Terebentina
From Wikipedia, the free encyclopedia
From Wikipedia, the free encyclopedia
La terebentina es una oleorasina tracha a partir dels arbres resinoses, de color jauna o brunenca segon l'origina de l'arbre (mai sovent una espèceia de resinoses d'Asia, d'Euròpa e d'America).
Après purificacion e distillacion, la terebentina se separa en doas partidas: l'una solida e inodòra, es la colofònia; l'autre liquida e odoranta, es l'esséncia de terebentina.
La laca es tanben obtenguda a partir d'oleoresinas d'arbres asiatics.
La terebentina de Chio, tanben nomenada terebentina de Chipre o d'Ongria, èra a l'origina producha a partir de la saba del petelin terebint, a que deu son nom. Podavan èsser un dels multiples constituents de la teriaca de la farmacopèa maritima occidentala al sègle XVIII[1].
La terebentina foguèt enseguida subretot producha a partir de la resina de diferentas espècias de resinoses, coma Pinastre (Pinus pinaster), Pin d'Alèp (Pinus halepensis), Pin dels paluns (Pinus palustris) o Pin ponderosa (Pinus ponderosa).
La terebentina de Bordèu, encara nomenada « pega de Bordèu »[2], « galipòt », « terebentina oficinala » o « terebentina du pin », es la resina extracha del Pinastre (Pinus pinaster), donant après purificacion e distillacion la fòrça celèbra « esséncia de terebentina » e tanben la colofònia (rèste de la distillacion).
De l’Epicèa comun, se trai dins las Vòges una autra terebentina.
La terebentina de Venècia, o de Briançon, es obtenguda per la distillacion de la resina d'una espècia de mèlze, Larix decidua, e a vegada d'unes pins.
La terebentina del Canadà o balme del Canadà es una oleoresina venent d'un arbre canadian, l'avet balmièr (Abies balsamea).
La terebentina d'Alsàcia o de las Vòges, extracha de l'Avet comun.
La terebentina conten una esséncia rica en carburs terpenic, l'alfapinèn, lo betapinèn e en acids resinics. Es utilizada en medecina coma expectorant, balsamic (qu'agís coma un balme), antiseptic urinari e palmonari (en associacion amb l'eucaliptus e lo benjoïn) e revulsiu en usatge extèrne dins la recerca biomedicala.
L'esséncia pòt èsser utilizada coma solvant dins la tecnica de la pintura a l'òli.
L'esséncia de terebentina foguèt tanben utilizada coma carburant de fusadas, coma pel primièr estatge del lançaire Diamant A, vector del primièr satellit francés, Astérix.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.