![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/01/Ardon_seminary.jpg/640px-Ardon_seminary.jpg&w=640&q=50)
Æрыдоны семинар
From Wikipedia, the free encyclopedia
Æрыдоны семинар (уырыс. Ардонская духовная семинария, официалон ном уырыс. Александровская миссионерская духовная семинария) байгом ис 1887-æм азы Гуырдзыстоны экзарх Павелы бардзырдмæ гæсгæ куыд дины училище. Уымæн радих кодтой хуыздæр зæххы хай. 1895-æм азы Уæрæсейы Сенаты бардзырдмæ гæсгæ йæ бындурыл арæзт æрцыдмс Дины миссионерон семинар. Уый хъуамæ райдыдтаид цæттæ кæнын, чырыстон дин ирæтты ’хсæн парахат чи кодтаид, ахæм ахуыргæнджыты.
![Thumb image](http://upload.wikimedia.org/wikipedia/commons/thumb/0/01/Ardon_seminary.jpg/640px-Ardon_seminary.jpg)
Уыцы рæстæджы Ирыстоны уымæй уæлдæр, кадджындæр скъола нæ уыд. Семинары ахуыр кодтой Епхиты Тæтæри, Коцойты Арсен, Барахъты Гино, Малиты Геуæрги, Дзанайты Иван (Нигер) æмæ ирон интеллигенцийы æндæр бирæ хуыздæр минæвæрттæ[1].
1918-æм азы семинары мидæг байгом ис адæмон гимназ. Йæ фыццаг директор уыд Цогойты Алихан. 1957-æм азæй семинары æртæуæладзыгон хæдзары уыдис скъола-интернат. Абон йæ хуыздæр рæстæджытæ не ’рвиты, йæ бæстыхай капиталон æгъдауæй у цалцæггæнинаг[1].
2006-æм азы Цæгат Ирыстоны сæргълæууæг Мамсыраты Таймуразы уынаффæмæ гæсгæ кæддæры семинары хæдзар радтой растуырнæг еклезийы Стъараполы-Дзæуджыхъæуы епархимæ; интернатæн та аразынц ног бæстыхай Æрыдоны; скъоладзаутæ та æндæр скъолайы ахуыр кæнынц «дыккаг сменæйы», фæссихор.