮਰਾਨ ਖ਼ਾਨ (ਭਤੀਜਾ) |
ਖਾਨ ਨਿਰਮਾਤਾ ਤਾਹਿਰ ਹੁਸੈਨ ਦਾ ਪੁੱਤਰ ਹੈ। ਉਸਦਾ ਭਰਾ ਆਮਿਰ ਖਾਨ ਹੈ, ਜੋ ਇੱਕ ਅਭਿਨੇਤਾ ਅਤੇ ਨਿਰਮਾਤਾ ਹੈ ਅਤੇ ਉਸਦੀਆਂ ਦੋ ਭੈਣਾਂ ਨਿਖਤ ਖਾਨ, (ਇੱਕ ਨਿਰਮਾਤਾ ਹੈ) ਅਤੇ ਫ਼ਰਹਤ ਖਾਨ ਹਨ। ਉਸਦੇ ਚਾਚਾ ਨਾਸਿਰ ਹੁਸੈਨ ਇੱਕ ਨਿਰਮਾਤਾ ਅਤੇ ਨਿਰਦੇਸ਼ਕ ਸਨ। ਉਸਦਾ ਭਤੀਜਾ ਇਮਰਾਨ ਖਾਨ ਇੱਕ ਅਭਿਨੇਤਾ ਹੈ ਅਤੇ ਉਸਦਾ ਚਚੇਰਾ ਭਰਾ ਤਾਰਿਕ ਖਾਨ 1970 ਅਤੇ 1980 ਦੇ ਦਹਾਕੇ ਵਿੱਚ ਇੱਕ ਅਭਿਨੇਤਾ ਸੀ। ਉਹ ਮੌਲਾਨਾ ਅਬੁਲ ਕਲਾਮ ਆਜ਼ਾਦ ਨਾਲ ਸਬੰਧਤ ਹੈ।[1]
ਖਾਨ ਨੇ ਆਪਣੇ ਚਾਚਾ ਨਾਸਿਰ ਹੁਸੈਨ ਦੀ 1969 ਦੀ ਫਿਲਮ 'ਪਿਆਰ ਕਾ ਮੌਸਮ' ਵਿੱਚ ਤਿੰਨ ਸਾਲ ਦੀ ਉਮਰ ਵਿੱਚ ਇੱਕ ਬੱਚੇ ਦੇ ਰੂਪ ਵਿੱਚ ਸ਼ਸ਼ੀ ਕਪੂਰ ਦੇ ਕਿਰਦਾਰ 'ਚ ਇੱਕ ਸੰਖੇਪ ਭੂਮਿਕਾ ਨਿਭਾਈ। ਉਸਨੇ 1988 ਵਿੱਚ ਇੱਕ ਬਾਲਗ ਦੇ ਰੂਪ ਵਿੱਚ ਆਪਣੀ ਫ਼ਿਲਮ ਦੀ ਸ਼ੁਰੂਆਤ ਕੀਤੀ, ਆਪਣੇ ਭਰਾ ਆਮਿਰ ਦੀ ਫ਼ਿਲਮ 'ਕਯਾਮਤ ਸੇ ਕਯਾਮਤ ਤੱਕ' ਵਿੱਚ ਇੱਕ ਖਲਨਾਇਕ ਵਜੋਂ ਇੱਕ ਮਾਮੂਲੀ ਭੂਮਿਕਾ ਨਿਭਾਈ। ਉਸਨੇ ਆਪਣੇ ਪਿਤਾ ਦੀ 1990 ਦੀ ਫ਼ਿਲਮ ਤੁਮ ਮੇਰੇ ਹੋ ਵਿੱਚ ਇੱਕ ਸਹਾਇਕ ਨਿਰਦੇਸ਼ਕ ਵਜੋਂ ਕੰਮ ਕੀਤਾ, ਜਿਸ ਵਿੱਚ ਉਸਦੇ ਭਰਾ ਆਮਿਰ ਨੇ ਮੁੱਖ ਭੂਮਿਕਾ ਨਿਭਾਈ ਸੀ।
