From Wikipedia, the free encyclopedia
L'universitat Tolosa 1 Capitòli es una de las tres universitats de la vila de Tolosa.
| Universitat Tolosa 1 Capitòli | |||||
 Lògo |
|||||
| Devisa | Universitas Magistrorum & Scolarium | ||||
|---|---|---|---|---|---|
| Informacions | |||||
| Fondacion | 1229 per la primièra universitat de Tolosa 1968 per l'universitat Tolosa 1 Capitòli[1] |
||||
| Fondator | Raimon VII - Loís IX | ||||
| Tipe | Universitat publica | ||||
| Regim lingüistic | Francés | ||||
| Budget | 112 000 000 €[2] | ||||
| Localizacion | |||||
| Coordenadas | 43° 36′ 23″ nòrd, 1° 26′ 12″ èst | ||||
| Vila | Tolosa | ||||
| País |  França | ||||
| Region | Occitània | ||||
| Campus | Centre-Vila | ||||
| Direccion | |||||
| President | Bruno Sire | ||||
| Cifras claus | |||||
| Personal | 500[3] | ||||
| Ensenhants | 580[3] | ||||
| Estudiants | 21 100[4] | ||||
| Nivèl | Bac+1 a Bac+8 (Doctorat) | ||||
| Divèrs | |||||
| Afiliacion | Universitat de Tolosa, Aerospace Valley | ||||
| Site web | www.ut-capitole.fr/ | ||||
Geolocalizacion sus la mapa : Nauta Garona
Geolocalizacion sus la mapa : França
Geolocalizacion sus la mapa : Tolosa
| |||||
modificar  | |||||
Aquesta universitat es axada sus las sciéncias socialas (Dreit, Sciéncia politica, Economia, Administracion, etc.).
L'Universitat de Tolosa es la segonda universitat creada en França en 1229 (l'Universitat de París que fosquèsse reconeguda oficialament en 1200 pel Rei Felip August e en 1215 pel Papa Innocent III), quitament abans La Sorbona fondada en 1257. Compòrta a l'origina quatre facultats : Teologia, Dreit canonic, Dreit civil e Arts (gramatica). La facultat de Medecina serà creada en 1257. La Revolucion suprimisquèc totas las universitats en 1793.
A la fin del Segond Empèri, dins una situacion generala deslabrada e miserabla de las facultats de província, quatre universitats coexistisson a Tolosa (Dreit, Letras, Sciéncias, Teologia catolica). Mas la sola vertadièrament importanta es la Facultat de Dreit, que coma jos l'ancian regim, regrop los tres quart dels estudiants e possedís los professors los mai prestigioses. Las facultats tolosencas testimonhan malgrat tot de la pauretat de l'ensenhament superior dins la França provinciala. Caldrà esperar los ans 1880 e las accions d'òmes coma Louis Liard e Ernest Lavisse, que fan acordar una mai larga autonomia a las Facultats per que la municipalitat de Tolosa dòte la vila d'institucions culturalas dignas de son ròtle nacional.
En revenge, las dificultats nascudas de la centralizacion « parisenca » contunhan d'entravar lo desvolopament de las Facultats e demòran entièras quand comença lo sègle XX e se contunhan fins al 12 de novembre de 1968. Data de la lei d'orientacion de l'ensenhament superior, dita lei Edgar Faure, que crèa d'establiments d'un tipe novèl « les establiments publics de caractèr scientific e cultural » (EPCSC). Amai, las ancianas facultats desapareisson e son remplaçadas per d'Unitats d'ensenhament e de recèrca (UER) regropadas dins las universitats. Atal, a Tolosa naisson tres universitats : Universitat Tolosa I Capitòli (Dreit, Sciéncia politica, Economia e Gestion), Universitat Tolosa II Le Miralh (Letras e Sciéncias umanas) e Universitat Tolosa III Pau Sabatièr (Sciéncias e Santat).
Sola l'Universitat Tolosa 1 Capitòli demorarà sul site istoric del Centre-Vila.
L'establiment accedís a l'autonomia en genièr de 2009, e aquerís la proprietat de sos locals en mai de 2011[5].
L'universitat compta 3 escòlas doctoralas [6]:
Directritz : Wanda Mastor
Director :Patrick Fève
Director : Karim Mignonac
L'universitat es tanben coabilitada per 4 escòlas doctoralas [6] :
Director : Jean-Michel Roquejoffre
Director : Colette Zytnicki
Director : Yves Gourinat
L'Universitat Tolosa 1 Capitòli aficha una politica de formacion que « se vòl pragmatica, virada cap a la qualitat de l'insercion professionala tot en afavorisent l'identificacion de percors de formacion coerents ».
La recèrca, labèl qualitat d'UT1, ocupa una plaça centrala dins le desvolopament dels escambis, l'evolucion dels ensenhaments, la dobertura menada cap als partenariats professionals… EADS, Airbus, EDF, GDF, Microsoft, Visa, les operators màgers de telecomunicacion, dels gropes financièrs internacionals, coma la BNP, semblan li far fisança e posan dins sos diplomats e les trebalhs de sos cercaires las ressorsas indispensablas a lor desvolopament.
