La Societat de Lingüistica Aragonesa o SLA (en aragonés SLA: Sociedat de Lingüistica Aragonesa) es una associacion que se dedica a la promocion de la lenga aragonesa e ribagorçana a travèrs de l'investigacion scientifica en lingüistica. Se fondèt en 2004.
La motivacion de la creacion de l'SLA es l'ambicion d'un trabalh scientific d'auta qualitat: se presenta coma una alternativa au trabalh dau Consello d'a Fabla Aragonesa (CFA) que, segon l'SLA, presentariá de grandei mancanças de rigor.
L'SLA elabòra una codificacion de l'aragonés, dicha grafia SLA, qu'es un modèl diferent de la grafia d'Òsca promoguda per lo Consello d'a Fabla Aragonesa (CFA). La grafia SLA se preocupa de la connexion de l'aragonés amb lei nòrmas deis autrei lengas romanicas, especialament aquelei dau catalan e de l'occitan. Es la basa d'una possibla estandardizacion futura de l'aragonés que prendriá en còmpte una conoissença seriosa de la dialectologia aragonesa e que seriá una alternativa au modèl d'"aragonés comun" dau CFA, estimat artificiau per l'SLA.
L'SLA edita la revista De Lingva Aragonensi amb la volontat de melhorar e dinamizar lei publicacions scientificas subre l'aragonés e lo ribagorçan.
Tanben lei lingüistas de l'SLA participan regularament a divèrs collòquis e revistas internacionaus de lingüistica.
Lo president de l'SLA es lo lingüista de Binéfar Xavier Tomás Arias.
Vejatz tanben
Liames intèrnes
Liames extèrnes
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
