ହାଇଡ୍ରୋସିଲ, ଅନ୍ୟ ନାମ କୁରଣ୍ଡ, ଏକ ରୋଗ ଯେଉଁଥିରେ ଅଣ୍ଡକୋଷ ଚାରିପାଖରେ ତରଳ ପଦାର୍ଥ ଜମିଯିବାରୁ ବୃଦ୍ଧିପ୍ରାପ୍ତ ହୋଇଥାଏ ।[5] ଏହା ସାଧାରଣତଃ ଅଣ୍ଡକୋଷର ଯନ୍ତ୍ରଣାହୀନ ଫୁଲା ଭାବରେ ଉପସ୍ଥାପିତ ହୁଏ ।[3] [2] ସାଧାରଣତଃ କେବଳ ଗୋଟିଏ ପାର୍ଶ୍ୱ ପ୍ରଭାବିତ ହୁଏ ।[1] ରୋଗ ଜଟିଳ ହେଲେ ସଂକ୍ରମଣ, ରକ୍ତସ୍ରାବ କିମ୍ବା ବନ୍ଧ୍ୟାକରଣ ହୋଇପାରେ । [2] ମହିଳାମାନଙ୍କଠାରେ ଲାବିଆ ମେଜୋରାରେ ଏକ ହାଇଡ୍ରୋସିଲ ସୃଷ୍ଟି ହୋଇପାରେ ।[4]
| Hydrocele | |
|---|---|
| Hydrocoele, hydrocele testis | |
 The right testis, exposed by laying open the tunica vaginalis. (Tunica vaginalis is labeled at upper right.) | |
| ବିଭାଗ | Urology |
| ଲକ୍ଷଣ | Painless fluid filled sac within the scrotum[1] |
| କାରଣ | Children: Failure of closure of the processus vaginalis[2] Adults: Filariasis, injury, following hernia surgery[2] |
| ରୋଗ ନିର୍ଣ୍ଣୟ ପଦ୍ଧତି | Examination, ultrasound[3] |
| ସଠିକ ରୋଗ ନିର୍ଣ୍ଣୟ | Groin hernia, testicular tumor, epididymitis, spermatocele, varicocele[2] |
| ଚିକିତ୍ସା | Observation, surgery[2] |
| ପୁନଃପୌନିକ | Common[4] |
ପିଲାମାନଙ୍କ ମଧ୍ୟରେ ସବୁଠାରୁ ସାଧାରଣ କାରଣ ହେଉଛି ପ୍ରୋସେସ୍ ଭାଜିନାଲିସ ବନ୍ଦ ହେବାରେ ବିଫଳତା ।[2] ବୟସ୍କମାନଙ୍କ ମଧ୍ୟରେ ଫାଇଲେରିଆ, ଆଘାତ ଏବଂ ହର୍ନିଆ ଅସ୍ତ୍ରୋପଚାରର ପରେ ଏହା ସୃଷ୍ଟି ହୋଇଥାଏ ।[2] ଅନ୍ତର୍ନିହିତ କାର୍ଯ୍ୟବିଧିରେ ଟ୍ୟୁନିକା ଭାଜିନାଲିସ ମଧ୍ୟରେ ତରଳ ପଦାର୍ଥ ସଂଗ୍ରୁହିତ ହୋଇଥାଏ ।[2] ସାଧାରଣ ପରୀକ୍ଷା ଓ ଅଲଟ୍ରାସାଉଣ୍ଡ କରି ରୋଗ ନିର୍ଣ୍ଣୟ କରାଯାଏ ।[3]
ନବଜାତ ଶିଶୁ କ୍ଷେତ୍ରରେ ଜୀବନର ପ୍ରଥମ ବର୍ଷ କିମ୍ବା ଦୁଇ ବର୍ଷ ମଧ୍ୟରେ ସ୍ୱତଃ ସମାଧାନ ହୁଏ ।[2] ଯେଉଁମାନଙ୍କର ଲକ୍ଷଣ ବିକଶିତ ହୋଇଥାଏ, ତାଙ୍କର ଅସ୍ତ୍ରୋପଚାର ହେଉଛି ପ୍ରାଥମିକ ଚିକିତ୍ସା ।[2] ତରଳ ପଦାର୍ଥ ସିରିଞ୍ଜ ସାହାଯ୍ୟରେ ଟାଣି ବାହାର କରିବା ସମ୍ଭବ ଏହା ପୁନର୍ବାର ଜମିଯାଏ ।[2] ନବଜାତ ଶିଶୁମାନଙ୍କ କ୍ଷେତ୍ରରେ ଫଳାଫଳ ସାଧାରଣତ ଉତ୍ତମ ଅଟେ; ବୟସ୍କ ଅବସ୍ଥାରେ ଫଳାଫଳ ମୂଳ କାରଣ ଉପରେ ନିର୍ଭର କରେ ।[2]
ହାଇଡ୍ରୋସିଲ ବିଶ୍ୱରେ ଏକ ସାଧାରଣ ରୋଗର ମାନ୍ୟତା ପାଇଛି ଓ ଏହା ବିଶେଷତଃ ସ୍ୱଳ୍ପ ଓ ମଧ୍ୟମ ଆୟକାରୀ ବର୍ଗର ଲୋକମାନଙ୍କର ହୁଏ ।[4] ଜୀବନର ପ୍ରଥମ ବର୍ଷରେ ପ୍ରାୟ ୨ରୁ ୫% ପୁରୁଷ ପ୍ରଭାବିତ ହୋଇପାରନ୍ତି ।[6] ନାରୀମାନଙ୍କ ଅପେକ୍ଷା ପୁରୁଷମାନେ ଅଧିକ ପ୍ରଭାବିତ ହୁଅନ୍ତି ।[6] ବିଶ୍ୱାସ କରାଯାଏ ଯେ ଲଜ୍ଜା ହେତୁ ଏହି ରୋଗର ରିପୋର୍ଟ କମ ହୁଏ ।[4]
ଆଧାର
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