ਖਾਨ ਨੂੰ ਪਹਿਲੀ ਮੁੱਖ ਭੂਮਿਕਾ 1994 ਵਿੱਚ ਆਈ ਫਿਲਮ ਮਧੋਸ਼ ਵਿੱਚ ਮਿਲੀ, ਜੋ ਉਸਦੇ ਪਿਤਾ ਦੁਆਰਾ ਨਿਰਮਿਤ ਅਤੇ ਵਿਕਰਮ ਭੱਟ ਦੁਆਰਾ ਨਿਰਦੇਸ਼ਿਤ ਕੀਤੀ ਗਈ ਸੀ। ਪੰਜ ਸਾਲਾਂ ਦੇ ਅੰਤਰਾਲ ਤੋਂ ਬਾਅਦ, ਉਸਨੇ ਮੇਲਾ (2000) ਵਿੱਚ ਆਪਣੇ ਭਰਾ ਦੇ ਨਾਲ ਵਾਪਸੀ ਕੀਤੀ। ਉਹ ਕਈ ਹੋਰ ਫ਼ਿਲਮਾਂ ਵਿੱਚ ਦਿਖਾਈ ਦਿੱਤਾ, ਜਿਨ੍ਹਾਂ ਨੇ ਬਾਕਸ ਆਫਿਸ 'ਤੇ ਮਾੜਾ ਪ੍ਰਦਰਸ਼ਨ ਕੀਤਾ।[2] ਉਹ 2003 ਵਿੱਚ ਟੀਵੀ ਸੀਰੀਅਲ ਆਂਧੀ ਵਿੱਚ ਵੀ ਨਜ਼ਰ ਆਇਆ।[2] ਉਸ ਦੀ ਆਖਰੀ ਫ਼ਿਲਮ 2005 ਵਿੱਚ 'ਚਾਂਦ ਬੁਝ ਗਿਆ' ਸੀ। ਇੱਕ ਦਹਾਕੇ ਦੇ ਲੰਬੇ ਵਕਫੇ ਤੋਂ ਬਾਅਦ, ਇਹ ਘੋਸ਼ਣਾ ਕੀਤੀ ਗਈ ਸੀ ਕਿ ਉਹ ਰਾਜੇਸ਼ ਜੈਨ ਦੁਆਰਾ ਨਿਰਮਿਤ ਫ਼ਿਲਮ ਚਿਨਾਰ ਦਾਸਤਾਨ-ਏ-ਇਸ਼ਕ ਵਿੱਚ ਆਪਣੀ ਵਾਪਸੀ ਕਰੇਗਾ।[3]
ਡੈਂਜਰ ਫ਼ਿਲਮ ਫੈਜ਼ਲ ਸੈਫ ਦੁਆਰਾ ਨਿਰਦੇਸ਼ਿਤ ਇੱਕ ਡਰਾਉਣੀ ਫ਼ਿਲਮ ਹੈ। ਉਹ ਤਮਿਲ ਫ਼ਿਲਮ ਕੋਂਟਰੈਕਟ ਵਿੱਚ ਸਹਾਇਕ ਭੂਮਿਕਾ ਨਾਲ ਆਪਣੀ ਦੱਖਣੀ ਭਾਰਤੀ ਫ਼ਿਲਮ ਦੀ ਸ਼ੁਰੂਆਤ ਕਰਨ ਲਈ ਵੀ ਤਿਆਰ ਹੈ। ਉਹ ਆਪਣੀ ਆਉਣ ਵਾਲੀ ਫ਼ਿਲਮ 'ਫੈਕਟਰੀ' 'ਚ ਰੋਮਾਂਟਿਕ ਗੀਤ ਨਾਲ ਗਾਇਕੀ ਦੀ ਸ਼ੁਰੂਆਤ ਕਰਨ ਜਾ ਰਿਹਾ ਹੈ।
2007 ਵਿੱਚ ਖਾਨ ਦੋ ਦਿਨਾਂ ਲਈ ਲਾਪਤਾ ਦੱਸਿਆ ਗਿਆ ਸੀ। ਉਸਨੇ ਕਈ ਦਿਨ ਪਹਿਲਾਂ ਪੁਲਿਸ ਨੂੰ ਰਿਪੋਰਟ ਦਰਜ ਕਰਵਾਈ ਸੀ ਕਿ ਉਸਦੇ ਭਰਾ ਆਮਿਰ ਨੇ ਉਸਨੂੰ ਆਪਣੇ ਘਰ ਵਿੱਚ ਬੰਦ ਕਰਕੇ ਰੱਖਿਆ ਸੀ ਕਿਉਂਕਿ ਆਮਿਰ ਨੂੰ ਲੱਗਦਾ ਸੀ ਕਿ ਉਸਦਾ ਭਰਾ ਫੈਜ਼ਲ ਮਾਨਸਿਕ ਤੌਰ 'ਤੇ ਬਿਮਾਰ ਹੈ।