Тбилисы паддзахадон университет
From Wikipedia, the free encyclopedia
From Wikipedia, the free encyclopedia
Иванэ Джавахишвилийы номыл Тбилисы паддзахадон университет (гуырдз. თბილისის ივანე ჯავახიშვილის სახელობის სახელმწიფო უნივერსიტეტი) у Гуырдзыстоны зæронддæр æмæ стырдæр уæлдæр ахуырады уагдон, зонад æмæ культурæйы ахсджиаг артдзæст. Кусы 1918-æм азæй.
1917-æм азы сарæзтæуыд Тбилисы университетæн йæ бындур æвæрыны æхсæнад. Сæйрагдæр инициаторыл нымад у историк Иванэ Джавахишвили, æндæр хæппæрисджынты ’хсæн уыдысты скæсæнзонæг Георгий Ахвледиани, историк Шалва Нуцубидзе, психолог Дмитрий Узнадзе, лингвист Акакий Шанидзе.
Университет кусын байдыдта 1918-æм азы 26 январы (8 февралы), Бетъырбухы университет байгом кæнынæй 99 азы куы рацыдис, уæд. Уыцы иу бон ма уыд сыгъдæг гуырдзиаг паддзах Давид IV Аразæджы (1073—1125) мысæн бон. 1918-æм азы 30 январы Иване Джавахишвили бакасти йæ лекци рагон гуырдзиаг литературæйы тыххæй. Университеты фыццаг факультет уыдис философон. Бацæуæн экзаментæ нæ уыдысты, райстой-иу, кæй фæндыд, æппæт уыдæтты, чызджыты дæр (фыццаг абитуриенткæ уыд Медея Гамбашидзе[1]) — афтæмæй фыццаг студентты нымæц уыд 360 адæймаджы. Университеты фыццаг ректорæй равзæрстой химик Пётр Меликишвилийы.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.