En consequéncia de la la lei relativa a las libertats e responsabilitats de las universitats (o lei LRU o encara lei Pécresse), l'Universitat Tolosa 1 Capitòli es venguda autonòma lo 1r de genièr de 2009.
L'Universitat Tolosa 1 Capitòli es tanben la primièra universitat a aculhir lo mai de mencions en licéncia de Sciéncias economicas : Dreit - Matematicas - Gestion - Tractament de l'informacion - Lenga e civilizacion ispanica
L'universitat compta mantuna unitat de recèrcas ligadas a d'organismes de recèrca coma le CNRS o reconegudas per l'universitat[7]:
lo Grop de recèrca en economia matematica e quantitativa (abreujat en GREMAQ, UMR CNRS 5604 e UMR_A INRA 1291), l'Institut de matematica de Tolosa (abreujat en IMT, UMR CNRS 5219), l'Institut de recèrca en informatica de Tolosa (abreujat en IRIT, UMR CNRS 5505), le Laboratòri d'economia de las ressorsas naturalas (abreujat en LERNA, UMR_A INRA 1081), e le Centre de recèrca en management (abreujat en CRM, EAC CNRS 5032).
Lo Talhièr de recèrca quantitativa aplicada al desvolopament economic - ARQADE (EA 791), le Centre de dreit dels afars - CDA (EA 780), le Centre de dreit privat - CDP (EA 1920), le Centre d'estudis e de recèrcas constitucionalas e politicas - CERCP (EA 1918), le Centre tolosenc d'istòria del dreit e de las idèas politicas - CTHDIP (EA 789), le Grop de recèrca sus la seguretat e la governança - GRSG (EA 4176), l'Institut del dreit de l'espaci, dels territòris e de la comunicacion - IDETCOM (EA 785), l'Institut dels estudis juridics de l'urbanisme e de la construccion - IEJUC (EA 1919), l'Institut de recèrca en dreit europèu, internacional e comparat - IRDEIC (EA 4211), Le Laboratòri de las sciéncias socialas del politic - LASSP (IEP - EA 4175), le Laboratòri d'estudis e de recèrcas sus l'economia, las politicas e les sistèmas socials - LEREPS (EA 790), e le laboratòri Teoria dels actes e del contraròtle de las institucions publicas - TACIP (EA 786).
_Université_Toulouse_1_Capitole_-_Entrée_principale,_site_de_l'Arsenal.jpg)
.jpg)
L'UT1 se situa sus 3 sites en còr de vila de Tolosa :
Aquí son situats l'IAE, los locals de fòrça associacions estudiantas, lo SUIO e tanben d'anfiteatres e salas de cors. De senhalar que se pòt accedir dempuèi las Ancianas Facultats a l'IEP Tolosa, que partetja de bastiments amb l'universitat e ont i a de locals dels sindicats estudiants. Doas bibliotècas son installadas dins aqueles luòcs, la bibliotèca Garrigou (Ancianas Facultats) e la bibliotèca Godechot (IEP).
Las ancianas facultats son situadas 2, Carrièra Albert Lautmann a 2 min de la plaça del Capitòli.
Aquí se situan la majoritat e màgers amfiteatres e salas de cors, e fòrça dels servicis administratius de l'universitat. Aquel sita conten tanben la Bibliotèca universitária de l'Arsenal, mai granda bibliotèca de l'Universitat. Sul campus i a tanben lo Restaurant universitari de l'Arsenal de ciutats e residéncias universitàrias
L'Arsenal se situa 2, Carrièra del Degan Gabriel Marty, es fàacia a l'IEP e a las ancianas facultats. .
S'i trapan de salas de cors, amfiteatres mai subretot de laboratòris e bibliotècas de recerca pel tresen cicle. La Manufactura dels Tabats abriga la Toulouse School of Economics e l'IEP a causa de l'inadaptacion dels locals instorics.
La Manufactura tròba al 21, Andana de Briena de l'autre costat del Canal de Brienne al respècte del dos sites susçai.
Un centre Universitari deslocalizat se situa a Montalban, 116 bd Montauriol.
L'IUT de Rodés depend de l'UT1-Capitòli, se situa 50 avenguda de Bordèu.
Reparticion dels estudiants per UFR, en 2009 [8]:
| UFR | Nombre d'estudiants |
|---|---|
| Dreit | 8 556 |
| Sciéncias economicas | 3 229 |
| Institut d'administracion des entrepresas | 2 268 |
| Administracion e comunicacion | 1 785 |
| Institut d'estudis politics | 1 592 |
| IUT | 565 |
| Informatica | 480 |
| Total | 18 493 |
L’Universitat Tolosa 1 Capitòli creèt son fons de dotacion en 2009, lo Fonds UT1 Capitòli, presidit per Lucien Rapp.
Las missions del Fons de l’Universitat Tolosa 1 Capitòli son de crear una planca entre l'universitat e los actors socioeconomics, sostener l'estrategia de desvelopament de l'universitat, coma formacion e sa recerca, far espelir de projèctes valorizants per que l'Universitat Tolosa 1 Capitòli venga un pòl universitari de notorietat internacionala[9].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
