From Wikipedia, the free encyclopedia
ਅਨੁਸ਼ਕਾ ਸ਼ੰਕਰ (Bengali : অনুষ্কা শঙ্কর) (ਜਨਮ 9 ਜੂਨ, 1981)[1] ਇੱਕ ਭਾਰਤੀ ਸਿਤਾਰਵਾਦਕ ਅਤੇ ਸੰਗੀਤਕਾਰ ਹੈ। ਇਹ ਪੰਡਿਤ ਰਵੀ ਸ਼ੰਕਰ ਦੀ ਪੁੱਤਰੀ ਹੈ ਅਤੇ ਨੌਰਾ ਜੋਨਜ਼ ਦੀ ਅੱਧੀ ਭੈਣ ਹੈ।
ਅਨੁਸ਼ਕਾ ਸ਼ੰਕਰ | |
---|---|
ਜਾਣਕਾਰੀ | |
ਜਨਮ | ਲੰਡਨ, ਯੂ.ਕੇ. | 9 ਜੂਨ 1981
ਮੂਲ | ਭਾਰਤ |
ਵੰਨਗੀ(ਆਂ) | ਭਾਰਤੀ ਸ਼ਾਸਤਰੀ ਸੰਗੀਤ |
ਕਿੱਤਾ | ਸਿਤਾਰਵਾਦਕ, ਸੰਗੀਤਕਾਰ |
ਸਾਜ਼ | ਆਵਾਜ਼, ਸਿਤਾਰ, ਪਿਆਨੋ, ਤਾਨਪੁਰਾ |
ਸਾਲ ਸਰਗਰਮ | 1995–ਹੁਣ ਤੱਕ |
ਲੇਬਲ | Angel Records (1998–2007), Deutsche Grammophon (2010–present) |
ਵੈਂਬਸਾਈਟ | AnoushkaShankar.com |
ਅਨੁਸ਼ਕਾ ਸ਼ੰਕਰ ਦ ਜਨਮ ਲੰਦਨ ਵਿੱਚ ਇੱਕ ਬੰਗਾਲੀ ਹਿੰਦੂ ਪਰਿਵਾਰ ਵਿੱਚ ਹੋਇਆ ਸੀ। ਉਸ ਦੇ ਬਚਪਨ ਦੇ ਦਿਨ ਲੰਦਨ ਅਤੇ ਦਿੱਲੀ ਵਿੱਚ ਬੀਤੇ ਸਨ। ਰਵੀ ਸ਼ੰਕਰ ਦਾ ਸਕੰਨਿਆਂ ਨਾਲ ਦੂਜਾ ਵਿਆਹ ਹੋਇਆ ਜਿਸ ਤੋਂ ਬਾਅਦ ਅਨੁਸ਼ਕਾ ਨੇ ਇਸ ਜੋੜੇ ਦੇ ਘਰ ਜਨਮ ਲਿਆ। ਜਿਸ ਸਮੇਂ ਅਨੁਸ਼ਕਾ ਦਾ ਜਨਮ ਹੋਇਆ, ਉਸ ਸਮੇਂ ਰਵੀ ਸ਼ੰਕਰ ਦੀ ਉਮਰ 61 ਸਾਲ ਸੀ। ਆਪਣੇ ਪਿਤਾ ਵਲੋਂ, ਉਹ ਅਮਰੀਕੀ ਗਾਇਕਾ ਨੌਰਾ ਜੋਨਜ਼ (ਜਮਾਂਦਰੂ ਨਾਂ ਗੀਤਾਲੀ ਨੌਰਾ ਜੋਨਜ਼) ਅਤੇ ਸ਼ੁਭੇਂਦਰ "ਸ਼ੁਭੋ" ਸ਼ੰਕਰ, ਜਿਸ ਦੀ ਮੌਤ 1992 'ਚ ਹੋਈ, ਦੀ ਅੱਧੀ ਭੈਣ ਸੀ।[1]
ਬਤੌਰ ਕਿਸ਼ੋਰੀ, ਉਹ ਐਨਸਿਨੀਤਾਸ, ਕੈਲੀਫੋਰਨੀਆ 'ਚ ਰਹਿੰਦੀ ਹੈ ਅਤੇ ਉਸ ਨੇ ਸਾਨ ਦਿਏਗੁਇਟੋ ਹਾਈ ਸਕੂਲ ਅਕੈਡਮੀ 'ਚ ਦਾਖ਼ਿਲਾ ਲਿਆ। ਅਨੁਸ਼ਕਾ ਨੇ 1999 'ਚ ਗ੍ਰੈਜੁਏਸ਼ਨ ਦੀ ਡਿਗਰੀ ਪ੍ਰਾਪਤ ਕੀਤੀ ਅਤੇ ਇਸ ਤੋਂ ਬਾਅਦ ਕਾਲਜ ਜਾਣ ਦੀ ਬਜਾਏ ਸੰਗੀਤ ਦੀ ਦੁਨੀਆ 'ਚ ਆਪਣਾ ਪੈਰ ਜਮਾਉਣ ਦਾ ਫੈਸਲਾ ਕੀਤਾ।[1][2]
