From Wikipedia, the free encyclopedia
ମେନିଞ୍ଜିଓମା ବା ମେନିଞ୍ଜିଆଲ ଟ୍ୟୁମର (ଇଂରାଜୀ ଭାଷାରେ Meningioma, also known as meningeal tumor) ଏକ ଧୀର ବୃଦ୍ଧି ପ୍ରାପ୍ତ ଅର୍ବୁଦ ଯାହା ମସ୍ତିଷ୍କ ଓ ମେରୁଦଣ୍ଡ ଚାରିପାଖେ ଥିବା ପରଦା ବା ମେନିଞ୍ଜେସରୁ ବାହାରିଥାଏ । ଅର୍ବୁଦର ସ୍ଥାନ ଅନୁଯାୟୀ ପାର୍ଶ୍ୱବର୍ତ୍ତୀ ସ୍ଥାନ ଉପରେ ଚାପ ପଡ଼ିବା ଯୋଗୁ ଲକ୍ଷଣ ଭିନ୍ନ ଭିନ୍ନ ହୋଇଥାଏ ।[2][5] ଅନେକ ଅର୍ବୁଦ କୌଣସି ଲକ୍ଷଣ ପ୍ରକାଶ କରନ୍ତିନାହିଁ ।[1] ବେଳେ ବେଳେ ବାତ (seizures), ଡିମେନ୍ସିଆ, କହିବା ସମସ୍ୟା, ଦୃଷ୍ଟି ସମସ୍ୟା, ଏକ ପାଖିଆ ଦୁର୍ବଳତା ଓ ମୂତ୍ରାଶୟ ଅଣନିୟନ୍ତ୍ରଣ (loss of bladder control) ଇତ୍ୟାଦି ଜଟିଳତା ସୃଷ୍ଟି ହୋଇପାରେ । [1]
ମେନିଞ୍ଜିଓମା (Meningioma) | |
---|---|
ମେନିଞ୍ଜିଆଲ ଟ୍ୟୁମର (Meningeal tumor) | |
![]() A contrast-enhanced CT scan of the brain, demonstrating the appearance of a meningioma | |
ବିଭାଗ | ସ୍ନାୟୁଶଲ୍ୟ ବିଭାଗ (Neurosurgery) |
ଲକ୍ଷଣ | None, ବାତ (seizures), ଡିମେନ୍ସିଆ, କହିବା ସମସ୍ୟା, ଦୃଷ୍ଟି ସମସ୍ୟା, ଏକ ପାଖିଆ ଦୁର୍ବଳତା [1] |
ଆକ୍ରାନ୍ତ ସମୟ | ଯୁବାବସ୍ଥା |
ବିପଦ କାରକ | ଆୟୋନାଇଜିଙ୍ଗ ରାଡିଏସନ (Ionizing radiation), ପାରିବାରିକ ଇତିହାସ [2] |
ରୋଗ ନିର୍ଣ୍ଣୟ ପଦ୍ଧତି | ମେଡିକାଲ ଇମେଜିଙ୍ଗ (Medical imaging)[1] |
ସଠିକ ରୋଗ ନିର୍ଣ୍ଣୟ | ହେମାଞ୍ଜିଓପେରିସାଇଟୋମା (Haemangiopericytoma), ଲିମ୍ଫୋମା, ସ୍ୱାନୋମା (schwannoma), ସଲିଟାରି ଫାଇବ୍ରସ ଟ୍ୟୁମର (solitary fibrous tumour), ମେଟାସ୍ଟାସିସ (metastasis)[3] |
ଔଷଧ | ଆଣ୍ଟିକନଭଲସାଣ୍ଟ (Anticonvulsants), କର୍ଟିକୋସ୍ଟିରଏଡ (corticosteroids)[1] |
