Vespa velutina

Lo forselon asiatic (Vespa velutina) es una espècia de forselon originària del sud-èst asiatic que s'espandiguèt en Euròpa aprèp son arribada accidentala en Occitània en 2004. Es un predator natural de las abelhas de mèl, es gaireben similara als forselons autoctòns que se ne pòt diferenciar sonque per una unica franja jauna e mai larga sus l'abdomèn. Es pas agressiu per las personas mas tua las abelhas de mèl e es un problèma aflaquissent l'apicultura en mai del Varroa destructor e del sindròme del despoblament dels brusques^[1].

Vespa velutina

Vespa velutina nigrithorax capturat a Tolosa (Occitània). Vista dorsala e ventrala

Classificacion

Règne	Animalia
Embrancament	Arthropoda
Sosembr.	Hexapoda
Classa	Insecta
Sosclassa	Pterygota
Infraclassa	Neoptera
Superòrdre	Endopterygota
Òrdre	Hymenoptera
Sosòrdre	Apocrita
Superfamilha	Vespoidea
Familha	Vespidae
Sosfamilha	Vespinae
Genre	Vespa

Nom binominal

Vespa velutina
Lepeletier, 1836

Origina

Sud-èst asiatic: Índia, Indochina, China e illas de Java, Lombok e Hong Kong.

Sosespècias

Vespa velutina nigrithorax - Tolosa

I a 7 sosespècias e 6 varietats, la varietat subtropicala introdusida en Euròpa dempuèi de França es la nigrithorax descricha en 1905^[2][3].

Morfologia

Nis de forselon asiatic dins un arbre

Un forselon obrièr mesura prèp 3 cm de long^[4]. La varietat V. v. nigrithorax a lo torax negre e l'abdomèn amb un anèl jaune-iranjat amb un triangle negre. La reina fa 3,5 cm de long. Coma los autres forselons fa un nis a la prima de la textura del papièr (paper maché) fins a 80 cm de diamètre. Lo nis se fa normalament dins los arbres a qualques mètres de naut mas de còps que i a al nivèl de la tèrra o dins los edificis umans. Dins cada nis pòdon caber 2000 forselons^[5].

Espècia invasiva

Reparticion en França^[6] .

Venguèt una espècia invasiva en Occitània que benlèu arribèt dins lo cargament d'un vaissèl en 2004. Dempuèi aquela vèspa ataca las personas e las abelhas de mèl^[7].