ਸ਼ੰਕਰ ਜਾਨਵਰਾਂ ਦੇ ਅਧਿਕਾਰਾਂ ਦੀ ਸਮਰਥਕ ਹੈ। ਪੀਪਲ ਫਰਾਮ ਐਥਲਿਕ ਟ੍ਰੀਟਮੈਂਟ ਆਫ ਐਨੀਮਲਜ਼ (ਪੀ.ਟੀ.ਏ.) ਲਈ ਪਸ਼ੂਆਂ ਦੇ ਦੁੱਖਾਂ ਦੇ ਖਿਲਾਫ ਉਹ ਅਤੇ ਉਸ ਦੇ ਪਿਤਾ ਤੀਹ-ਸੈਕਿੰਡ-ਜਨਤਕ ਸੇਵਾ ਘੋਸ਼ਣਾ ਵਿੱਚ ਹਾਜ਼ਿਰ ਹੋਏ।[5] ਅਨੁਸ਼ਕਾ ਭਾਰਤ ਵਿੱਚ ਸੰਯੁਕਤ ਰਾਸ਼ਟਰ ਵਿਸ਼ਵ ਭੋਜਨ ਪ੍ਰੋਗਰਾਮ ਦੀ ਬੁਲਾਰੀ ਵੀ ਹੈ।
2013 ਵਿੱਚ ਦਿੱਲੀ ਵਿੱਚ ਇੱਕ ਨੌਜਵਾਨ ਲੜਕੀ (ਇਕ ਬਲਾਤਕਾਰ ਪੀੜਤ ਦੇ ਨਾਂ ਦੀ ਘੋਸ਼ਣਾ ਕਰਨਾ ਭਾਰਤੀ ਕਾਨੂੰਨ ਦੇ ਵਿਰੁੱਧ ਹੈ) ਦੇ ਭਿਆਨਕ ਸਮੂਹਿਕ ਬਲਾਤਕਾਰ ਦਾ ਜਵਾਬ ਦਿੱਤਾ, ਜਿਸ ਨੂੰ ਭਾਰਤੀ ਮੀਡੀਆ ਨੇ ਨਿਰਭਾਇਆ ਬਲਾਤਕਾਰ ਕੇਸ ਕਿਹਾ ਸੀ, ਸ਼ੰਕਰ ਨੇ Change.org 'ਤੇ ਇੱਕ ਔਨਲਾਈਨ ਅਭਿਆਨ ਵਨ ਬਿਲੀਅਨ ਰਾਇਜ਼ਿੰਗ ਸ਼ੁਰੂ ਕੀਤਾ[6] ਜਿਸ 'ਚ ਔਰਤਾਂ ਵਿਰੁੱਧ ਜੁਰਮ ਦਾ ਅੰਤ ਕਰਨ ਦੀ ਮੰਗ ਕੀਤੀ ਗਈ ਹੈ।[7] ਮੁਹਿੰਮ ਦੇ ਹਿੱਸੇ ਵਜੋਂ, ਉਸ ਨੇ ਇੱਕ ਵੀਡੀਓ ਜਾਰੀ ਕੀਤਾ ਜਿਸ ਵਿੱਚ ਉਸ ਨੇ ਪੇਸ਼ ਕੀਤਾ ਸੀ ਕਿ ਇੱਕ ਬੱਚੇ ਦੇ ਰੂਪ ਵਿੱਚ ਕਈ ਸਾਲ ਉਸ ਨਾਲ ਜਿਨਸੀ ਸ਼ੋਸ਼ਣ ਕੀਤਾ ਗਿਆ ਸੀ।[8]
ਸ਼ੰਕਰ ਅਮਰੀਕਾ, ਯੂਨਾਈਟਿਡ ਕਿੰਗਡਮ ਅਤੇ ਭਾਰਤ ਵਿੱਚ ਵੱਡੀ ਹੋਈ ਸੀ। ਬ੍ਰਿਟਿਸ਼ ਨਿਰਦੇਸ਼ਕ ਜੋਅ ਰਾਈਟ ਨਾਲ 2009 ਵਿੱਚ ਇੱਕ ਰਿਸ਼ਤਾ ਸ਼ੁਰੂ ਕਰਨ ਤੋਂ ਬਾਅਦ[9] ਉਹ ਲੰਡਨ ਚਲੀ ਗਈ, ਜਿੱਥੇ ਉਨ੍ਹਾਂ ਨੇ 26 ਸਤੰਬਰ 2010 ਨੂੰ ਵਿਆਹ ਕਰਵਾਇਆ।[10] ਉਨ੍ਹਾਂ ਦੇ ਪਹਿਲੇ ਲੜਕੇ, ਜ਼ੁਬਿਨ ਸ਼ੰਕਰ ਰਾਈਟ, ਦਾ ਜਨਮ 22 ਫਰਵਰੀ 2011 ਨੂੰ ਹੋਇਆ, ਜਦੋਂ ਕਿ ਦੂਜੇ ਪੁੱਤਰ ਮੋਹਨ ਸ਼ੰਕਰ ਰਾਈਟ ਨੇ 17 ਫਰਵਰੀ 2015 ਨੂੰ ਜਨਮ ਲਿਆ।[11]
ਸਾਲ 2018 ਵਿੱਚ ਉਨ੍ਹਾਂ ਨੇ ਤਲਾਕ ਲੈ ਲਿਆ ਸੀ ਅਤੇ ਹੁਣ ਉਹ ਆਪਣੇ ਦੋ ਪੁੱਤਰਾਂ ਨਾਲ ਲੰਡਨ ਵਿੱਚ ਰਹਿੰਦੀ ਹੈ।[12]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.