![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b2/%25E0%25AC%25A8%25E0%25AC%259F%25E0%25AD%2581.jpg/640px-%25E0%25AC%25A8%25E0%25AC%259F%25E0%25AD%2581.jpg&w=640&q=50)
ନଟୁ
From Wikipedia, the free encyclopedia
ନଟୁ, ଭାରତ ଓ ପାକିସ୍ଥାନର ଏକ ପାରମ୍ପାରିକ ଖେଳ ।[1]ଏହି ଖେଳ ବିଶେଷ କରି ଗ୍ରାମାଞ୍ଚଳରେ ଖେଳାଯାଏ । କନ୍ନଡ ଓ ତାମିଲ ଭାଷାରେ ଏହାକୁ 'ବମ୍ବରମ'[2] ତଥା ହିନ୍ଦୀ ଓ ଉର୍ଦ୍ଦୁ ଭାଷାରେ 'ଲଟ୍ଟୁ' କୁହାଯାଏ । [3]ନଟୁ କାଠରେ ତିଆରି ହୋଇଥାଏ । ଏହାର ଉପର ଅଂଶ ପେଟୁଆ ଓ ନିମ୍ନଭାଗ କ୍ରମଶ ଗୋଜିଆ ହୋଇଆସିଥାଏ । ଏହାର ଠିକ ମଝିରେ ଲମ୍ବ ପଟରେ ଏକ ଲୁହା କଣ୍ଟା ଭେଦକରାଯାଇଥାଏ । ଏହି କଣ୍ଟା ସାହାଯ୍ୟରେ ନଟୁ ଘୁରିଥାଏ । ନଟୁର ନିମ୍ନାର୍ଧକୁ ଏକ ସୂତାଦ୍ୱାରା ଗୁଡାଇ, ଭୂଇଁ ଉପରକୁ ଛାଟି ଦେଇ, ସୂତାଟିକୁ ନିଜ ଆଡକୁ ଟାଣିଆଣିଲେ ନଟୁଟି ବହୁ ସମୟ ପର୍ଯ୍ୟନ୍ତ ଭୂଇଁରେ ଘୁରିବୁଲେ । ଏହି ଘୁରି ବୁଲୁଥିବା ସମୟରେ, ସୂତା ସାହାଯ୍ୟରେ ନଟୁଟିକୁ ଉଠାଇ ଆଣି ହାତ ପାପୁଲି ଉପରେ ମଧ୍ୟ ଘୁରାଯାଇପାରେ । [4]
![Thumb image](http://upload.wikimedia.org/wikipedia/commons/thumb/b/b2/%E0%AC%A8%E0%AC%9F%E0%AD%81.jpg/640px-%E0%AC%A8%E0%AC%9F%E0%AD%81.jpg)