[4] ਆਖਰਕਾਰ ਉਸਨੂੰ ਪੁਣੇ ਵਿੱਚ ਲੱਭਿਆ ਗਿਆ ਅਤੇ ਉਸਨੂੰ ਵਾਪਸ ਮੁੰਬਈ ਲਿਆਂਦਾ ਗਿਆ, ਜਿੱਥੇ ਉਸਦੀ ਡਾਕਟਰੀ ਜਾਂਚ ਕੀਤੀ ਗਈ।[5] ਆਖਿਰ ਉਸ ਦੇ ਇੱਕ ਮਾਨਸਿਕ ਵਿਗਾੜ ਦਾ ਪਤਾ ਲੱਗਿਆ, ਉਸਦੇ ਭਰਾ ਆਮਿਰ ਅਤੇ ਉਸਦੇ ਪਿਤਾ ਫੈਜ਼ਲ ਨੂੰ ਲੈ ਕੇ ਹਿਰਾਸਤ ਵਿੱਚ ਲੈਣ ਲੜਦੇ ਰਹੇ, ਜਿਸਨੇ ਬਹੁਤ ਪ੍ਰੈਸ ਕਵਰੇਜ ਪ੍ਰਾਪਤ ਕੀਤੀ ਸੀ। ਫੈਜ਼ਲ ਦੀ ਕਸਟਡੀ ਉਸ ਦੇ ਪਿਤਾ ਤਾਹਿਰ ਨੂੰ ਦਿੱਤੀ ਗਈ ਸੀ।[6]
| ਸਾਲ | ਸਿਰਲੇਖ | ਭੂਮਿਕਾ | ਨੋਟਸ |
|---|---|---|---|
| 1969 | ਪਿਆਰ ਕਾ ਮੌਸਮ | ਨੌਜਵਾਨ ਸੁੰਦਰ | |
| 1988 | ਕਯਾਮਤ ਸੇ ਕਯਾਮਤ ਤਕ | ਬਾਬੇ ਦੇ ਗਿਰੋਹ ਦਾ ਮੈਂਬਰ | |
| 1992 | ਜੋ ਜੀਤਾ ਵਹੀ ਸਿਕੰਦਰ | ਕਾਲਜ ਦੇ ਵਿਦਿਆਰਥੀ | ਅਪ੍ਰਮਾਣਿਤ |
| 1994 | ਮਧੋਸ਼ | ਸੂਰਜ | |
| 2000 | ਮੇਲਾ | ਸ਼ੰਕਰ ਸ਼ੇਨ | |
| 2002 | ਕਾਬੂ | ਰਾਜਾ | |
| 2002 | ਦੁਸ਼ਮਨੀ | ||
| 2003 | ਬਾਰਡਰ ਹਿੰਦੁਸਤਾਨ ਕਾ | ਰਾਜ | |
| 2003 | ਬਸਤੀ | ਸਤੀਸ਼ ਕੁਲਕਰਨੀ | |
| 2003 | ਆਂਧੀ | ਸਿਧਾਰਥ | ਟੀਵੀ ਲੜੀ |
| 2005 | ਚਾਂਦ ਬੁਝ ਗਿਆ | ਰਾਹੁਲ ਮਹਿਤਾ | |
| 2015 | ਚਿਨਾਰ ਦਾਸਤਾਨ-ਏ-ਇਸ਼ਕ | ਜਮਾਲ | |
| 2017 | ਡੈਂਜਰ | ਜਾਰੀ ਨਹੀਂ ਕੀਤਾ ਗਿਆ | |
| 2018 | ਕੰਟਰੈਕਟ | ||
| 2021 | ਫੈਕਟਰੀ | ਨਿਰਦੇਸ਼ਕ ਵੀ |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
