Рио-де-Жанейро

Рио-де-Жанейро (порт. Rio de Janeiro, [ˈʁiu dʒi ʒaˈneiɾu] «январы/тъæнджы мæйы цæугæдон») у Бразилийы сахар, йæ раздæры сæйраг сахар (1764-1960), Бразили æмæ Хуссар Америкæйы дыккаг стырдæр сахар æмæ сахарон агломераци (Сан-Паулуйы фæстæ).

Штаты тыххæй кæс Рио-де-Жанейро (штат).

Сахар
Рио-де-Жанейро
порт. Rio de Janeiro
Тырыса Герб
22°54′30″ ю. ш. 43°11′47″ з. д.HGЯO
Паддзахад	Бразили
Штат	Рио-де-Жанейро
Истори æмæ географи
Бындурæвæрд	1502
Фыццаг кой	1502
Фæзуат	1260 км²
Сахатон таг	UTC−3:00
Цæрджытæ
Цæрджытæ	▼6 211 223 ад. (2022)[1]
Цифрон идентификатортæ
Телефонон код	+55 21
Посты индекс	20000-000
rio.rj.gov.br
Викикъæбицы медиа

Рио-де-Жанейро зындгонд у йæ карнавалæй æмæ туристон былгæрæттæй (Ипанемæ æмæ Копакабанæ). Æндæр зындгонд фенддæгтæ сты Чырыстийы егъау статуй Корковадойы хохыл, Мараканайы стадион æмæ æндæртæ.

Кæд Рио-де-Жанейро рагæй бирæ туристтæ йæхимæ сайы, уæддæр у Бразилийы проблемæджындæр сахартæй иу. Иннæ проблемæты ’хсæн ис уæззау фыдракæндты бæрц æмæ мæгуыр кварталтæ («фавелæтæ»). Уыцы æууæлты бынæттон полицæ дæр архайы æнæхатырæй^[2], æрмæст 2007-æм азы дæргъы æппæт штаты полицæйы кусджытæ рамардтой 1330 адæймаджы^[3], 2006-æм азы та — 1063. Уыцы нымæц комментатортæ абарынц АИШ-ы статистикæимæ — 2006-æм азы æппæт уыцы паддзахады полицæйы кусджытæ амардтой 347 адæймаджы^[4][5]. Рио-де-Жанейройы рæстæмбис полицæйы кусæгæн йæ афæдзы мызд у R$10,488 (6000 америкаг доллары бæрц)^[6].

Йесо Чырыстийы цырт