ଚିକିତ୍ସା | ପର୍ଯ୍ୟବେକ୍ଷଣ, ଅପରେଶନ, ରାଡିଏସନ ଥେରାପି (radiation therapy)[1] |
Prognosis | ସମ୍ପୁର୍ଣ୍ଣ ବହିଷ୍କାର କଲେ ପ୍ରାୟ ୯୫% ରୋଗୀଙ୍କର ୧୦ ବର୍ଷ ଆୟୁଷ ରହେ । [4] |
ପୁନଃପୌନିକ | ପ୍ରତି ଏକ ହଜାର ଲୋକରେ ଜଣେ (ଯୁକ୍ତରାଷ୍ଟ୍ର ଆମେରିକା)[2] |
ଆୟୋନାଇଜିଙ୍ଗ ରାଡିଏସନ (Ionizing radiation) ସଂସ୍ପର୍ଶ, ରୋଗର ପାରିବାରିକ ଇତିହାସ ଓ ନିଉରୋଫାଇବ୍ରୋମାଟିସିସ ଟାଇପ ୨ (neurofibromatosis type 2) ରୋଗ ଥିଲେ ଏହି ରୋଗ ସଙ୍କଟ ସୃଷ୍ଟି ହୁଏ ।[2][1] ସନ ୨୦୧୪ ସୁଦ୍ଧା ସେଲ ଫୋନ (cell phone) ଯୋଗୁ ହେଉଥିବାର ଜଣାଯାଇନାହିଁ ।[5] ଅନେକ ରକମର ଜୀବକୋଷ (cells) ସୃଷ୍ଟି କରିବାକୁ ଏହି ରୋଗ ସକ୍ଷମ ।[6][1] ମେଡିକାଲ ଇମେଜିଙ୍ଗ (Medical imaging) ସାହାଯ୍ୟରେ ରୋଗ ନିର୍ଣ୍ଣୟ କରାଯାଏ । [1]
ଲକ୍ଷଣ ବିହୀନ କେଶ୍ରେ ସାମୟିକ ପର୍ଯ୍ୟବେକ୍ଷଣ ଯଥେଷ୍ଟ ।[1] ଅଧିକାଂଶ କେଶ୍ରେ ଅପରେଶନ କଲେ ଆରୋଗ୍ୟ ହୋଇଯାଏ । [6] ଅର୍ବୁଦ ସମ୍ପୁର୍ଣ୍ଣ ଅପସାରଣ କଲେ ମଧ୍ୟ ୨୦% କେଶ୍ରେ ଆଉଥରେ ରୋଗ ହୁଏ ।[1] ଅପରେଶନ ଅସମ୍ଭବ ହେଲେ ବା ସମସ୍ତ ଅର୍ବୁଦ ଅପସାରଣ ନହୋଇପାରିଲେ ରେଡିଓସର୍ଜରି (radiosurgery) କରାଯାଇପାରେ । [1] କେମୋଥେରାପି Chemotherapy ସାହାଯ୍ୟ କରେନାହିଁ ।[1] ଅଳ୍ପ ସଂଖ୍ୟକ ରୋଗ ଦୃତ ଗତିରେ ବୃଦ୍ଧି ପ୍ରାପ୍ତ ହୁଏ ଓ ଫଳାଫଳ ବହୁତ ଖରାପ ହୁଏ । [6]
ଯୁକ୍ତରାଷ୍ଟ୍ର ଆମେରିକାରେ ପ୍ରତି ଏକ ହଜାର ଲୋକରେ ଜଣେ ଲୋକକୁ ଏହି ରୋଗ ହୁଏ ।[2] ଯୁବକମାନଙ୍କୁ ପ୍ରାୟ ଏହି ରୋଗ ହୁଏ । [6] ସମୁଦାୟ ମସ୍ତିଷ୍କ ଅର୍ବୁଦ (brain tumors) ରୋଗୀଙ୍କ ମଧ୍ୟରୁ ୩୦% ଲୋକଙ୍କୁ ଏହି ରୋଗ ହୁଏ ।[3] ପୁରୁଷଙ୍କ ଅପେକ୍ଷା ୨ ଗୁଣ ଅଧିକ ମହିଳାମାନଙ୍କୁ ଏହି ରୋଗ ହୁଏ ।[2] ସନ ୧୬୧୪ରେ ଫେଲିକ୍ସ ପ୍ଲାଟର (Felix Plater ପ୍ରଥମେ ଏହି ରୋଗ ବିଷୟ ବର୍ଣ୍ଣନା କରିଥିଲେ ।[7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.